ຕາມການລາຍງານຈາກຂ່າວທ້ອງຖິ່ນເມື່ອວັນທີ 16 ກໍລະກົດ 2018 ລາຍງານໃຫ້ຮູ້ວ່າ ເຫດການໄພນໍ້າຖ້ວມ ເມືອງແບງ, ເມືອງຮຸນ ແລະ ເມືອງປາກແບງ ແຂວງອຸດົມໄຊ ໄດ້ສ້າງຄວາມເສຍຫາຍໃນວົງກ້ວາງ ຕາມການລາຍງານຂໍ້ມູນເບື້ອງຕົ້ນຂອງຫ້ອງການແຮງງານ ແລະ ສະຫວັດດີການສັງຄົມເມືອງແບງ ບ້ານທີ່ຖືກຜົນກະທົບຈາກເຫດການໄພນໍ້າຖ້ວມໃນຄັ້ງນີ້ມີຈຳນວນທັງໝົດ 20 ບ້ານ, ມີ 778 ຄອບຄົວ, ນໍ້າຖ້ວມເຮືອນເປ່ເພຈຳນວນ 131 ຫຼັງຄາເຮືອນ, ງົວຄວາຍຕາຍ 24 ໂຕ, ນາເສຍຫາຍ 239 ເຮັກຕາ, ສວນສາລີເສຍຫາຍ 205 ເຮັກຕາ, ໜອງປາເສຍຫາຍ 27 ໜອງ, ດິນເຈື່ອນຖົມເຮືອນ 6 ຫຼັງ. ມີຈຳນວນພົນທັງໝົດ 4,716 ຄົນ, ຍິງ 2,462 ຄົນ ລວມມູນຄາເສຍຫາຍທັງໝົດປະມານ 1,481,000,000 ກີບ.

ຂ່າວແລະ ພາບຈາກ: ບຸນສີບີ້ (ພະແນກ ແຮງງານ ແລະ ສະຫວັດດີການສັງຄົມ ແຂວງອຸດົມໄຊ)