spot_img
Homeນານາສາລະຈອດລົດຕັນທາງລ້ຽວຂວາ ອີກໜຶ່ງສາເຫດທີ່ເຮັດໃຫ້ການຈະລາຈອນແອອັດ

ຈອດລົດຕັນທາງລ້ຽວຂວາ ອີກໜຶ່ງສາເຫດທີ່ເຮັດໃຫ້ການຈະລາຈອນແອອັດ

Published on

ລົດຕິດໃນເມືອງຫຼວງໂດຍສະເພາະໃນຊ່ວງເວລາໂມງເຂົ້າການ-ເລີກການ ຫຼື ໃນຍາມມີບຸນເທສະການຕ່າງໆເປັນບັນຫາທີ່ແກ້ໄຂໄດ້ຍາກ ຊຶ່ງເກີດຈາກຫຼາຍປັດໄຈເຊັ່ນ 1. ຈຳນວນທີ່ເພີ່ມຂຶ້ນ 2. ເສັ້ນທາງບາງເສັ້ນຍັງແຄບ ແລະ ເສັ້ນດຽວແບ່ງເປັນສອງເລນ ແລະ 3. ລົດຄັນທີ່ຕ້ອງການໄປທາງຊື່ຜັດຈອດລົດຕັນທາງລ້ຽວຂວາ.

ຫຼາຍຄັ້ງທີ່ຜູ້ຂຽນພົບເຫັນລົດທີ່ຕ້ອງການໄປທາງຊື່ແຕ່ຈອດຕັນທາງລ້ຽວຂວາໃນເວລາຕິດໄຟອຳນາດ ແລະ ເຮັດໃຫ້ລົດຄັນທີ່ຕ້ອງການລ້ຽວຂວານຕ້ອງໄດ້ຢຸດລໍໃຫ້ໄຟຂຽວເປີດເພື່ອໃຫ້ລົດຄັນທາງໜ້າເຄື່ອນຕົວອອກໄປ ກໍລະນີດັ່ງກ່າວເຮັດໃຫ້ລົດຄັນທີ່ຕ້ອງການລ້ຽວຂວາຕ້ອງຈອດລໍຖ້າຈົນກວ່າຈະເຖິງເວລາໄຟຂຽວ ເລື່ອງນີ້ອາດເບິ່ງຄືວ່າເປັນເລື່ອງເລັກໆນ້ອຍໆ ແຕ່ຫາກເບິ່ງຕາມຄວາມເປັນຈິງແລ້ວມັນກໍເປັນເລື່ອງທີ່ບໍ່ຄວນເບິ່ງຂ້າມ ຊຶ່ງອາດເປັນອີກໜຶ່ງສາເຫດທີ່ເຮັດໃຫ້ການລະບາຍລົດຢູ່ໃນຖະໜົນເກີດຕິດຂັດ ເຮັດໃຫ້ລະບາຍບໍ່ໄດ້ດີເທົ່າທີ່ຄວນ ແລະ ກາຍເປັນການສະສົມລົດໃຫ້ອັ່ງຢູ່ໃນເສັ້ນທາງ ແລະ ຍິ່ງເຮັດໃຫ້ລົດຕິດກວ່າເກົ່າ.

ແນ່ນອນວ່າ ບັນຫາລົດຕິດ ຫຼື ບັນຫາຄົນຈອດລົດຕັນທາງລ້ຽວຂວາໃນທາງເລນດຽວ ຫຼື ໃນທາງຫຼາຍເລນ ຖືເປັນເລື່ອງທີ່ແກ້ໄຂໄດ້ຍາກເນື່ອງຈາກວ່າທຸກຄົນລ້ວນມີຄວາມຕ້ອງການທີ່ຈະຢູ່ທາງໜ້າເພື່ອຈະໄດ້ໄປທັນເວລາໄຟຂຽວເປີດ ແຕ່ການກະທຳນີ້ເບິ່ງໃນອີກມຸມໜຶ່ງກໍເປັນຄວາມເຫັນແກ່ຕົວຂອງ (ບາງຄົນ) ເພາະພຽງເລື່ອງເລັກນ້ອຍທີ່ທ່ານເບິ່ງຂ້າມມັນອາດເຮັດໃຫ້ຄົນອື່ນເດືອດຮ້ອນ ຫຼື ສ້າງຄວາມເສຍຫາຍໄດ້ເຊັ່ນ ກັນ.

ທັງນີ້ ທາງລ້ຽວຂວາທີ່ບໍ່ສົມຄວນຈອດລົດຕັນທີ່ສຸດໃນເວລາຕິດໄຟແດງແມ່ນທາງລ້ຽວຂວາທີ່ຈະໄປສູ່ໂຮງໝໍ ເພາະມັນອາດກີດຂວາງທາງສັນຈອນຂອງລົດໂຮງໝໍທີ່ຈະຜ່ານມາໄດ້ທຸກເມື່ອ ດັ່ງນັ້ນ ພວກເຮົາທຸກຄົນຕ້ອງມີສະຕິໃນການຈອດລົດເວລາຕິດໄຟອຳນາດທຸກຄັ້ງ ພະຍາຍາມຫຼີກເວັ້ນການຈອດຕັນທາງລ້ຽວຂວາໃຫ້ຫຼາຍທີ່ສຸດເທົ່າທີ່ຈະເຮັດໄດ້.

ບົດຄວາມນີ້ບໍ່ໄດ້ຂຽນມາເພື່ອວິຈານການກະທຳຂອງໃຜ ແຕ່ມີເຈດຕະນາຂຽນຂຶ້ນເພື່ອໃຫ້ທຸກຄົນຄຳນຶງເຖິງການໃຊ້ເສັ້ນທາງຮ່ວມກັນ ຫຼີກເວັ້ນການເຮັດໃຫ້ຄົນອື່ນເດືອດຮ້ອນຖືເປັນສ່ວນໜຶ່ງໃນການຊ່ວຍຫຼຸດບັນຫາລົດຕິດຮ່ວມນຳກັນ.

ຂຽນໂດຍ: ບຸດສະດີ ສາຍນໍ້າມັດ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...