ສຳນັກຂ່າວຕ່າງປະເທດລາຍງານຈາກນະຄອນນິວຢອກ ປະເທດສະຫະລັດອາເມລິກາ ເມື່ອວັນທີ 30 ພຶດສະພາ ວ່າ ໂຄສົກຍິງທຳນຽບຂາວກ່າວຢືນຢັນຄວາມພ້ອມຂອງສະຫະລັດໃນການທີ່ປະທານນາທິບໍດີ ໂດນັລ ທຣັມ ຈະເຂົ້າຮ່ວມການພົບປະຫາລືກັບທ່ານ ຄິມຈອງອຶນ ຜູ້ນຳສູງສຸດຂອງເກົາຫຼີເໜືອ ທີ່ສິງກະໂປ ໃນວັນທີ 12 ມິຖຸນາ 2018ນີ້ ແລະ ກ່າວເຖິງທີມງານອີກ 2 ຊຸດຂອງລັດຖະບານວໍຊິງຕັນ ເຊິ່ງຊຸດທີໜຶ່ງຢູ່ທີ່ເກົາໃຕ້ ນຳໂດຍທ່ານ ຊອງຄິມ ເອອັກຄະຣາຊທູດສະຫະລັດປະຈຳນະຄອນຫຼວງມານິລາ ພົບປະຫາລືກັບຄະນະຜູ້ແທນຂງເກົາຫຼີເໜືອ ຢູ່ທີ່ໝູ່ບ້ານ ປັນມຸນຈອມ ແລະ ຄະນະທຳງານອີກຊຸດໜຶ່ງຢູ່ທີ່ສິງກະໂປແລ້ວແລະໄດ້ພົບປະຫາລືກັບເຈົ້າໜ້າທີ່ລັດຖະບານປຽງຢາງ ວ່າຈະມີການພົບປະສົນທະນາກັນຕື່ມອີກ ແຕ່ບໍ່ໄດ້ລົງເລິກລາຍລະອຽດ