spot_img
Homeຂ່າວພາຍ​ໃນສອດສ່ອງ! ຄວາມແຕກຕ່າງຂອງກາເຟແຕ່ລະຊະນິດ

ສອດສ່ອງ! ຄວາມແຕກຕ່າງຂອງກາເຟແຕ່ລະຊະນິດ

Published on

ຫຼາຍໆ ຄົນມັກດື່ມກາເຟ ຈົນບາງຄົນດື່ມຈົນຕິດ ທຸກໆມື້ຕ້ອງໄດ້ດື່ມກາເຟ ເຊິ່ງຄົນລາວສ່ວນໃຫຍ່ມັກຈະດື່ມກາເຟນົມເຢັນ, ກາເຟຮ້ອນ ທ່ານຮູ້ບໍ່ວ່າກາເຟທີ່ຄົນທົ່ວໂລກນິຍົມດື່ມ ຫຼື ເຮົາມັກຈະພົບເຫັນຕາມໂຄສະນາຕ່າງໆ ໃນຈອກແກ້ວເບິ່ງແລ້ວໃຜໆກໍຢາກຊີມແມ່ນບໍ່? ແຕ່ມັນມີຫຼາຍແບບຫຼາຍຊະນິດ ແລະ ລົດຊາດມັນກໍຕ່າງກັນອີກ ແລ້ວເຮົາຈະເລືອກດື່ມກາເຟໃດດີ? ເພາະບາງຄົນອາດຈະບໍ່ເຄີຍດື່ມມາກ່ອນແຕ່ກໍຢາກລອງຢາກຊີມ ແຕ່ໃນໃຈຄິດວ່າສັ່ງມາແລ້ວລົດຊາດມັນຈະຄືກັບກາເຟທີ່ຂາຍຢູ່ຮ້ານທົ່ວໄປບໍ່ ແຕ່ຊື່ມັນພັດແຕກແຕ່ງກັນມັນເປັນຍ້ອນຫຍັງ? ມີ້ນີ້ເຮົາໄປສ່ອງນໍາກັນວ່າກາເຟແຕ່ລະຊະນິດມີຄວາມແຕກຕ່າງກັນແນວໃດ?.

ເລີ່ມຕົ້ນທີ່ ກາເຟດໍາ

ເປັນກາເຟທີ່ຊົງດ້ວຍການຕື່ມນໍ້າ ຫຼື ຊົງແບບ ທີ່ບໍ່ໃສ່ນໍ້ານົມ ແຕ່ໃສ່ນໍ້າຕານແທນ, ຫຼາຍຄົນມັກເຂົ້າໃຈຜິດວ່າກາເຟດໍາກັບ ເອສເພຣໂຊ (Espresso) ເປັນຊະນິດດຽວກັນ ແຕ່ທີ່ຈິງແລ້ວມັນມີຄວາມແຕກຕ່າງກັນຫຼາຍຄື: ຖ້ວຍ ເອສເພຣໂຊ ຈະມີຂະໜາດນ້ອຍກວ່າ ເພາະວ່າດື່ມໃຫ້ໝົດພຽງເທື່ອດຽວ, ປົກກະຕິ ເອສເພຣໂຊ ຈະບໍ່ໃສ່ນໍ້າຕານ ຫຼື ນົມ ແລະ ຄົນບໍ່ນິຍົມດື່ມ ​ເອສເພຣໂຊ ເທົ່າກັບກາເຟດໍາ.

ເອສເພຣໂຊ (Espresso)

ເປັນກາເຟທີ່ກັ່ນຕອງອອກມາໂດຍບໍ່ມີການປະສົມຢ່າງອື່ນລົງໄປບໍ່ວ່າຈະເປັນນົມ,​ນໍ້າ ຫຼື ນໍ້າຕານ, ລົດຊາດຂອງມັນຈະເຂັ້ມຂຸ້ນຫຼາຍໃນຈອກແກ້ວໜ່ວຍນ້ອຍໆ ມີຟອງສີທອງຢູ່ເທິງ, ບັນຈຸໃນປະລິມານໜ້ອຍດື່ມໃນ 1-2 ກືນ ເພາະເປັນກາເຟສົດໆ ແຕ່ຖ້າຫາກດື່ມບໍ່ຖືກວິທີ ມັນຈະມີຟອງສີທອງຟູຂຶ້ນ ແລະ ລົດຊາດຂອງມັນຈະຕິດປາກຈາກການດື່ມດົນເຖິງ 15-30 ນາທີ.

ຄາປູຊິໂນ (Cappuccino)

ເປັນກາເຟທີ່ມີສ່ວນປະກອບຂອງຟອງນົມ ທີ່ຜ່ານການອັດລົມຮ້ອນຈົນຟູຂຶ້ນເປັນຟອງລະອຽດນໍາມາປະສົມກັບ ເອສເພຣໂຊ ແລະ ມັກຈະໂຮຍປົນກັບຜົງ ຊິນນາມອນ ຫຼື ຜົງອົບເຊຍ ແຕ່ບາງຄົນທີ່ບໍ່ມັກຜົງອົບເຊຍ ກໍບໍ່ໃສ່ກໍໄດ້ ເພາະກິ່ນຂອງມັນອາດຈະເຮັດໃຫ້ທ່ານບໍ່ຢາກດື່ມກາເຟແກ້ວນັ້ນເລີຍກໍ່ເປັນໄປໄດ້.

ລາເຕ້ (Latte)

ເປັນກາເຟປະສົມກັບນົມເໝາະສໍາລັບຜູ້ຍິງ, ການຊົງກາເຟລາເຕ້ຂ້ອນຂ້າງສື່ເຖິງເລື່ອງລາວຄວາມສວຍງາມ ເພາະຈະຕ້ອງມີການຖອກນົມຮ້ອນລົງໄປໃນຈອກນໍ້າກາເຟ ເຮັດໃຫ້ເກີດລວດລາຍໃນຈອກ ຖ້າຮ້ານໃດດື່ມແລ້ວແຊບ ແລະ ສິມືດີ ຄົນກໍຈະເຂົ້າມາດື່ມທຸກມື້ແນ່ນອນ.

ມັອກຄາ (Mocha)

ເປັນກາເຟທີ່ມີການປະສົມໂກໂກ້ ເໝາະກັບຜູ້ເລີ່ມຕົ້ນດື່ມກາເຟ ເພາະລົດຊາດຈະມີທັງກາເຟ ແລະ ໂກໂກ້ ເຮັດໃຫ້ດື່ມງ່າຍ. ອັນທີ່ຈິງແລ້ວກາເຟ ມັອກຄາ ເປັນຊື່ແນວພັນຂອງກາເຟທີ່ມີກິ່ນໂກໂກ້ພາຍໃນຕົວ ແລະ ບໍ່ຈໍາເປັນຕ້ອງເພີ່ມໂກໂກ້ ແຕ່ສ່ວນໃຫຍ່ແລ້ວຈະເຂົ້າໃຈວ່າເປັນກາເຟປະສົມກັບໂກໂກ້ນັ້ນເອງ.

ອາເມລິກາໂນ (Americano)

ເປັນກາເຟທີ່ດັດແປງມາຈາກກາເຟ ເອສເພຣໂຊ ເນື່ອງຈາກຊາວອາເມລິກາຮູ້ສຶກວ່າ ເອສເພຣໂຊ ມີຄວາມເຂັ້ມຂຸ້ນຫຼາຍເກີນໄປ ຈຶ່ງມີການປະສົມນໍ້າໃສ່ ເພື່ອໃຫ້ມີລົດຊາດຈືດຈາງລົງ ແຕ່ກໍຍັງຮັກສາເອກະລັກການດື່ມທີ່ບໍ່ໃສນໍ້າຕານ ຫຼື ນົມລົງໄປ ພຽງແຕ່ເຮັດໃຫ້ມັນຈາງລົງເທົ່ານັ້ນ.

ກາເຟຂາວ (white coffee)

ເປັນຊາສະໜູນໄພຊະນິດໜຶ່ງ ທີ່ຖືກຄົ້ນພົບໃນເມືອງເບຣຸຕ ມີຄົນນິຍົມດື່ມເປັນຈໍານວນຫຼາຍໃນປະເທດເລບານອນ ກັບ ຊີລີ ແລະ ມັກຈະດື່ມຄູ່ກັບເຂົ້າໜົມຫວານ, ທາງເອີຣົບ ຈະເວົ້າວ່າມັນມີລັກສະນະທີ່ເປັນກາເຟໃສນົມ ຂະນະດຽວກັນທາງອາເມລິກາ ເວົ້າວ່າເປັນກາເຟທີ່ກັ່ນຕ້ອງໄວ້ດົນຈົນອອກມາເປັນສີຄືກັບສີເຫຼືອງ.

ທັງໝົດທີ່ນໍາມາສະເໜີນີ້, ເປັນພຽງກາເຟທີ່ຄົນນິຍົມດື່ມໃນຮ້ານເທົ່ານັ້ນ ເຊິ່ງນອກຈາກນີ້ອາດຈະມີກາເຟທີ່ເປັນສູດສໍາລັບຮ້ານ ແລະ ແຕ່ລະຮ້ານອາດຈະມີລົດຊາດທີ່ແຕກຕ່າງກັນ ເຊັ່ນ: ບາງຮ້ານອາດຈະໃສ່ສ່ວນປະສົມໜ້ອຍ, ບາງຮ້ານອາດຈະໃສ່ຫຼາຍກໍວ່າກັນໄປ.

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: meepanda.com, anatomy.dent.chula.ac.th

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...