ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມື່ອວັນທີ 28 ມິຖຸນາ 2018 ວ່າ ທຳນຽບຂາວ ແລະ ທຳນຽບເຄຣມລິນອອກຖະແຫຼງການເມື່ອວັນພະຫັດ ວ່າ ປະທານາທິບໍດີ ໂດນັລ ທຣັມ ແລະ ປະທານາທິບໍດີ ວາລາດິເມຍ ປູຕິນ ມີກຳນົດພົບປະຫາລືກັນທີ່ ນະຄອນເຮລຊິງກິ ໃນວັນທີ 16 ກໍລະກົດ 2018

ທັງນີ້ການເລືອກວັນທີ 16 ກໍລະກົດ 2018 ໃຫ້ເປັນວັນພົບປະຫາລືຮຽກໄດ້ວ່າເປັນຊ່ວງເວລາທີ່ເໝາະສົມ ເນື່ອງຈາກຈະເກີດຂຶ້ນຫຼັງ ທຣັມ ເຂ້າຮ່ວມການປະຊຸມສຸດຍອດຜູ້ນຳປະເທດສະມາຊິກອົງການສົນທິສັນຍາແອດຕິກເໜືອ (ນາໂຕ) ລະຫວ່າງວັນທີ 11-12 ກໍລະກົດ 2018 ທີ່ນະຄອນບຣັສເຊລ ແລະ ການຢຽມຢາມສະກະຣາຊອານາຈັກຢ່າງເປັນທາງການ ແລະ ເປັນການໃຫ້ເວລາກັບປູຕິນໃນການເຂົ້າຮ່ວມພິທີປິດການແຂ່ງຂັນບານໂລກ ໃນວັນທີ 15 ກໍລະກົດ ນີ້ອີກດ້ວຍ.