spot_img
Homeຂ່າວຕ່າງປະເທດການາດາອອກກົດໝາຍຄຸ້ມຄອງຜູ້ໂດຍສານ

ການາດາອອກກົດໝາຍຄຸ້ມຄອງຜູ້ໂດຍສານ

Published on

ລັດຖະບານປະເທດການາດາອອກກົດໝາຍຄຸ້ມຄອງຜູ້ໂດຍສານເຮືອບິນທີ່ຕ້ອງພົບກັບເຫດການເຮືອບິນດີເລ (ເລື່ອນເວລາ) ຫຼື ຫຼ້າຊ້າ ແລະ ໃນກໍລະນີເກີດຄວາມເສຍຫາຍຕ່າງໆບໍ່ວ່າຈະເປັນກະເປົ໋າເດີນທາງເສຍ ກະເປົ໋າເປ່ເພ-ແຕກ ເຄື່ອງດົນຕີໄດ້ຮັບຄວາມເສຍຫາຍ ແລະ ອື່ນໆ.

ສຳນັກຂ່າວຕ່າງປະເທດໄດ້ລາຍງານເມື່ອວັນທີ 30 ພຶດສະພາຜ່ານມາວ່າ ທ່ານ ມາຣກ ກາຣນູ ລັດຖະມົນຕີກະຊວງຄົມມະນາຄົມຂອງການາດາໄດ້ອອກມາຖະແຫຼງເມື່ອອາທິດທີ່ຜ່ານມາວ່າ ຜູ້ໂດຍສານເຮືອບິນຈະມີສິດໄດ້ຮັບຄ່າຊົດເຊີຍທີ່ເໝາະສົມຕໍ່ກໍລະນີທີ່ຖ້ຽວບິນ ຫຼ້າຊ້າ ຖືກຍົກເລີກ ກະເປົ໋າເດີນທາງສູນຫາຍ-ເປ່ເພ ແລະ ອື່ນໆ ພາຍໃຕ້ກົດໝາຍໃໝ່ ເພື່ອຄຸ້ມຄອງສິດທິຂອງຜູ້ໂດຍສານ ແລະ ເພີ່ມປະສິດທິພາບໃນການແຂ່ງຂັນຂອງບັນດາສາຍການບິນຕ່າງໆພາຍໃນປະເທດ.

ມາດຕະການດັ່ງກ່າວເກີດຂຶ້ນພາຍຫຼັງທີ່ມີຜູ້ໂດຍສານຟ້ອງຮ້ອງເພີ່ມຂຶ້ນເລື້ອຍໆວ່າຕ້ອງຕິດຄ້າງຢູ່ທີ່ສະໜາມບິນຫຼາຍຊົ່ວໂມງ ກະເປົ໋າເດີນທາງສູນຫາຍ ແລະ ເຄື່ອງດົນຕີເປ່ເພລະຫວ່າງການຂົນສົ່ງທາງເຮືອບິນ ຊຶ່ງນັບແຕ່ວັນທີ 15 ກໍລະກົດເປັນຕົ້ນໄປ ກົດໝາຍສະບັບທຳອິດຈະເລີ່ມມີຜົນບັງຄັບໃຊ້ ໂດຍກຳນົດໃຫ້ສາຍການບິນຕ້ອງຮັບຜິດຊອບຜູ້ໂດຍສານຖ້າຫາກເກີດຄວາມຫຼ້າຊ້າ ພ້ອມນີ້ ສາຍການບິນກໍຕ້ອງຈ່າຍເງິນຊົດເຊີຍໃຫ້ຜູ້ໂດຍສານທີ່ກະເປົ໋າເດີນທາງສູນຫາຍເຖິງ 2.100 ໂດລາການາດາ ແລະ ຕ້ອງຈ່າຍຄ່າເສຍຫາຍເຖິງ 2.400 ໂດລາການາດາໃຫ້ແກ່ຜູ້ໂດຍສານທີ່ຂຶ້ນເຮືອບິນບໍ່ໄດ້ເນື່ອງຈາກສາຍການບິນຮັບຈອງປີ້ຍົນເກີນບ່ອນນັ່ງທີ່ກຳນົດໄວ້.

ຂະນະທີ່ສາຍການບິນກໍຕ້ອງຈັດບ່ອນນັ່ງໃຫ້ເດັກນັ່ງຕິດກັບຜູ້ປົກຄອງໂດຍບໍ່ຄິດຄ່າໃຊ້ຈ່າຍເພີ່ມ ອີກທັງຕ້ອງພັດທະນາມາດຕະ ຖານໃໝ່ຂອງການຂົນສົ່ງໂດຍສະເພາະປະເພດ ເຄື່ອງດົນຕີຊະນິດຕ່າງໆ ຊຶ່ງມາດຕະການດັ່ງກ່າວແມ່ນຈະຄວບຄຸມທຸກຖ້ຽວບິນລະຫວ່າງປະເທດທັງຂາເຂົ້າ ແລະ ຂາອອກ ລວມເຖິງຖ້ຽວບິນພາຍໃນປະເທດທັງໝົດອີກດ້ວຍ.

ໂດຍຂໍ້ມູນຂອງລັດຖະບານການາດາລະບຸວ່າ ມີຖ້ຽວບິນຂຶ້ນ-ລົງສະໜາມບິນ 91 ແຫ່ງຂອງການາດາສະເລ່ຍ 5,5 ລ້ານຄັ້ງຕໍ່ປີ ເນື່ອງຈາກມີເນື້ອທີ່ກວ້າງໃຫຍ່ເປັນອັນດັບ 2 ຂອງໂລກ ຊຶ່ງການເດີນທາງດ້ວຍເຮືອບິນຈິ່ງສຳຄັນທີ່ສຸດໃນການເຊື່ອມໂຍງພູມີພາກ ຕ່າງໆ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: thairath

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...