spot_img
Homeຂ່າວຕ່າງປະເທດວົງ BTS ສ້າງປະຫວັດສາດໃໝ່ໃຫ້ວົງການ k-pop ຂອງ ສ.ເກົາຫຼີ

ວົງ BTS ສ້າງປະຫວັດສາດໃໝ່ໃຫ້ວົງການ k-pop ຂອງ ສ.ເກົາຫຼີ

Published on

ຖ້າເອີ່ຍເຖິງບອຍແບນ (Boy band) ທີ່ໂດ່ງດັງສຸດໆໃນຕອນນີ້ຄົງຈະບໍ່ມີໃຜບໍ່ຮູ້ຈັກ 7 ໜຸ່ມແຫ່ງວົງ BTS ຈາກ ສ.ເກົາຫຼີ ຊຶ່ງໄດ້ສ້າງປາກົດການໃໝ່ອີກຄັ້ງດ້ວຍການເປີດສະແດງທີ່ສະໜາມເວມບລີຊື່ດັງໃນປະເທດອັງກິດ.

ໂດຍຫຼ້າສຸດ ວົງ BTS ໄດ້ເປີດຄອນເສີດໃຫຍ່ Love Yourself : Speak Yourself ທີ່ສະໜາມກີລາເວມບລີ ນະຄອນຫຼວງລອນດອນ ປະເທດອັງກິດ ຊຶ່ງເປັນສະໜາມທີ່ເຕັມໄປດ້ວຍປະຫວັດສາດທີ່ກ່ຽວຂ້ອງກັບກີລາຂອງປະເທດອັງກິດ ຊຶ່ງທີ່ຜ່ານມາກໍມີສິລະປິນລະດັບໂລກມາເປີດການສະແດງໃນສະໜາມແຫ່ງນີ້ ແລະ ຄັ້ງນີ້ຖືເປັນຄອນເສີດຄັ້ງທີ 3 ຂອງວົງ BTS ທີ່ສະແດງໃນອັງກິດ.

ທັງນີ້ BTS ຖືເປັນກຸ່ມສິລະປິນຈາກ ສ.ເກົາຫຼີ ວົງທຳອິດທີ່ຂຶ້ນຄອນເສີດຢູ່ທີ່ສະໜາມກີລາແຫ່ງນີ້ ທັງໄດ້ສ້າງປະຫວັດສາດໜ້າໃໝ່ໃຫ້ກັບວົງນັບແຕ່ການເປີດຂາຍບັດຄອນເສີດ ຊຶ່ງບັດທີ່ເປີດໃຫ້ຈອງໃນເອີຣົບ ແລະ ອາເມຣິກາທັງໝົດ 30.000 ໃບແມ່ນຖືກຈຳໜ່າຍໝົດທັນທີທີ່ເປີດຈຳໜ່າຍພາຍໃນວັນທີ 1 ມິຖຸນາຜ່ານມາ ຂະນະທີ່ຢູ່ສະໜາມເວມບລີກໍຂາຍບັດຈຳນວນ 90.000 ໃບໝົດພາຍໃນ 90 ນາທີເທົ່ານັ້ນ.

ຈາກສະຖິຕິດັ່ງກ່າວຈິ່ງເຮັດໃຫ້ວົງ BTS ກ້າວຂຶ້ນໄປຢູ່ໃນອັນດັບທີ 12 ຂອງສິລິປິນທີ່ຈຳໜ່າຍບັດຄອນເສີດທີ່ສະໜາມເວມບລີໄດ້ໄວທີ່ສຸດເຊັ່ນດຽວກັບສິລະປິນລະດັບໂລກບໍ່ວ່າຈະເປັນ ໄມເຄລ ແຈັກສັນ ມາດອນນາ ບີຢອນເຊ ວັນໄດເຣັກເຊິນ ເອັດ ຊີແຣນ ແລະ ອື່ນໆ ແລະ ຖືເປັນກຸ່ມສິລະປິນຈາກອາຊີກຸ່ມທຳອິດທີ່ສາມາດເຮັດໄດ້ແບບນີ້.

ຂະນະທີ່ເມື່ອເດືອນເມສາຜ່ານມາ ວົງ BTS ກໍໄດ້ຂຶ້ນເປັນ 1 ໃນ 3 ວົງໃນຮອບ 50 ປີທີ່ພາອາລະບຳເພງຂຶ້ນອັນດັບ 1 ໃນບິລບອຣດຊາຣດໄດ້ເຖິງ 3 ຄັ້ງພາຍໃນເວລາບໍ່ເຖິງ 12 ເດືອນ ເຊັ່ນດຽວກັບວົງໃນຕຳນານຄື ວົງ The Beatles ແລະ ວົງ The Monkees ແລະ ໃນເດືອນຕໍ່ມາກໍໄດ້ກາຍເປັນສິລະປິນກຸ່ມທຳອິດໃນປະຫວັດສາດຂອງບິລບອຣດຊາຣດທີ່ຄອງອັບດັບ 1 ໃນຊາຣດ 100 ສິລະປິນຂອງບິລບອຣດໄດ້ເຖິງ 5 ອາທິດ.

ປັດຈຸບັນ ທະວິຕເຕີຂອງບອຍແບນຈາກແດນກິມຈິມີຄົນຕິດຕາມຈາກທົ່ວໂລກຫຼາຍກວ່າ 20 ລ້ານຄົນ ຊຶ່ງແຊງໜ້າ ບີຢອນເຊ ແລະ ເອັດ ຊີແຣນ ໄປແລ້ວ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: Big Hit Entertainment

ບົດຄວາມຫຼ້າສຸດ

ມຽນມາສັງເວີຍຊີວິດຢ່າງນ້ອຍ 113 ຄົນ ຈາກໄພພິບັດນ້ຳຖ້ວມ ແລະ ດິນຖະຫຼົ່ມ

ສຳນັກຂ່າວຕ່າງປະເທດລາຍງານໃນວັນທີ 16 ກັນຍາ 2024 ນີ້ວ່າ: ຈຳນວນຜູ້ເສຍຊີວິດຈາກເຫດການນ້ຳຖ້ວມ ແລະ ດິນຖະຫຼົ່ມໃນມຽນມາເພີ່ມຂຶ້ນຢ່າງນ້ອຍ 113 ຊີວິດ ຜູ້ສູນຫາຍອີກ 64 ຄົນ ແລະ...

ໂດໂດ ທຣຳ ຖືກລອບສັງຫານຄັ້ງທີ 2

ສຳນັກຂ່າວຕ່າງປະເທດລາຍງານໃນວັນທີ 16 ກັນຍາ 2024 ຜ່ານມາ, ເກີດເຫດລະທຶກຂວັນເມື່ອ ໂດໂນ ທຣຳ ອະດີດປະທານາທິບໍດີສະຫະລັດອາເມລິກາ ຖືກລອບຍິງເປັນຄັ້ງທີ 2 ໃນຮອບ 2 ເດືອນ...

ແຈ້ງການຫ້າມການສັນຈອນ ໃນບາງເສັ້ນທາງສໍາຄັນຊົ່ວຄາວ ຂອງລົດບັນທຸກ ຫີນ, ແຮ່, ຊາຍ ແລະ ດິນ

ພະແນກ ໂຍທາທິການ ແລະ ຂົນສົ່ງ ອອກແຈ້ງການຫ້າມການສັນຈອນ ໃນບາງເສັ້ນທາງສໍາຄັນຊົ່ວຄາວ ຂອງລົດບັນທຸກ ຫີນ, ແຮ່, ຊາຍ ແລະ ດິນ ໃນການອໍານວຍຄວາມສະດວກ ໃຫ້ແກ່ກອງປະຊຸມ...

ແຈ້ງການກຽມຮັບມືກັບສະພາບໄພນໍ້າຖ້ວມ ທີ່ອາດຈະເກີດຂຶ້ນພາຍໃນແຂວງຄໍາມ່ວນ

ແຂວງຄຳມ່ວນອອກແຈ້ງການ ເຖິງບັນດາທ່ານເຈົ້າເມືອງ, ການຈັດຕັ້ງທຸກພາກສ່ວນ ແລະ ປະຊາຊົນຊາວແຂວງຄໍາມ່ວນ ກ່ຽວກັບການກະກຽມຮັບມືກັບສະພາບໄພນໍ້າຖ້ວມ ທີ່ອາດຈະເກີດຂຶ້ນພາຍໃນແຂວງຄໍາມ່ວນ. ແຂວງຄໍາມ່ວນ ແຈ້ງການມາຍັງ ບັນດາທ່ານເຈົ້າເມືອງ, ການຈັດຕັ້ງທຸກພາກສ່ວນ ແລະ ປະຊາຊົນຊາວແຂວງຄໍາມ່ວນ ໂດຍສະເພາະແມ່ນບັນດາເມືອງ ແລະ...