“ຂ້ອຍຕ້ອງຍິກລູກ” ແມ່ຕ້ອງປຸກລູກ ເພາະລູກອາດຈະຕາຍໄດ້ຖ້າຫຼັບສະນິດ. ເດັກນ້ອຍເກີດໃໝ່ໃນອາຍຸພຽງ 6 ເດືອນ ທີ່ນະຄອນຫຼວງ ນິວເດລີ ປະເທດອິນເດຍ ມີອາການຜິດປົກກະຕິທາງພັນທຸກໍາທີ່ບໍ່ມັກຈະພົບເຫັນ ເຮັດໃຫ້ເດັກນ້ອຍຜູ້ນີ້ອາດຈະຕາຍໄດ້ ຖ້າຫາກນອນຫຼັບສະນິດ ພໍ່ແມ່ຕ້ອງປ່ຽນກັນມາປຸກລູກນ້ອຍຂອງຕົນທຸກໆ 2-3 ນາທີ.
ມີນັກຊີ ແມ່ຂອງເດັກນ້ອຍໄດ້ບອກເລົ່າວ່າ: ຂ້ອຍເປັນຫ່ວງລູກຕະຫຼອດເວລາ ທຸກຄັ້ງທີ່ລູກຫຼັບ ຂ້ອຍຕ້ອງຢິກລູກທັນທີ ເພາະລະດັບອອກຊີແຊນໃນຮ່າງກາຍຂອງລູກຫຼຸດລົງຕໍ່າ, ລູກຈະເລີ່ມຮ້ອງໄຫ້ ແລະ ບໍ່ສະບາຍໃຈ ໃນຕອນທີ່ຂ້ອຍຍິກ ໃນຖານະຜູ້ເປັນແມ່ມັນບໍ່ງ່າຍເລີຍ ຂ້ອຍຮູ້ສຶກເສຍໃຈຫຼາຍ. ເຊິ່ງພໍ່ແມ່ຂອງເດັກໄດ້ບອກຕື່ມວ່າ: ບໍ່ມີເງິນຄ່າຜ່າຕັດເນື່ອງຈາກມູນຄ່າການຜ່າຕັດນີ້ແມ່ນປະມານ 43.456.320.000 ກີບ ເພື່ອຕິດຕັ້ງຄຸມຕົວຈັງຫວະກະບັງລົມ ແລະ ພວກເຂົາຈະເຝົ້າເບິ່ງລະດັບອົກຊີແຊນຂອງລູກຕໍ່ໄປ.
ດິເຣນ ກຸບຕາ ໝໍພະດຸງຄັນ ກ່າວວ່າ: ຄົນໄຂ້ເຂົ້າສູ່ວິກິດ ເພາະຮີໂດຣແຊນສະສົມເພີ່ມຂຶ້ນ ແລະ ລະດັບອົກຊີແຊນຫຼຸດລົງ ຈຶ່ງສ່ຽງຕໍ່ການມີຊີວິດ, ທົ່ວໂລກພົບຜູ້ປ່ວຍໂລກນີ້ປະມານ 1.200 ຄົນແລ້ວ.
ຮຽບຮຽງໂດຍ: ໃບບົວ ຈັນທະລັງສີ
ແຫຼ່ງຂໍ້ມູນ, ຮູບພາບຈາກ:bbc.com