ກຸ່ມກໍ່ການຮ້າຍ IS ໃນຊີເຣຍ ລົງມືຂ້າຕັດຄໍຕົວປະກັນຊາວຕາເວັນຕົກອີກຄົນໜຶ່ງ ໂດຍເປັນຊາວອັງກິດທີ່ເຂົ້າໄປ
ເຮັດວຽກໃຫ້ໜ່ວຍບັນເທົາທຸກໃນຊີເຣຍ.
ຜູ້ເຄາະຮ້າຍລາຍລ່າສຸດຂອງ IS ໃນວີດີໂອທີ່ເຜີຍແຜ່ລ່າສຸດຄື ທ້າວ ອະລັນ ເຮນນິ່ງ ຄົນຂັບລົດແທັກຊີ່ ອາຍຸ 47 ປີ
ຊາວເມືອງແມນເຊສເຕີ ເຊິ່ງໄປເຮັດວຽກເປັນພະນັກງານຂັບລົດ ໃຫ້ແກ່ອົງການຊ່ວຍເຫລືອດ້ານມະມຸດສະທຳ
ແກ່ຊາວຊີເຣຍ ທີ່ໄດ້ຮັບຜົນກະທົບຈາກສົງຄາມກາງເມືອງ ເຊິ່ງນາຍົກລັດຖະມົນຕີ ເດວິດ ຄາເມຣອນ ໄດ້ອອກມາ
ຢືນຢັນວ່າ ທ້າວ ເຮນນິ່ງ ຖືກສັງຫານຢ່າງໂຫດຫ້ຽມແທ້ຈິງ.
ທ້າວ ເຮນນິ່ງ ກ່າວໃນວີດີໂອກ່ອນຖືກສັງຫານວ່າ ຊີວິດຂອງຕົນຄືການຊຳລະໜີ້ທີ່ລັດຖະສະພາອັງກິດໄດ້ສ້າງໄວ້
ນັ້ນຄືການລົງມະຕິເຫັນດີໃຫ້ລັດຖະບານອັງກິດ ເຂົ້າຮ່ວມກັບສະຫະລັດໂຈມຕີ IS ໃນອີຣັກ ໂດຍຄາດຕະກອນຜູ້ທີ່
ສັງຫານທ້າວ ເຮນນິ່ງ ຢູ່ໃນຊຸດຄຸມໜ້າໄດ້ປະກາດວ່າ ທ່ານ ຄາເມຣອນ ຄືຜູ້ທີ່ມືເປື້ອນເລືອດທີ່ແທ້ຈິງ ທີ່ເຮັດໃຫ້
ຕົນຕ້ອງສັງຫານທ້າວ ເຮນນິ່ງ ຫລັງຈາກກ່າວຈົບແລ້ວເຂົາກໍລົງມືເຊືອດຄໍຜູ້ເຄາະຮ້າຍທັນທີ.