spot_img
Homeຂ່າວນໍ້າຖ້ວມເມືອງ ໄຊບູລີ ແຂວງ ສະຫວັນນະເຂດ ເລັ່ງຍົກຍ້າຍປະຊາຊົນ ອອກຈາກເຂດນໍ້າຖ້ວມດ່ວນ

ເມືອງ ໄຊບູລີ ແຂວງ ສະຫວັນນະເຂດ ເລັ່ງຍົກຍ້າຍປະຊາຊົນ ອອກຈາກເຂດນໍ້າຖ້ວມດ່ວນ

Published on

ເມື່ອວັນທີ 27 ກໍລະກົດ 2018 ທ່ານ ອ່ອນລະພັນ ບົວສີແກ້ວ ຮອງເຈົ້າເມືອງໄຊບູລີ ໄດ້ໃຫ້ສຳພາດຕໍ່ນັກຂ່າວວິທະຍຸກະຈາຍສຽງແຂວງວ່າ ໄດ້ມີການຍົກຍ້າຍປະຊາຊົນກວ່າ 60 ຄອບຄົວ ອອກຈາເຂດນ້ຳຖ້ວມໄປໄວ້ບ່ອນທີ່ປອດໄພ ເຊິ່ງທາງແຂວງໄດ້ຈັດກຽມໄວ້ 4 ສູນຄື: ສູນບ້ານຕົ້ນແຫນ, ສູນບ້ານດ້າງສະຫວັນ, ສູນບ້ານສົມສະອາດ ແລະ ສູນໂຮງຮຽນມ/ສ ໝາກນາວ

ທາງດ້ານກອງບັນຊາການທະຫານເມືອງໄຊບູລີ ກໍ່ໄດ້ລະດົມກຳລັງຂອງຕົນເພື່ອລົງຊ່ວຍເຫຼືອປະຊາຊົນຜູ້ທີ່ໄດ້ຮັບຜົນກະທົບຄັ້ງນີ້ຢ່າງເຕັມສ່ວນ, ໂດຍໄດ້ນຳເອົາເຮືອຂະໜາດນ້ອຍ ແລະ ກາງ ລົງໃຫ້ຄວາມຊ່ວຍເຫຼືອໃນການຍົກຍ້າຍສິ່ງຂອງທີ່ຈຳເປັນຂອງປະຊາຊົນໄປໄວ້ບ່ອນທີ່ສຸງ ແລະ ມີຄວາມປອດໄພທີ່ສຸດ.

ທ່ານ ພັນໂທ ວິໄຊ ຄຳໄພທູນ ຫົວໜ້າການເມືອງ ກອງບັນຊາການທະຫານເມືອງໄຊບູລີກ່າວວ່າ ນອກຈາກເຂດຊຽງໄຄທີ່ຖືກນໍ້າຖວ້ມ ກໍ່ຍັງມີ ເຂດບ້ານເວີນ,ຕົ້ນແຫນ,ເຂດປາກເຊບັ້ງໄຟ,ເຂດສົມສະອາດ,ເສັ້ນທາງການໄປມາຫາສູ່ຂອງປະຊາຊົນ ທີ່ຢູ່ລຽບຕາມສາຍເຊບັ້ງໄຟບາງເສັ້ນທາງແມ່ນບໍ່ສາມາດສັນຈອນໄປມາໄດ້ມີແຕ່ໃຊ້ເຮືອເທົ່ານັ້ນຈິ່ງໄປໄດ້,ມາຮອດປະຈຸບັນເນື້ອທີ່ທຳການຜະລິດຂອງຊາວນາເມືອງໄຊບູລີ ທີ່ຖືກນໍ້າຖ້ວມ 2.138 ເຮັກຕາ,ສະເພາະການວັດແທກນໍ້າເຊບັ້ງໄຟໃນມື້ວັນທີ 26 ກໍລະກົດ 2018,ວັດແທກໄດ້ 14 ແມັດ 30 ຊັງຕີແມັດ,ເຂດອັນຕະລາຍແມ່ນຢູ່ໃນລະດັບ 15 ແມັດ, ຍັງເຫຼືອພຽງແຕ່ 70 ຊັງຕີແມັດຖືວ່າອັນຕະລາຍ

 

ບົດຄວາມຫຼ້າສຸດ

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...