ທ່ານ ໄມຄ໌ ປອມເປໂອ ລັດຖະມົນຕີ ກະຊວງການຕ່າງປະເທດ ເຜີຍເມື່ອວັນທີ 23 ມິຖຸນາ 2018ວ່າ ມີຄວາມເປັນໄປໄດ້ທີ່ປະທານາທິບໍດີ ໂດນັລ ທຣັມ ຈະພົບປະຫາລືກັບປະທານາທິບໍດີວາລາດິເມຍ ປູຕິນ ໃນອານາຄົດອັນໃກ້
ຂະນະທີ່ທຳນຽບຂາວເຜີຍວ່າ ທ່ານ ຈອນ ໂບລຕັນ ທີ່ປຶກສາດ້ານຄວາມໝັ້ນຄົງແຫ່ງຊາດສະຫະລັດ ຈະເດີນທາງຢຽມນະຄອນຫຼວງ ມອສໂກໃນອາທິດໜ້າເພື່ອຫາລືປູທາງໃນເລື່ອງນີ້ ເຊິ່ງຖືກທົ່ວໂລກຈັບຕາເບິ່ງ ຂະນະທີ່ມີການສອບສວນຂໍ້ກ່າວຫາຣັດເຊຍແຊກແຊງການເລືອກຕັ້ງສະຫະລັດ.