ເວລາປະມານ 11 ໂມງຂອງມື້ຄືນຂອງວັນທີ 27 ກັນຍາ 2014 ນີ້ ໄດ້ເກີດເຫດໄຟໄໝ້ຕະຫຼາດຫຼັກ 20 ເມືອງຄຳເກີດ ແຂວງບໍລິຄຳໄຊ  ເຮັດໃຫ້ເກີດຄວາມເສຍຫາຍຢ່າງໜັກ ສ່ວນສາເຫດແລະມູນຄ່າເສຍຫາຍນັ້ນຍັງພວມຢູ່ໃນການຄົ້ນຄວ້າສະຫຼຸບຂອງເຈົ້າໜ້າທີ່ທີ່ກ່ຽວຂ້ອງຢູ່.

ຕະຫຼາດແຫ່ງນີ້ຖືວ່າເປັນຕະຫຼາດໃຈກາງຂອງຫຼັກຊາວ ເມືອງຄຳເກີດ ແລະເປັນຕະຫຼາດທີ່ໃຫຍ່ຫຼາຍ ແລະສ່ວນທີ່ຖືໄຟໄໝ້ນັ້ນແມ່ນສ່ວນທີ່ເປັນຮ້ານໄມ້ ຂາຍເຄື່ອງແຫ້ງ ເຄື່ອງຍ່ອຍ ຜ້າແພ ເກີບ ແລະຂາຍອາຫານສົດ. ສະເພາະສ່ວນທີ່ເປັນອາຄານກໍ່ສ້າງຖາວອນແລະເບື້ອງຮ້ານຂາຍຄຳທາງທິດເໜືອແມ່ນບໍ່ໄດ້ຖືກໄຟໄໝ້. ແນວໃດກໍຕາມຕະຫຼາດແຫ່ງນີ້ເຄີຍຖືກໄຟໄໝ້ຄັ້ງໃຫຍ່ຄັ້ງໜຶ່ງແລ້ວໃນປະມານຊຸມປີ 1990.

ໃຈຂະນະທີ່ໄຟໄໝ້ຕະຫຼາດໄລຍະ 2 ປີທີ່ຜ່ານມາແມ່ນມີຫຼາຍຄັ້ງໃນທົ່ວປະເທດ ທີ່ໃຫຍ່ກວ່າໝູ່ແມ່ນໄຟໄໝ້ຕະຫຼາດທົ່ງຂັນຄຳ ນະຄອນຫຼວງວຽງຈັນ ເມື່ອຄ່ຳຄືນຂອງວັນທີ 26 ມີນາ 2014 ເຮັດໃຫ້ຊາວຄ້າຂາຍໄດ້ຮັບຜົນກະທົບຢ່າງໜັກ.

ແອັດມິນຊຽງ