ເກີດເຫດແກ໊ສລະເບີດຂຶ້ນໃນເວລາປະມານ 20 ໂມງ 15 ນາທີ ຢູ່ຫ້ອງການອາຫານຊັ້ນ 3 ຂອງອາຄານຜູ້ໂດຍສານຕ່າງ
ປະເທດ (ຕຶກສາກົນ) ສະໜາມບິນສາກົນວັດໄຕ ຍ້ອນທໍ່ຖັງແກ໊ສຮົ່ວໃນຫ້ອງອາຫານຂອງບໍລິສັດບໍລິການສະໜາມບິນ
ຫລື ແອວແຈັດ ແລ້ວເກີດໄຟລຸກເປັນແປວຂຶ້ນ, ເຫດການຄັ້ງນີ້ ມີຜູ້ໄດ້ຮັບບາດເຈັບຈາກໄຟລວກເລັກຫນ້ອຍຈຳນວນ
2 ຄົນ, ໂຊກດີບໍ່ມີຜູ້ໃດເສຍຊີວິດ ແລະ ເກີດອັກຄີໄພຮຸນແຮງ.
ທ່ານ ຢາກົວ ລໍປັງກາວ ຫົວໜ້າກົມການບິນພົນລະເຮືອນ, ກະຊວງໂຍທາທິການ ແລະ ຂົນສົ່ງກ່າວວ່າ: ເຫດການດັ່ງ
ກ່າວແມ່ນເກີດຈາກທໍ່ຖັງແກ໊ສຮົ່ວແລ້ວເກີດເປັນໄຟລຸກໃໝ້ຫ້ອງແຕ່ງກິນ ຂອງຕຶກອາຄານດັ່ງກ່າວຂອງລັດວິສາ
ຫະກິດການ ບິນລາວ.
ຈາກນັ້ນປະມານ 20 ນາທີ, ເຈົ້າໜ້າທີ່ດັບເພີງກໍສາມາດຄວບຄຸມໄຟໄວ້ໄດ້ ແລະ ອີກປະມານ 1 ຊົ່ວໂມງຕໍ່ມາເຈົ້າໜ້າທີ່
ສາມາດເຂົ້າໄປກວດກາສະຖານທີ່ເກີດເຫດ. ປັດຈຸບັນສະພາບການບໍລິການຕະຫລອດຮອດຖ້ຽວບິນກໍ ດຳເນີນເປັນ
ປົກກະຕິ.
ເຈົ້າໜ້າທີ່ກູ້ໄພນະຄອນຫລວງວຽງຈັນ ໃຫ້ຮູ້ຕື່ມວ່າ: ເມື່ອໄດ້ຮັບແຈ້ງເຫດປະມານ 20 ໂມງ 15 ນາທີ ກໍໄດ້ເຂົ້າໄປຊ່ວຍ
ເຫລືອແຕ່ກ່ອນໜ້ານີ້ເຈົ້າໜ້າທີ່ດັບເພິງກໍໄດ້ທຳການດັບໄຟຢູ່ກ່ອນແລ້ວ ຈາກການພົບເຫັນຕົວຈິງເຫັນວ່າເກີດມາ
ຈາກທໍ່ສົ່ງແກ໊ສຮົ່ວຈຶ່ງເຮັດໃຫ້ເກີດໄຟໄໝ້ ແຕ່ບໍ່ເຖິງຂັ້ນຮ້າຍແຮງ.
ແຫລ່ງຂ່າວ: ລາວພັດທະນາ