spot_img
Homeນານາສາລະ8 ສິ່ງທີ່ບໍ່ຄວນເຮັດ ຫຼັງຈາກກິນອາຫານອິ່ມ

8 ສິ່ງທີ່ບໍ່ຄວນເຮັດ ຫຼັງຈາກກິນອາຫານອິ່ມ

Published on

1. ຫ້າມສູບຢາ

ການສູບຢາຫຼັງອາຫານ ທຽບໄດ້ກັບການສູບຢາຍາມປົກກະຕິເຖິງ 10 ກອກ ເຮັດໃຫ້ສ່ຽງເປັນມະເຮັງຫຼາຍຂຶ້ນ ເຊິ່ງການສູບປົກກະຕິກໍຍັງມີໂອກາດເປັນມະເຮັງຢູ່ແລ້ວ.

2. ຫ້າມກິນໝາກໄມ້

ເຖິງວ່າໝາກໄມ້ສົດເປັນອາຫານທີ່ດີຕໍ່ສຸຂະພາບກໍຕາມ ແຕ່ຖ້າກິນເຂົ້າໄປທັນທີຫຼັງຈາກທີ່ກິນອາຫານແລ້ວ ມັນຈະເຂົ້າໄປປະສົມກັບອາຫານທີ່ກິນໄປ ແລະ ເຮັດໃຫ້ຮ່າງກາຍຈຳກັດການດູດຊຶມ ເຊິ່ງກໍ່ໃຫ້ເກີດບັນຫາກ່ຽວກັບການຍ່ອຍ ແລະ ຫຼຸດຄຸນຄ່າທາງໂພຊະນາການຂອງອາຫານທີ່ທ່ານກິນ, ສະນັ້ນ ຄວນກິນໝາກໄມ້ 1-2 ຊົ່ວໂມງ ກ່ອນ ຫຼື ຫຼັງອາຫານຈະດີກວ່າ.

3. ຫ້າມນອນທັນທີ

ເມື່ອທ່ານນອນຫຼັບຫຼັງກິນອາຫານ ຈະເຮັດໃຫ້ນ້ຳຍ່ອຍໃນກະເພາະອາຫານເພີ່ມຂຶ້ນ ແລະ ເຮັດໃຫ້ຂະບວນການຍ່ອຍອາຫານມີບັນຫາ.

4. ຫ້າມອາບນ້ຳ

ເມື່ອທ່ານອາບນ້ຳຫຼັງຈາກກິນອາຫານ ຈະເຮັດໃຫ້ເລືອດໄປໄຫຼວຽນຢູ່ຜິວໜັງເພື່ອຈະໄປຄວບຄຸມອຸນຫະພູມຂອງຮ່າງກາຍ ເຊິ່ງນຳໄປສູ່ບັນຫາການຍ່ອຍອາຫານ ເນື່ອງຈາກການຍ່ອຍອາຫານຕ້ອງໃຊ້ພະລັງງານຈຳນວນຫຼາຍ.

5. ຫ້າມອອກກຳລັງກາຍ

ການອອກກຳລັງກາຍຫຼັງການກິນອາຫານ ມັນຈະໄປຂັດຂວາງລະບົບການຍ່ອຍອາຫານ ເຮັດໃຫ້ມີອາການປວດຮາກ ທ້ອງເບັງ ແລະ ວິນຫົວໄດ້.

6. ຫ້າມດື່ມຊາ ຫຼື ກາເຟ

ການດື່ມຊາ ຫຼື ກາເຟຫຼັງການກິນອາຫານ ມັນບໍ່ດີຕໍ່ສຸຂະພາບ ເນື່ອງຈາກເຄື່ອງດື່ມປະເພດນີ້ມີສານບາງຊະນິດທີ່ດູດຊຶມທາດເຫຼັກ ແທນທີ່ມັນຈະດູດຊຶມເຂົ້າຮ່າງກາຍ, ສະນັ້ນ ຄວນດື່ມຫຼັງຈາກກິນອາຫານຢ່າງໜ້ອຍ 1 ຊົ່ວໂມງ.

7. ຫຼີກລ່ຽງການໃສ່ຮັດສາຍແອວ

ເພາະການເພີ່ມແຮງກົດທັບບໍລິເວນທ້ອງຫຼັງການກິນອາຫານ ມັນຈະໄປລົບກວນການຍ່ອຍອາຫານ ແລະ ຂະບວນການຍ່ອຍອາຫານ ທີ່ອາດນຳໄປສູ່ບັນຫາດ້ານສຸຂະພາບຕ່າງໆ.

8. ຫຼີກລ່ຽງການດື່ມນ້ຳ

ເມື່ອທ່ານດື່ມນ້ຳທັນທີຫຼັງຈາກກິນອາຫານແລ້ວ ມັນຈະຫຼຸດການລັ່ງສານເອນໄຊ ແລະ ນ້ຳຍ່ອຍໃນກະເພາະອາຫານ ອາດເຮັດໃຫ້ເກີດຄວາມເປັນກົດໃນກະເພາະ ແລະ ທ້ອງອືດ ເຮັດໃຫ້ຍ່ອຍຍາກ.

ທີ່ມາ healthshots

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...