ໃນອາທິດນີ້, ໄດ້ລົງເຄື່ອນໄຫວກວດກາຕົວຈິງຢູ່ຕະຫຼາດໃໝ່ປາກເຊ ເມືອງປາກເຊ ແຂວງຈໍາປາສັກ ເພື່ອກວດກາຫາສານປົນເປື້ອນໃນອາຫານ ໂດຍສະເພາະປະເພດອາຫານສົດແຊ່ແຂງ ໄດ້ກວດພົບສານເຄມີຕ້ອງຫ້າມ ປະເພດສານ ປົນເປື້ອນ ຟໍມາລີນ (Formalin) ເຊິ່ງເປັນສານທີ່ມັກໃຊ້ກັບການແຊ່ສົບ ໃນໜວດປາມຶກສົດ(ໜວດປາມຶກໃຫຍ່). ພ້ອມນັ້ນຍັງກວດພົບສິນຄ້າປະເພດອາຫານສົດ ທີ່ໝົດຄຸນນະພາບ, ໝົດອາຍຸ ແລະ ກວດພົບສິນຄ້າທີ່ບໍ່ໄດ້ມາດຕະຖານອີກຈໍານວນໜື່ງ.

ຄະນະກຳມະການປົກປ້ອງຜູ້ຊົມໃຊ້ຂັ້ນແຂວງຈິ່ງຝາກເຕືອນໃຫ້ຜູ້ທີ່ມັກບໍລິໂພກອາຫານ ແຊ່ແຂງ ປະເພດອາຫານທະເລ, ເຄື່ອງໃນສັດ ແລະ ອາຫານເຄິ່ງສໍາເລັດຮູບ ເວລາຈະຊື້ອາຫານປະເພດດັ່ງກ່າວໄປບໍລິໂພກຈົ່ງສັງເກດເບິ່ງສະຫຼາກວັນ ເດືອນ ປີ ທີ່ຜະລິດ ແລະ ວັນ ເດືອນປີໝົດອາຍຸ, ສະຫຼາກບອກທີ່ມາຂອງສິນຄ້າ ລວມທັງການເກັບຮັກສາ, ການແຊ່ແຂງໃຫ້ຖືກຕ້ອງຕາມມາດຕະຖານ ແລະ ສັງເກດເບິ່ງການຫຸ້ມຫໍ່ໃຫ້ດີຕື່ມອີກ, ທັງນີ້ກໍ່ເພື່ອຄວາມປອດໄພດ້ານສຸຂະພາບແກ່ຜູ້ບໍລິໂພກ

ພາບແລະຂ່າວ: ທຸນທອງໃຈ ພົມມະສຸກ ແລະ ໂທລະໂຄ່ງ