Homeຂ່າວນໍ້າຖ້ວມຄຳມ່ວນນ້ຳຖ້ວມໜັກ 10 ເມືອງ 109 ບ້ານໄດ້ຮັບຜົນກະທົບ

ຄຳມ່ວນນ້ຳຖ້ວມໜັກ 10 ເມືອງ 109 ບ້ານໄດ້ຮັບຜົນກະທົບ

Published on

ຄະນະຮັບຜິດຊອບໄພພິບັດຂັ້ນແຂວງລາຍງານສະພາບນໍ້າຖ້ວມໃນທົ່ວແຂວງຄຳມ່ວນ ວັນທີ 26 ກໍລະກົດ 2018 ລາຍງານໃຫ້ຮູ້ວ່າ ເນື່ອງຈາກສະພາບອາກາດ ແລະ ພາຍຸໝູນເຂດຮ້ອນເຊິນເຕິນຫົວທີ 9 ປີ 2018 ພັດຜ່ານແຂວງຄຳມ່ວນ ຕັ້ງແຕ່ວັນທີ 16 ກໍລະກົດ 2018 ຈົນຮອດປັດຈຸບັນ ເຮັດໃຫ້ລະດັບນ້ຳຂອງ,​ນ້ຳເຊ, ນ້ຳຫີນບູນ ສາຂາແມ່ນ້ຳສາຂາຕ່າງໆ ໄດ້ເພີ່ມຂຶ້ນຢ່າງໄວວາ ແລະ ແຜ່ຂະຫຍາຍອອກເປັນບໍລິເວນກ້ວາງ ເຮັດໃຫ້ມີສະພາບນ້ຳຖ້ວມກວມເອົາ 10 ຕົວເມືອງຂອງແຂວງ ບາງເມືອງເສັ້ນທາງຄົມມະນາຄົມຖືກຕັດຂາດ ການສັນຈອນຂອງປະຊາຊົນພົບຄວາມຫຍຸ້ງຍາກ.

ມາຮອດວັນທີ 26 ກໍລະກົດ 2018 ລະດັບນ້ຳໄດ້ເພີ່ມຂຶ້ນໄຫລເຂົ້າສູ່ພື້ນທີ່ການຜະລິດຂອງປະຊາຊົນຢູ່ 8 ເມືອງຄື: ເມືອງບົວລະພາ, ເມືອງຫີນບູນ, ເມືອງ ທ່າແຂກ, ເມືອງ ໄຊບົວທອງ, ເມືອງ ຍົມມະລາດ, ເມືອງ ມະຫາໄຊ, ເມືອງ ໜອງບຶກ, ເມືອງ ເຊບັ້ງໄຟ, ມີ 109 ບ້ານ, ເນື້ອທີ່ນາຖືກນ້ຳຖ້ວມ 3.890.026 ເຮັກຕາ, ສຳລັບເມືອງ ຄຳຄູນ ແລະ ເມືອງ ນາກາຍຍັງບໍ່ທັນໄດ້ຮັບການລາຍງານ

ເຊິ່ງປັດຈຸບັນຄະນະກຳມະທີການ ຄພຍ ຂອງແຂວງໄດ້ຮັບການອຸປະຖຳຈາກພາກສ່ວນຕ່າງໆລວມມູນຄ່າເປັນເງິນຈຳນວນ 177.327.000 ລ້ານກີບ, ເປັນວັດຖຸ 71.662.000 ກີບ

 

ແຫລ່ງຂ່າວ:​ ແຂວງຄຳມ່ວນ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...