spot_img
Homeຂ່າວພາຍ​ໃນຍີງໂຈນເສຍຊີວິດ ຜິດກົດໝາຍບໍ?

ຍີງໂຈນເສຍຊີວິດ ຜິດກົດໝາຍບໍ?

Published on

ເມື່ອວັນທີ 5 ເມສາ 2018 ທີ່ຜ່ານມາ ໄດ້ເກີດເຫດ ມີຄົນຮ້າຍດຶງສາຍສ້ອຍຄຳ ທີ່ຕະຫຼາດຊັ່ງຈ່ຽງ ເຫດການດັ່ງກ່າວເຈົ້າຂອງສ້ອຍຄຳໄດ້ໃຊ້ປືນຍີງໃສ່ຄົນຮ້າຍ ເຮັດໃຫ້ຄົນຮ້າຍບາດເຈັບ ແລະໄດ້ເສຍຊີວິດໃນມື້ຕໍ່ມາ. ຕໍ່ເຫດການດັ່ງກ່າວນັ້ນ, ຫຼາຍຄົນຄືຊິຕັ້ງຂໍ້ສົງໄສວ່າ ເຈົ້າຂອງຊັບທີ່ໃຊ້ປືນຍີງໃສ່ຄົນຮ້າຍນັ້ນເປັນການປ້ອງກັນໂຕບໍ? ຫຼືກະທຳເກີນກວ່າເຫດບໍ? ຫຼື ຈະມີຄວາມຜິດບໍ?

ຕໍ່ກັບຂໍ້ສົງໄສດັ່ງກ່າວ, ທາງທີມງານລາວໂພສໄດ້ຂໍຄຳເຫັນກັບນັກກົດໝາຍ ເຊິ່ງເພິ່ນໄດ້ໃຫ້ທັດສະນະມາ ເຊິ່ງໂດຍສະຫຼຸບເນື້ອໃນມີດັ່ງນີ້:

ການປ້ອງກັນໂຕ ຄື ເພື່ອປ້ອງກັນສິດຂອງຕົນ ຫຼືຂອງຜູ້ອື່ນ ໃຫ້ພົ້ນຈາກໄພອັນຕະລາຍເຊິ່ງເກີດຈາກການກະທຳອັນຜິດກົດໝາຍ. ໝາຍຄວາມວ່າ ກໍລະນີມີຄົນຮ້າຍມາປຸ້ນແລ້ວເຂົ້າມາທຳຮ້າຍເຮົາ ຈຸດນີ້ເຮົາສາມາດປ້ອງກັນໂຕໄດ້ ແຕ່ການປ້ອງກັນໂຕນັ້ນ ຕ້ອງເພື່ອໃຫ້ເຂົາຢຸດການກະທຳ ເຊັ່ນ ຄົນຮ້າຍເຂົ້າມາຈະທຳຮ້າຍເຮົາ ເຮົາອາດຈະຍິງຂາຫຼືແຂນ ເພື່ອໃຫ້ຢຸດການກະທຳນັ້ນ. ຖ້າເຮັດໄປໂດຍສົມຄວນແກ່ເຫດຈຸດນີ້ກໍຖືວ່າເປັນການປ້ອງກັນໂຕ ບໍ່ມີຄວາມຜິດ. ຫຼືຖ້າກໍລະນີຄົນຮ້າຍມືອາວຸດປືນທີ່ແນມາໃສ່ ຫຼືມີປືນຢູ່ໃນທ່າຕໍ່ສູ້ເຮົາຢູ່ເຮົາກໍອາດຈະຍີງອອກໄປເພື່ອປ້ອງກັນໂຕ. ແຕ່ກໍລະນີທີ່ເຂົ້າຂ່າຍເປັນການກະທຳທີ່ເກີນກວ່າເຫດ ເຊັ່ນ ຄົນຮ້າຍລັກຊັບໄປແລ້ວ ແລະຢູ່ໃນລະຫວ່າງການໜີອອກໄປແລ້ວ ແລະໄດ້ຍີງນຳຫຼັງອອກໄປ ຫຼືໄລ່ຍີງແຂນຂາໂຈນເພື່ອໃຫ້ຢຸດ ແຕ່ບັງເອີນພັດໄປຍີງຖືກຈຸດອັນຕະລາຍທີີ່ເປັນເຫດໃຫ້ເຂົາຕາຍ ອັນນີ້ກໍຕ້ອງເບິ່ງພະຍານຫຼັກຖານແລະພິຈາລະນາເຖິງເຈຕະນາລົມຂອງຄົນຍີງຕື່ມອີກວ່າເປັນເກີນກວ່າເຫດຫຼືບໍ່. ແນວໃດກໍຕາມ, ຖ້າກໍລະນີວ່າເປັນກາງຄືນ ເຮົາບໍ່ສາມາດເຫັນວ່າຄົນຮ້າຍມີອາວຸດຮ້າຍແຮງທີ່ຈະກໍ່ເຫດຫຼືບໍ່ນັ້ນ ເມື່ອເຈົ້າຂອງເຮືອນຍີງປືນໄປຖືກຄົນຮ້າຍຕາຍ ກໍອາດຈະເປັນການຍີງເພື່ອປ້ອງກັນໂຕກໍໄດ້ ກໍແລ້ວແຕ່ພະຍານຫຼັກຖານແລະການພິຈາລະນາໃນແຕ່ລະກໍລະນີໄປ (ອັນນີ້ເວົ້າເຖິງເຫດການທົ່ວໄປ).

ນີ້ຄືກົດໝາຍອາຍາ ມາດຕາ 20 ວ່າດ້ວຍການປ້ອງກັນຕົວ:

ເອກະສານປະກອບບົດ ກົດໝາຍອາຍາ ມາດຕາ 20 ແລະ ມາດຕາ 21

ກໍລະນີທີ່ເກີດຂຶ້ນຢູ່ຕະຫຼາດຊັ່ງຈ່ຽງນັ້ນ ກໍຕ້ອງເບິ່ງວ່າເຫດການມັນເປັນຈັ່ງໃດກັນແທ້ ຕ້ອງເບິ່ງພະຍານຫຼັກຖານຕ່າງໆ ທີ່ເຈົ້າໜ້າທີ່ເກັບກຳມາ ຈຶ່ງສາມາດບອກໄດ້ວ່າເປັນການຍີງປ້ອງກັນໂຕຕາມກົດໝາຍ ຫຼືເປັນການກະທຳເກີນກວ່າເຫດ. ຖ້າພິຈາລະນາຕາມຂໍ້ມູນຫຼັກຖານທັງໝົດແລ້ວ ພົບວ່າເປັນການກະທຳເກີນກວ່າເຫດ ເຈົ້າຂອງຊັບທີ່ໃຊ້ປືນຍີງຄົນຮ້າຍເສຍຊີວິດນັ້ນ ກໍອາດຈະຖືກຂໍ້ຫາໃຊ້ອາວຸດປືນຍີງຄົນອື່ນເສຍຊີວິດ. ແຕ່ກໍອາດຈະໂທດບໍ່ໜັກ ເພາະເຫດການດັ່ງກ່າວນັ້ນ ເປັນເຫດການກະທັນຫັນ ຕົກໃຈ ອາລົມຮ້າຍຍ້ອນຖືກທຳຮ້າຍກ່ອນ.

ດັ່ງນັ້ນ, ການທີ່ຈະບອກວ່າການຍີງຄົນຮ້າຍຕາຍຈະຜິດກົດໝາຍຫຼືບໍ່ນັ້ນ ກໍຕ້ອງເບິ່ງຂໍ້ມູນຫຼັກຖານທີ່ພາກສ່ວນທີ່ກ່ຽວຂ້ອງເກັບກຳມາກ່ອນ ເຊິ່ງຂໍ້ມູນຕົວຈິງອາດຈະບໍ່ເປັນດັ່ງທີ່ເຮົາຄິດໄວ້ກໍໄດ້.

ເວົ້າແນວນີ້, ກໍບໍ່ໄດ້ໝາຍຄວາມວ່າຄົນຮ້າຍຈະບໍ່ມີຄວາມຜິດໃດໆ, ຄົນຮ້າຍມີຄວາມຜິດແນ່ນອນຖານປຸ້ນຈີ້ຊີງຊັບ ຫຼືລັກຊັບ ຫຼືອື່ນໆ ຕາມຄວາມເປັນຈິງ ເຊິ່ງຈະມີໂທດທີ່ກຳນົດໄວ້ໃນກົດໝາຍຢູ່ເຊັ່ນກັນ.

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...