ບັນຫາການສໍ້ໂກງຊັບ, ປຸ້ນຊັບ, ຂີ້ລັກເປັນປາກົດການຫຍໍ້ທໍ້ໜຶ່ງທີ່ພວມເກີດຂຶ້ນຫຼາຍ ໃນທາງສ້າງຄວາມບໍ່ສະຫງົບ,
ຄວາມບໍ່ເປັນລະບຽບຮຽບຮ້ອຍຕໍ່ສັງຄົມ ດັ່ງຄະດີປຸ້ນຊັບຂອງພົນລະເມືອງທີ່ເກີດຂຶ້ນໃນລະຫວ່າງເດືອນ ກໍລະກົດທີ່
ຜ່ານມາ ເຈົ້າໜ້າທີ່ສືບສວນ-ສອບສວນກອງຄະດີອາຍາ ປກສ ເມືອງປາກຊັນ ໄດ້ຮັບແຈ້ງຄວາມຈາກ ນາງ ຫງຽນທີ
ກີມຢຸງ ອາຍຸ 42 ປີ, ອາຊີບຄ້າຂາຍ ສັນຊາດຫວຽດນາມ ຊຶ່ງໄດ້ມາພັກເຊົາຢູ່ບ້ານຫ້ວຍສຽດ ເມືອງປາກຊັນ ແຂວງບໍ
ລິຄຳໄຊ ວ່າມີຄົນຮ້າຍຈຳນວນ 3 ຄົນ ບໍ່ຮູ້ຊື່ເປັນຄົນສັນຊາດຫວຽດນາມ ໃຊ້ອາວຸດມີດ 2 ດວງ ແລະ ປືນ 1 ກະບອກ
ເຂົ້າມາປຸ້ນເອົາເງິນ, ຄຳ ແລະ ວັດຖຸມີຄ່າອື່ນໆຢູ່ເຮືອນຂອງຕົນ.
ພໍຮອດເວລາປະມານ 2 ໂມງກາງຄືນຂອງວັນດຽວກັນ ເຈົ້າໜ້າທີ່ສືບສວນສອບສວນ ກອງຄະດີອາຍາຈິ່ງໄດ້ລົງກວດ
ກາສະຖານທີ່ເກີດເຫດ ພ້ອມທັງຂຶ້ນບັນຊີເປົ້າໝາຍຜູ້ສົງໄສ ຕົກມາຮອດວັນທີ 11 ສິງຫາ 2014 ຈິ່ງເຂົ້າຈັບກຸມເປົ້າ
ໝາຍກຸ່ມແກ້ງທີ່ຮ່ວມຂະບວນການປຸ້ນຊັບຂອງພົນລະເມືອງໄດ້ 2 ຄົນ ຊື່ ທ້າວ ເຈີນວັນແທ້ງ ອາຍຸ 29 ປີ ແລະ ນາງ
ເຈີນທິລວນ ຜູ້ເປັນເອື້ອຍ ອາຍຸ 33 ປີ ທັງສອງເປັນຄົນສັນຊາດຫວຽດນາມ ຢູ່ບ້ານ ຊວນອຽນ ເມືອງຊີງວນ ແຂວງ
ຮ່າຕີ່ງ ສສ ຫວຽດນາມ ທີ່ມາຕັ້ງຮ້ານເສີມສວຍ ແລະ ລ້າງລົດ ຢູ່ບ້ານໂພນໄຊເໜືອ ເມືອງປາກຊັນ ແຂວງບໍລິຄຳໄຊ
ກວດຄົ້ນພົບຂອງກາງປະເພດອາວຸດປືນສັ້ນ ສີດຳ 1 ກະບອກ (ເປັນປືນປອມ).
ຜ່ານການສືບສວນ-ສອບສວນ ຂອງເຈົ້າໜ້າທີ່ ພວກກ່ຽວໄດ້ໃຫ້ການຮັບສາລະພາບວ່າ: ມື້ກໍ່ເຫດເວລາ 12 ໂມງ
ທ້າວ ເຈີ່ນວັນແທ້ງ, ທ້າວ ຫງຽນ ວັນດຶກ ແລະ ທ້າວ ຫງຽນວັນຮ່າ ສັນຊາດຫວຽດນາມ ໄດ້ຂັບຂີ່ລົດຈັກຍີ່ຫໍ້ເວບຈີນ
ສີດຳແດງ ບໍ່ມີປ້າຍເຂົ້າ ໄປປຸ້ນເອົາເງິນ, ຄຳ ແລະ ວັດຖຸມີຄ່າ ອື່ນໆຢູ່ໃນຮ້ານຂອງ ນາງ ຫງຽນທີກີມ ຢຸງ ທີ່ບ້ານຫ້ວຍ
ສຽດ ເມືອງປາກຊັນ ຊຶ່ງຜູ້ກ່ຽວທັງສາມໃຊ້ມີດຍາວຂະໜາດ 20 ຊັງຕີແມັດ ສີດຳ 1 ດວງ ແລະ ມີດ ຂະໜາດໃຫຍ່
5×50 ຊັງຕີແມັດ 1 ດວງ ພ້ອມປືນສັ້ນ 1 ກະບອກ (ປືນປອມ) ເຂົ້າໄປຈີ້, ນາບຂູ່ນາງ ຫງຽນທີກີມຢຸງ ໃຫ້ເອົາເງິນມາ
ໃຫ້ຕົນ ແລ້ວພວກກ່ຽວກໍໄດ້ໄປຄົ້ນເອົາເງິນໄດ້ເງິນກີບ ຈຳນວນ 1 ລ້ານກ່ວາກີບ, ເງິນບາດ 5 ພັນກວ່າບາດ, ເງິນ
ດົງ 6 ລ້ານກວ່າດົງ, ຄອມພິວເຕີໂນດບຸກ 1 ໜ່ວຍ, ໂທລະສັບ 1 ໜ່ວຍ ແລະ ບັດເຕີມເງິນ 46 ບັດ, ເບີໂທລະສັບ 7
ເບີ, ສາຍຄໍຄຳຝຣັ່ງ 1 ເສັ້ນ.
ພາຍຫຼັງທີ່ພວກກ່ຽວໄດ້ເງິນແລ້ວ ກໍເອົາເຊືອກມາມັດ ນາງ ຫງຽນທີກີມຢຸງ, ນາງ ເທື່ອງ ແລະ ນາງ ທຸຍ ທັງ 3 ຄົນ
ໃວ້ໃນຫ້ອງຂອງຜູ້ເສຍຫາຍ, ຈາກນັ້ນ ພວກກ່ຽວຈິ່ງໄດ້ລົບໜີອອກທາງຫຼັງບ້ານ ແລະ ໄດ້ເອົາເງິນ ແລະ ວັດຖຸຕ່າງໆ
ທີ່ປຸ້ນມາແບ່ງປັນກັນລວມແລ້ວ ທັງໝົດນັ້ນແມ່ນເປັນການວາງແຜນຂອງນາງ ເຈີນທິລວນ ຜູ້ເປັນເອື້ອຍ ຈາກ
ນັ້ນຈິ່ງຖືກເຈົ້າໜ້າທີ່ຈັບຕົວ ແລະ ພວມນຳຕາມຈັບຕົວພວກຮ່ວມຂະບວນການທັງ 2 ທີ່ໄດ້ຫຼົບໜີກັບປະເທດ
ມາດຳເນີນຄະດີຕາມລະບຽບກົດໝາຍຂອງລາວ ສ່ວນຂອງກາງຈຳນວນໜຶ່ງ ເຈົ້າໜ້າທີ່ໄດ້ເກັບກູ້ຄືນ ແລະ ມອບ
ໃຫ້ເຈົ້າຂອງເດີມ.
ແຫລ່ງຂ່າວ: ເສດຖະກິດ – ສັງຄົມ