ປກສ ແຈ້ງການຮັບນັກຮຽນໃໝ່

4
25186

ກອງບັນຊາການ ປກສ ນະຄອນຫຼວງວຽງຈັນ ໄດ້ອອກແຈ້ງການເປີດຮັບເອກະສານກຳລັງໃໝ່ ສົກປິ 2018 ສະເພາະຜູ້ທີ່່ຮຽນຈົບ ມ7 ທີ່ຂຶ້ນທະບຽນສຳມະໂນຄົວຢູ່ໃນ ນະຄອນຫຼວງວຽງຈັນ. ໃນວັນທີ 9 ຕຸລາ 2018, ເລກທີ 1023/ປກສ.ນວ ເພື່ອເສັງເຂົ້າກຳລັງ ປກສ ນະຄອນຫຼວງວຽງຈັນ. ເລີ່ມເປີດຮັບສະໝັກວັນທີ 10-15 ຕຸລາ 2018.

ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ອອກແຈ້ງເຖິງບັນດາພະນັກງານ, ທະຫານ-ຕຳຫຼວດ ແລະ ພໍ່ແມ່ປະຊາຊົນຊາວນພຄອນຫຼວງວຽງຈັນ ຜູ້ທີ່ມີລູກຫຼານສົນໃຈຢາກສະໝັກສອບເສັງດັ່ງກ່າວວ່າ: “ກອງບັນຊາການ ປກສ ນະຄອນຫຼວງວຽງຈັນ ໄດ້ເປີດຮັບເອກະສານກຳລັງໃໝ່ ສົກປິ 2018 ສະເພາະຜູ້ທີ່່ຮຽນຈົບ ມ7 ທີ່ຂຶ້ນທະບຽນສຳມະໂນຄົວຢູ່ໃນ ນະຄອນຫຼວງວຽງຈັນ. ນັບແຕ່ວັນທີ 10-15 ຕຸລາ 2018 ເພື່ອຄັດເລືອກສອບເສັງເຂົ້າເປັນກຳລັງປ້ອງກັນຄວາມສະຫງົບ ນະຄອນຫຼວງວຽງຈັນ (ສະຖານທີ່ສະໝັກຢູ່ທີ່ຫ້ອງການ ເມືອງ ປກສ ນະຄອນຫຼວງວຽງຈັນ ຊັ້ນ 04). ສຳລັບຜູ້ສະໝັກຈະຕ້ອງໄດ້ເສຍຄ່າລົງທະບຽນຕ່າງໆຜູ້ລະ 80.000 ກີບຕໍ່ຄົນ, ຜູ້ທີ່ຜ່ານການຄັດເລືອກຄົບມາດຕະຖານເງື່ອນໄຂເຂົ້າສອບເສັງຈະໄດ້ເສຍຄ່າລົງທະບຽນ, ຄ່າແບບຟອມ, ຊີວະປະຫວັດ, ຄ່າເຈ້ຍ, ຄ່າບັດເຂົ້າຫ້ອງສອບເສັງ ແລະ ຄ່າບໍລິການຕ່າງໆ ຈຳນວນ 120.000 ກັບຕໍ່ຄົນ. ໃນການສອບເສັງຄັ້ງນີ້, ມີ 3 ວິຊາຄື ວິຊາຄະນິດສາດ, ພາສາລາວ ແລະ ຄວາມຮູ້ຮອບຕົວ”.

ແຈ້ງການດັ່ງກ່າວ, ໄດ້ອີງຕາມຂໍ້ຕົກລົງຂອງລັດຖະມົນຕີວ່າການກະຊວງປ້ອງກັນຄວາມສະຫງົບ ສະບັບເລກທີ 010/ປກສ ລົງວັນທີ 03 ມັງກອນ 2014 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ; ອີງຕາມແຈ້ງການຂອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ສະບັບເລກທີ 3255/ກມ ປສ, ລົງວັນທີ 08 ຕຸລາ 2018, ເລື່ອງແຜນຮັບກຳລັງໃໝ່ ສົກປີ 2018.

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ກອງບັນຊາການ ປກສ ນະຄອນຫຼວງວຽງຈັນ

4 COMMENTS

  1. ການເສັງເອົາພະນັກງານຕໍາຫຼວດ ຢູ່ບາງແຂວງຕ້ອງໄດ້ຊື້ເຂົ້າ ເທົ່ານັ້ນເທົ່ານີ້ ປານຊື້ເຄື່ອງໃນຕະຫຼາດ ປານໃດຊິ່ມີຄວາມຍຸດຕິທຳ ຄືບໍ່ເຮັດຄືປະເທດທີ່ຈະເລີນແລ້ວ

  2. ຂໍໃຫ້ໂປ່ງໃສໃນການສອບເສງຄັດເລືອກບໍຢາກໃຫ້ມີຄົນເຈົ້າຄົນຂ້ອຍ.ງ ຫຼ ຊື້ຈ້າງ

  3. ເຂົາໄປເສັງກະບໍຕິດດອກຖ້າຄົນທຸກນະຄົນລວຍເສັງຕິດຢູ່

  4. ຖ້າຂອ້ຍມີເງີນຢາກໄປເສັງຢູ່ແຕ່ບໍມີເງີກະເລີຍບໍໄປໃຫ້ເສຍເວລາທຳມາຫາກິນ

ອອກ​ຈາກ REPLY ເປັນ

Please enter your comment!
Please enter your name here