ເມື່ອວັນທີ 30 ກໍລະກົດ 2018 ໜັງສືພິມວຽງຈັນທາມລາຍງານວ່າ ບໍລິສັດເກົາຫຼີໃຕ້ບໍ່ຍອມຮັບວ່າ ເຂື່ອນແຕກຍ້ອນການກໍ່ສ້າງບໍ່ດີຕາມທຳນຽມວັດທະນະທຳເກົາຫຼີ ຖ້າບໍລິສັດໃດກໍ່ສ້າງເກີດຄວາມຜິດພາດຂຶ້ນມາແລ້ວ ຫົວໜ້າບໍລິສັດດັ່ງກ່າວຈະອອກມາຂໍໂທດ ແລະ ຂໍລາອອກຈາກຕຳແໜ່ງ ເພື່ອສະແດງຄວາມຮັບຜິດຊອບຕໍ່ຄວາມເສຍຫາຍທີ່ເກີດຂຶ້ນ, ເຖິງວ່າຕົນເອງບໍ່ແມ່ນຜູ້ອອກແບບກໍ່ສ້າງກໍຕາມ ແຕ່ຍ້ອນຕົນເອງຄືຫົວໜ້າ, ຖ້າພະນັກງານກໍ່ສ້າງຜິດພາດ ຜູ້ເປັນຫົວໜ້າຕ້ອງຮັບຜິດຊອບຫຼາຍກວ່າໝູ່ໝົດ.
ແຕ່ໃນກໍລະນີທີ່ປະເທດລາວ ນອກຈາກບໍລິສັດ SK E&C ທີ່ເປັນຜູ້ຖືຫຸ້ນລາຍໃຫຍ່ຂອງບໍລິສັດເຊປຽນ-ເຊນໍ້ານ້ອຍ (Xe-Pian Xe-Namnoy Power Co., Ltd PNPC) ບໍ່ເຫັນອອກມາຂໍໂທດຕໍ່ພໍ່ແມ່ປະຊາຊົນແລ້ວ ພວກເຂົາຍັງປະຕິເສດ ໂດຍບໍ່ຍອມຮັບວ່າ ເຂື່ອນແຕກຍ້ອນການກໍ່ສ້າງບໍ່ດີ.
ຖ້າບໍ່ແມ່ນມືຂອງມະນຸດທີ່ອອກແບບກໍ່ສ້າງແລ້ວ ມັນແມ່ນມືຂອງໃຜເປັນຜູ້ເຮັດໃຫ້ເຂື່ອນແຕກ? ຫຼື ພວກເຂົາຄິດວ່າ ມັນແມ່ນມືຂອງພະເຈົ້າທີ່ເບິ່ງບໍ່ເຫັນເປັນຜູ້ເຮັດໃຫ້ແຕກບໍ?
ແຫລ່ງຂ່າວ: ໜັງສືພິມວຽງຈັນທາມ ສະບັບວັນທີ 30/7/2018 ແລະ https://www.facebook.com/keo.inspire