spot_img
Homeຂ່າວຕ່າງປະເທດຄົ້ນພົບດາວເຄາະນອກລະບົບຄ້າຍດາວໂລກ

ຄົ້ນພົບດາວເຄາະນອກລະບົບຄ້າຍດາວໂລກ

Published on

ນັບແຕ່ປີ 2016 ທີມນັກວິທະຍາສາດນາໆຊາດນຳໂດຍມະຫາວິທະຍາໄລເກິທທິງເງິນ ປະເທດເຢຍລະມັນ ແລະ ສະຖາບັນຟີສິກດາລາສາດແຫ່ງໝູ່ເກາະຄະແນຣີໃນແອັດສະປາຍໄດ້ທຳການຄົ້ນຫາດາວເຄາະອ້ອມຮອບດາວທີ່ຢູ່ໃກ້ຄຽງ ໂດຍໃຊ້ກ້ອງດູດາວຄາຣເມນເນສ (CARMENES) ທີ່ອອກແບບມາເພື່ອຄົ້ນຫາດາວເຄາະນອກລະບົບໂດຍສະເພາະ.

ຫຼ້າສຸດ ທີມນັກວິທະຍາສາດກໍໄດ້ເປີດເຜີຍວ່າ ຫຼັງຈາກໃຊ້ເວລາປະມານ 3 ປີໃນການສຳຫຼວດດາວທີ່ມີຊື່ວ່າ ທີກາຣເດນ (Teegarden) ເພື່ອຫາຄວາມປ່ຽນແປງເປັນໄລຍະໆ ໃນຄວາມໄວຂອງດາວດວງນີ້ກໍເຮັດໃຫ້ສາມາດອະທິບາຍເຖິງດາວເຄາະ 2 ດວງທີ່ກຳລັງໂຄຈອນອ້ອມດາວທີກາຣເດນ ທັງນີ້ ນັກວິທະຍາສາດພົບວ່າ ດາວເຄາະທັງສອງມີລັກສະນະຄ້າຍກັບດາວເຄາະຊັ້ນໃນຂອງລະບົບສຸລິຍະແຕ່ມີຂະໜາດໃຫຍ່ກວ່າດາວໂລກພຽງເລັກນ້ອຍ ທີ່ໜ້າສົນໃຈກໍຄືດາວເຄາະດັ່ງກ່ວຕັ້ງຢູ່ໃນເຂດທີ່ເອື້ອອຳນວຍຕໍ່ການຢູ່ອາໄສຂອງສິ່ງທີ່ມີຊີວິດ ແລະ ເປັນໄປໄດ້ວ່າຈະມີນ້ຳໃນສະຖານະເປັນຂອງແຫຼວ ສ່ວນວ່າຈະມີສິ່ງທີ່ມີຊີວິດອາໄສຢູ່ ຫຼື ບໍ່ນັ້ນແມ່ນຕ້ອງໄດ້ສຶກສາຄົ້ນຄວ້າຕໍ່ໄປ.

ດາວທີກາຣເດນຖືກຄົ້ນພົບເມື່ອປີ 2003 ຢູ່ຫ່າງຈາກດາວໂລກພຽງ 12,5 ປີແສງ ຕັ້ງຢູ່ທິດຂອງກຸ່ມດາວແກະ ອຸນຫະພູມພື້ນຜິວຂອງດາວຢູ່ທີ່ 2.700 ອົງສາ ແລະ ມີມວນສານພຽງ 1 ໃນ 10 ຂອງດວງອາທິດ.

 

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thairath

ບົດຄວາມຫຼ້າສຸດ

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...