ສາວໆທີ່ມີຂີ້ໂພ່ນ ສົງໄສທີ່ໄປທີ່ມາຂອງ ຂີ້ໂພ່ນ ຂອງສາວໆວ່າ ເກີດມາໄດ້ແບບໃດ ແຕ່ຮູ້ບໍວ່າ ຂີ້ໂພ່ນ ມີຫລາຍແບບ ແລະ ຫລາຍສາເຫດນໍາ ໄປເບິ່ງກັນເລີຍ ວ່າ ຂີ້ໂພ່ນ ແຕ່ລະແບບເປັນແບບໃດແນ່ ແລະ ວິທີແກ້ໄຂ ເຮົາຄວນເຮັດແບບໃດແນ່
1.spare tyre tummy ຂີ້ໂພ່ນ ສະສົມເປັນຊັ້ນໆ ເກີດຈາກມັກກິນຂອງຫວານ ຂາດການອອກກຳລັງກາຍ ຕ້ອງອົດກິນຈຸກກິນຈິກຫລຸດແປ້ງ ຫລຸດນ້ຳຕານ ງົດດື່ມແອວກໍຮໍ ງົດເຄື່ອງດື່ມນ້ຳຕານສູງຕ່າງໆ ຫັນມາກິນຜັກສົດ ອາຫານສົດ ອອກກຳລັງກາຍຫລາຍໆສະໝ່ຳສະເໝີ ແລ້ວຈະພົບວ່າ ຂິ້ໂພ່ນ ຊະນິດນີ້ຫລຸດງ່າຍທີ່ສຸດ
2.stress tummy ຮ່າງກາຍທົ່ວໄປປົກກະຕິ ແຕ່ມີ ຂີ້ໂພ່ນ ແຂງ ຄືກັບທ້ອງອືດ ແຖວກະບັງ ຮອດ ສະບື ສາເຫດຫລັກເກີດຈາກເປັນຄົນເຮັດວຽກໜັກ ເອົາແທ້ເອົາວ່າ ຄຽດ ກິນບໍ່ເປັນເວລາຈົນລະບົບລຳໄສ້ຜິດປົກກະຕິ ຮ່າງກາຍຜະລິດຄໍຕິຊອນ ທີ່ເຮັດໃຫ້ເກີດໄຂມັນບໍລິເວນໜ້າທ້ອງໃຫ້ຜ່ອນຄາຍຄວາມຄຽດ ກິນໃຫ້ກົງເວລາ ບໍ່ນອນເດິກ ຫລຸດ ຄາເຟອີນ ອອກກຳລັງກາຍປະເພດ ໂຍຄະ
3.little pooch tummy ຮ່າງກາຍທົ່ວໄປຈ່ອຍ ແຕ່ມີ ຂີ້ໂພ່ນ ສະສົມນ້ອຍໆ ເຖິງຫລາຍແຖວໆທ້ອງນ້ອຍ ເຈົ້າອາດມີຂີ້ໂພ່ນນ້ອຍໆ ທັ້ງໆທີ່ເປັນຄົນ ອອກກຳລັງກາຍເປັນປະຈຳ ແຕ່ເປັນການອອກກຳລັງກາຍທ່າເກົ່າປະຈຳ ການຊິດອັບຜິດວິທີອາດເຮັດໃຫ້ກ້າມຊີ້ນສະສົມ ໄດ້ປ່ຽນພຶດຕິກຳການກິນຈາກອາຫານເກົ່າໆຊ້ຳໆ ທີ່ອາດເຮັດໃຫ້ໄຂມັນສະສົມໂດຍບໍ່ຮູ້ໂຕ ເປັນອາຫານເສັ້ນໃຍສູງຜັກໃບຂຽວ
4.mummy tummy ຂີ້ໂພ່ນ ແມ່ຫລັງເກີດມົດລູກທີ່ຍັງບໍ່ເຂົ້າອູ່ ຢ່າຟ້າວຮີບຮ້ອນອອກກຳລັງກາຍໃຫ້ຮ່າງກາຍເຂົ້າທີ່ໃນ 2-3ເດືອນອອກກຳລັງກາຍປະເພດເສີມຄວາມແຂງແຮງກ້າມຊີ້ນແຖວທ້ອງໄລຍະລຸ່ມ ຮັບປະທານໄຂມັນທີ່ດີຈາກຖົ່ວໝາກກອກ ແລະ ນ້ຳມັນປາ ນອນໜ້ອຍໜຶ່ງຕອນກາງເວັນ ແລະ ຍືດເສັ້ນສາຍເລັກນ້ອຍກ່ອນເຂົ້ານອນເພື່ອຊ່ວຍໃຫ້ຮ່າງກາຍເຜົາຜານໄຂມັນ
5.bloated tummy ຂີ້ໂພ່ນ ສາວໆທີ່ໜ້າທ້ອງແປໃນຕອນເຊົ້າ ແຕ່ທ້ອງອືດ ແລະ ເກີດແກສ ທ້ອງສວດໃນຕອນແລງ ສັງເກດອາຫານທີ່ກິນແລ້ວອຶດອັດ ເຊັ່ນ ພິດຊາ ເຂົ້າໜົມປັງ ເຄັກ ນົມ ເນີຍ ຊີດ ງົດແລ້ວສັງເກດວ່າ ລະບົບຍ່ອຍ ດີຂຶ້ນ ກິນອາຫານຍ່ອຍງ່າຍເຊັ່ນ ປາ ຜັກ ກິນເປັນເວລາ ງົດອາຫານຮອບເດິກ ດື່ມນ້ຳຫລາຍໆ ຍ່າງຫລິ້ນຫລັງອາຫານເພື່ອຊ່ວຍລະບົບຍ່ອຍອາຫານ
ສາວໆ ທີ່ມີຂີ້ໂພ່ນໃຫ້ກົ້ມເບິ່ງ ຂີ້ໂພ່ນ ຂອງຕົນເອງ ສຳຫລວດວ່າ ຂີ້ໂພ່ນ ຂອງສາວໆນັ້ນເປັນແບບໃດ ແລະ ເກີດຈາກຫຍັງ ແລະ ເຮັດຕາມວິທີແນະນຳງ່າຍໆ ພຽງແຕ່ເທົ່ານີ້ ຂີ້ໂພ່ນ ຂອງສາວໆກໍຈະຫາຍໄປ ແຕ່ງໂຕງາມໄດ້ຕາມຕ້ອງການແລ້ວ