spot_img
Homeຂ່າວຕ່າງປະເທດສົງຄາມໄອທີໂລກ ຝ່າຍໃດໄດ້ ຫຼື ເສຍຜົນປະໂຫຍດ ຫຼັງອາເມຣິກາຄວໍ້າບາດຮົວເຫວີຍ

ສົງຄາມໄອທີໂລກ ຝ່າຍໃດໄດ້ ຫຼື ເສຍຜົນປະໂຫຍດ ຫຼັງອາເມຣິກາຄວໍ້າບາດຮົວເຫວີຍ

Published on

ຄົນທົ່ວໂລກພວມຕິດຕາມສົງຄາມການຄ້າລະຫວ່າງສະຫະລັດ ແລະ ຈີນ ໂດຍສະເພາະການເປີດເສິກດ້ານທຸລະກິດໄອທີທີ່ກຳລັງດຸເດືອດ ຮົວເຫວີຍຄືເປົ້າໝາຍການໂຈມຕີຂອງລັດຖະບານອາເມຣິກາ ໂດຍມີກູເກີລເປັນຕົວຂັບເຄື່ອນສຳຄັນໃນພາກທຸລະກິດທີ່ປະກາດຕັດສາຍສຳພັນກັບຮົວເຫວີຍອອກຈາກລະບົບແອນດຣອຍ.

ສະຖານະການທີ່ບີບບັງຄັງແບບນີ້ໄດ້ເຮັດໃຫ້ຮົວເຫວີຍຈຳເປັນຕ້ອງເລັ່ງພັດທະນາລະບົບປະຕິບັດການຂອງຕົນເອງຂຶ້ນມາ ດັ່ງທີ່ຮູ້ກັນແລ້ວວ່າມັນຄືລະບົບປະຕິບັດການຫົງເໝິງ (Hongmeng) ຊຶ່ງຮົວເຫວີຍໄດ້ພັດທະນາລະບົບ OS ມາແລ້ວໃນປະຕິບັດການແຜນ B.

ຂະນະທີ່ກູເກີລໃນຖານະບໍລິສັດໃນອາເມຣິກາ ຊຶ່ງມີພັນທະທີ່ຕ້ອງປະຕິບັດຕາມກົດໝາຍອາເມຣິກາຫຼັງຈາກທີ່ລັດຖະບານມີຄຳສັ່ງຂຶ້ນບັນຊີດຳຮົວເຫວີຍ ຊຶ່ງຜົນກະທົບບໍ່ແມ່ນມີແຕ່ຕັດຂາດສາຍສຳພັນກັບທາງຮົວເຫວີຍເທົ່ານັ້ນ ແຕ່ກູເກີລຍັງປິດຕາຍປະຕູເຂົ້າສູ່ຕະຫຼາດຈີນໄປຕະຫຼອດການ ຊຶ່ງນັ້ນກໍໝາຍຄວາມວ່າ ກູເກີລໄດ້ປ່ອຍໃຫ້ຕະຫຼາດໃຫຍ່ທີ່ສຸດໃນໂລກຫຼຸດມືໄປ ບໍ່ພຽງແຕ່ກູເກີລທີ່ໄດ້ຮັບຜົນກະທົບແຕ່ຍັງມີບໍລິສັດເຕັກໂນໂລຊີລາຍອື່ນໆຂອງອາເມຣິກາຊຶ່ງອາດໄດ້ຮັບຜົນກະທົບໄປຕາມໆກັນ ເນື່ອງຈາກວ່າຮົວເຫວີຍເປັນຜູ້ຮັບຊື້ຊິບປະມວນຜົນລາຍໃຫຍ່ສຳລັບໃຊ້ໃນສະມາສໂຟນ ຄອມພິວເຕີ ອຸປະກອນເຄືອຂ່າຍອິນເຕີເນັດ ແລະ ອຸ ປະກອນທັນສະໄໝອື່ນໆ.

ແນ່ນອນວ່າຮົວເຫວີຍໄດ້ຄາດຄະເນກ່ຽວກັບເລື່ອງນີ້ໄວ້ແລ້ວ ໂດຍ OS ຫົງເໝິງບໍ່ພຽງແຕ່ຈະໃຊ້ໃນແຜນ B ແຕ່ຍັງມີແຜນ C ທີ່ຮັບຮອງເອົາໄວ້ແລ້ວ ນັ້ນຄື App Gallery ຊຶ່ງໄດ້ມີການເປີດຕົວໄປເມື່ອປີທີ່ຜ່ານມາເປັນຮ້ານຄ້າແອັບທີ່ໃຫ້ບໍລິການນອກປະເທດຈີນ ແລະ ຮົວເຫວີຍໄດ້ອອກແບບແອັບທີ່ຈະຕອບສະໜອງຜູ້ໃຊ້ໃນເຂດຕາເວັນຕົກ ໂດຍຈະບໍ່ກ່ຽວຂ້ອງກັບລະບົບຂອງກູເກີລ.

ຂະນະທີ່ຮົວເຫວີຍຄອງພື້ນທີ່ຕະຫຼາດສະມາສໂຟນ 20% ໃນ 22 ປະເທດຂອງເອີຣົບ ລວມເຖິງແອັດສະປາຍ ອີຕາລີ ແລະ ເນເທີແລນ ຊຶ່ງໃນປີນີ້ຮົວເຫວີຍໄດ້ຫາລືກັບຜູ້ໃຫ້ບໍລິການລະບົບໃນເອີຣົບເພື່ອຕິດຕັ້ງ App Gallery ໂດຍຈະໃຫ້ສ່ວນແບ່ງພໍສົມຄວນກັບຫຸ້ນສ່ວນໃນເອີຣົບ ແລະ ຈະເຮັດໃຫ້ສະມາສໂຟນຂອງຫຸ້ນສ່ວນໃນເອີຣົບມີ App Gallery ຄືກັນກັບ App store ຂອງກູເກີລພາຍໃນເຄື່ອງດຽວກັນ ດັ່ງນັ້ນ ການຂຶ້ນບັນຊີດຳຂອງ ທຣັມ ຈຶ່ງກາຍເປັນໂອກາດທອງຂອງ App Gallery ໃນເອີຣົບ ແລະ ຍັງຫຼຸດສ່ວນແບ່ງຕະຫຼາດຂອງກູເກີລອີກດ້ວຍ.

ດ້ານຜົນກະທົບຈາກການເຮັດສົງຄາມໄອທີຄັ້ງນີ້ຊຶ່ງເຫັນໄດ້ຜົນກະທົບຄື ຜູ້ບໍລິໂພກອາດຈະບໍ່ຊື້ສະມາສໂຟນຂອງຮົວເຫວີຍ ແລະ ຫັນໄປຊື້ແບຣນອື່ນແທນ ຫຼັງຈາກນີ້ຮົວເຫວີຍຈະຕົກຕຳແໜ່ງຍອດຂາຍສະມາສໂຟນສູງສຸດອັນດັບ 2 ຂອງໂລກທັນທີ ແລະ ຈະມາຢູ່ທີ່ອັນດັບ 3 ຮອງຈາກຊຳຊຸງ ແລະ ແອັບເປິລ ທັງນີ້ ກູເກີລຈະຕ້ອງສູນເສຍລາຍໄດ້ຈາກຄ່າລິຂະສິດໃຊ້ງານທີ່ເຄີຍໄດ້ຈາກຮົວເຫວີຍ ແລະ ຂາດໂອກາດໂຄສະນາມືຖືຂອງຮົວເຫວີຍ ຊຶ່ງຈະສົ່ງຜົນເຖິງລາຍໄດ້ໃນປີນີ້ຫຼຸດລົງ.

ສ່ວນແອັບເປິລ ໃນທາງດ້ານເສດຖະກິດແມ່ນໄດ້ຮັບຜົນປະໂຫຍດຫຍັງ ຊຶ່ງຄາດຄະເນວ່າຈະມີຍອດຂາຍສະມາສໂຟນເພີ່ມຂຶ້ນ ແລະ ສາມາດແຊງຂຶ້ນມາເປັນອັນດັບ 2 ຂອງໂລກແທນຮົວເຫວີຍໄດ້ ແຕ່ແອັບເປິລກໍມີຄວາມສ່ຽງເຊັ່ນກັນ ຖ້າຫາກທາງການຈີນຕອບໂຕ້ກັບ ເພາະສິ້ນສ່ວນຂອງໄອໂຟນແມ່ນປະກອບຢູ່ໃນ ສປ ຈີນ.

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: news.mthai.com, posttoday

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...