spot_img
Homeຂ່າວຕ່າງປະເທດເວເນຊູເອລາ ໄຟດັບທົ່ວປະເທດເກືອບຄົບອາທິດ! ກຸຍໂດປະກາດພາວະສຸກເສີນ

ເວເນຊູເອລາ ໄຟດັບທົ່ວປະເທດເກືອບຄົບອາທິດ! ກຸຍໂດປະກາດພາວະສຸກເສີນ

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງກາຣາກັສ ປະເທດເວເນຊູເອລາ ເມື່ອວັນທີ 11 ມີນາ 2019 ວ່າ ສະມັດຊາແຫ່ງຊາດຂອງເວເນຊູເອລາ ເຊິ່ງມີຝ່າຍຄ້ານຖືສຽງຄ່ອຍຂ້າງຫຼາຍ ແລະ ມີທ່ານ ຮວນ ກຸຍໂດ ເປັນປະທານ ປະກາດໃຫ້ປະເທດຢູ່ພາຍໃຕ້ “ສະຖານະການສຸກເສີນ” ເມື່ອວັນຈັນທີ່ຜ່ານມາ ເນື່ອງຈາກພື້ນທີ່ສ່ວນໃຫຍ່ຍັງຕ້ອງປະເຊີນໜ້າກັບວິິກິດໄຟຟ້າດັບຕັ້ງແຕ່ວັນພະຫັດອາທິດທີ່ຜ່ານມາ ເຖິງແມ່ນວ່າກະແສໄຟຟ້າກັບຄືນມາແລ້ວໃນບາງເຂດຂອງນະຄອນຫຼວງກາຣາກັສ ແຕ່ຍັງບໍ່ທົ່ວເຖິງທຸກພື້ນທີ່.

ທັງນີ້ທ່ານ ຮວນ ກຸຍໂດ ປະທານສະມັດຊາແຫ່ງຊາດ ແລະ ຜູ້ນຳຝ່າຍຄ້ານຂອງເວເນຊູເອລາ ກ່າວວ່າເຂົາອາໃສອຳນາດໃນຖານະ “ຜູ້ຮັກສາການ” ປະກາດພາວະສຸກເສີນດັ່ງກ່າວເນື່ອງຈາກວິກິດການທີ່ທຸກ ຝ່າຍບໍ່ສາມາດຍອມຮັບໄດ້ອີກຕໍ່ໄປ ໂດຍມີລາຍງານຜູ້ເສຍຊີວິດຈາກວິກິດການຄັ້ງນີ້ແລ້ວ 17 ຄົນ ສ່ວນໃຫຍ່ເປັນຜູ້ປ່ວຍໃນໂຮງໝໍທີ່ໃຊ້ກະແສໄຟຟ້າສຳຮອງໝົດແລ້ວ, ອີກຢ່າງໜຶ່ງ ເຖິງແມ່ນວ່າລັດຖະທຳມະນູນຂອງເວເນຊູເອລາມອບອຳນາດໃຫ້ຜູ້ດຳລົງຕຳແໜ່ງປະທານາທິບໍດີສາມາດໃຊ້ອຳນາດນີ້ໄດ້ ແຕ່ໃນທາງປະຕິບັດກັບຍັງບໍ່ມີການລະບຸຢ່າງຊັດເຈນກ່ຽວກັບ “ຂອບເຂດ” ຂອງຄຳສັ່ງ.

ດ້ານປະທານາທິບໍດີ ນິໂຄຣັສ ມາດູໂຣ ຍັງບໍ່ໄດ້ມີການສະແດງທ່າທີໃດໆຢ່າງຊັດເຈນຕໍ່ການໃຊ້ອຳນາດຂອງ ກຸຍໂດໃນຄັ້ງນີ້ ແຕ່ສັ່ງຂະຫຍາຍເວລາປິດສະຖານທີ່ຣາຊະການ ແລະ ໂຮງຮຽນເພີ່ມອີກຢ່າງໜ້ອຍ 1 ມື້ ເນື່ອງຈາກກະແສໄຟຟ້າທີ່ບໍ່ພຽງພໍ ໃນຂະນະທີ່ບັນຍາກາດໃນນະຄອນຫຼວງກາຣາກັສຍັງຄົງມິດງຽບ ເນື່ອງຈາກບໍລິສັດ ແລະ ຫ້າງຮ້ານເກືອບທຸກແຫ່ງປິດໃຫ້ບໍລິການ ສ່ວນຮ້ານຄ້າທີ່ເປີດກໍ່ບໍ່ມີສິ່ງຂອງຈຳໜ່າຍພຽງພໍແກ່ຄວາມຕ້ອງການຂອງປະຊາຊົນ ແລະ ບໍ່ສາມາດຮັບການຊຳລະເງິນດ້ວຍບັດເຄຣດິດໄດ້.

 

 

 

 

 

 

 

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...