spot_img
Homeຂ່າວພາຍ​ໃນ10 ກວ່າບັນຫາທີ່ຂະແໜງອຸດສາຫະກຳປຸງແຕ່ງສະເໜີລັດຊ່ວຍແກ້ໄຂ

10 ກວ່າບັນຫາທີ່ຂະແໜງອຸດສາຫະກຳປຸງແຕ່ງສະເໜີລັດຊ່ວຍແກ້ໄຂ

Published on

10 ກວ່າບັນຫາທີ່ຂະແໜງອຸດສາຫະກຳປຸງແຕ່ງສະເໜີລັດຊ່ວຍແກ້ໄຂ

ໂດຍ: ໝີ​ນ້ອຍ

ໃນ​ສະ­ບັບ​ກ່ອນ​ຄໍ​ລຳ​ສັງ­ຄົມ​ການ​ຄ້າ​ໄດ້​ນຳ​ສະ­ເໜີກ່ຽວ​ກັບ​ຂໍ້​ຫຍຸ້ງ­ຍາກ ແລະ ສິ່ງ​ທີ່​ທ້າ​ທາຍ​ຂອງ​ຂະ­ແໜງ​ອຸດສາ​ຫະ​ກຳ​ປຸງ​ແຕ່ງ ແລະ ສະ­ບັບ​ນີ້​ພວກ​ເຮົາ​ຈະ​ໃຫ້​ຮູ້​ເລື່ອງບັນ­ຫາ​ຕ່າງໆ​ທີ່​ເປັນ​ຂໍ້​ສະ­ເໜີ ເພື່ອ​ໃຫ້​ລັດ​ຄົ້ນ­ຄວ້າ​ພິ­ຈາ­ລະ­ນາຊ່ວຍ­ເຫຼືອ ແລະ ຮ່ວມ​ກັນ​ແກ້​ໄຂ.

ອີງ​ຕາມ​ການ​ລາຍ​ງານ​ຂອງ​ຜູ້­ຕາງ­ໜ້າ​ທຸ­ລະ​ກິດ​ຂະ­ແໜງອຸດ­ສາ­ຫະ­ກຳ​ປຸງ​ແຕ່ງ​ໃນ​ກອງ​ປະ­ຊຸມ​ພົບ​ປະ​ລະ­ຫວ່າງ​ທ່ານນາ­ຍົກລັດ­ຖະ­ມົນ­ຕີ​ກັບ​ສະ­ພາ​ການ​ຄ້າ ແລະ ອຸດ­ສາ­ຫະ­ກຳ​ທີ່ຈັດ​ຂຶ້ນ​ບໍ່​ດົນ​ຜ່ານ​ມາ​ນີ້​ໃຫ້​ຮູ້​ວ່າ: ຂະ­ແໜງ​ອຸດ­ສາ­ຫະ­ກຳ​ປຸງແຕ່ງ​ພວກ​ເຮົາ​ກໍ​ຍັງ​ມີ​ບັນ­ຫາ​ຕ່າງໆ​ທີ່​ເປັນ​ຂໍ້​ສະ­ເໜີ​ມາ​ຍັງພາກ​ລັດ​ຊ່ວຍ­ເຫຼືອ ແລະ ແກ້​ໄຂ​ເພື່ອ​ໃຫ້​ພາກ​ເອ­ກະ​ຊົນ​ໄດ້​ຮັບການ​ພັດ­ທະ­ນາ ແລະ ແຂ່ງຂັນ​ໄດ້​ກັບ​ບັນ­ດາ​ປະ­ເທດ​ໃນ​ພາກພື້ນ​ໂດຍ​ສະ­ເພາະ​ແມ່ນ​ໃຫ້​ມະ­ຫາ​ພາກ​ເລັ່ງ​ລັດ​ໃນ​ການ​ປະ­ຕິບັດ​ກົດ­ໝາຍ​ທີ່​ກ່ຽວ­ຂ້ອງ​ກັບ​ການ​ພັດ­ທະນາ​ເສດ­ຖະ­ກິດŒສັງຄົມ​ໃຫ້​ເຄັ່ງ​ຄັດ ແລະ ເປັນ​ເອ­ກະ​ພາບ​ກັນ​ລະ­ຫວ່າງ​ສູນ​ກາງ ແລະ ທ້ອງ­ຖິ່ນ.

ເພີ່ມ​ທະ­ວີ​ການ​ສົ່ງ­ເສີມ​ການ​ປົກ​ປ້ອງ​ຜູ້​ປະ­ກອບ​ການ​ພາຍໃນ​ໃຫ້​ສາ­ມາດ​ແຂ່ງ­ຂັນ​ໄດ້​ໃນ​ດ້ານ​ນະ­ໂຍ­ບາຍເພາະ­ວ່າ​ອຸດສາ​ຫະ​ກຳ​ປຸງ​ແຕ່ງ​ຢູ່ ສປປ ລາວ ແມ່ນ​ທຸ­ລະ​ກິດ​ຂະ­ໜາດ​ນ້ອຍ ແລະ ກາງ ຊຶ່ງ​ຕົ້ນ​ທຶນ​ການ​ຜະ­ລິດ​ສູງ​ຄ່າ​ຂົນ­ສົ່ງ ແລະ ອື່ນໆ; ໃຫ້​ພິ­ຈາ­ລະ­ນາ​ການ​ສະ­ຫງວນ​ບາງ​ອຸດ­ສາ­ຫະ­ກຳ​ທີ່​ປະ­ກອບ​ການ​ພາຍ​ໃນ​ມີ​ຄວາມ​ສາ­ມາດ​ຮອງ​ຮັບ​ໄວ້​ໃຫ້​ຄົນ​ລາວ​ເຊັ່ນ: ຫັດ­ຖະ­ກຳŒອຸດ­ສາ­ຫະ­ກຳ​ຂະ­ໜາດ​ນ້ອຍ​ທີ່​ນຳ​ໃຊ້​ຊັບ​ພະ­ຍາກອນ​ພາຍ​ໃນ; ມະ­ຫາ​ພາກ​ຄວນ​ມີ​ມາດ​ຕະ­ການ ແລະ ຂໍ້​ບັງຄັບ​ເພື່ອ​ສ້າງ​ຄ່າ​ນິ­ຍົມ​ການ​ນຳ​ໃຊ້​ຜົນ​ຜະ­ລິດ​ການ​ບໍ­ລິ­ການຕ່າງໆ​ພາຍ​ໃນ​ປະ­ເທດສ້າງ​ແນວ​ຄິດ​ຮັກ​ຊາດ​ຮັກ​ບ້ານ​ເກີດເມືອງ​ນອນ ແລະ ມີ​ຄວາມ​ພູມ­ໃຈ​ຕໍ່​ຜະ­ລິດ​ຕະ​ພັນ​ທີ່​ເປັນ​ຄົນລາວ​ຂອງ​ເຮົາ​ເອງ.

ການ​ພິ­ຈາ­ລະ­ນາ​ອະ­ນຸ­ມັດ​ໂຄງ­ການ​ຂອງ​ລັດ­ຖະ­ບານ ຫຼື ຂອງ​ອົງ­ການ​ສາ­ກົນ​ຊ່ວຍ­ເຫຼືອ​ຄວນ​ນຳ​ໃຊ້​ວັດ​ສະ​ດຸ​ກໍ່­ສ້າງ ແລະ ນັກ​ຊ່ຽວ­ຊານ​ພາຍ​ໃນ​ປະ­ເທດ​ເປັນ​ບຸ­ລິ­ມະ­ສິດ​ເບື້ອງ​ຕົ້ນກ່ອນ ຈິ່ງ​ພິ­ຈາ­ລະ­ນາ​ການ​ນຳ​ໃຊ້​ຊັບ­ພະ­ຍາ­ກອນ​ຈາກ​ພາຍນອກ; ໃຫ້​ລັດ­ຖະ­ບານ​ທົບ​ທວນ­ຄືນ​ການ​ຈັດ​ສັນ​ຊັບ​ພະ­ຍາກອນ​ທຳ​ມະ​ຊາດ​ທີ່​ເປັນ​ພະ­ລັງ­ງານ​ເຊື້ອ​ໄຟ​ໃຫ້​ແກ່​ອຸດ­ສາ­ຫະ­ກຳ​ປຸງ​ແຕ່ງ ເພື່ອ​ນຳ​ໃຊ້​ເຂົ້າ​ໃນ​ການ​ຜະ­ລິດ​ເຊັ່ນ: ໂຮງ­ງານ​ຊີມັງ, ໂຮງ­ງານ​ປຸງ​ແຕ່ງ​ອື່ນໆທີ່​ມີ​ຄວາມ​ຕ້ອງ­ການ​ນຳ​ໃຊ້​ເພີ່ມຂຶ້ນ​ແຕ່​ລະ​ປີ ແລະ ທົບ​ທວນ­ຄືນ​ການ​ປະ­ຕິ­ບັດ​ກົດ­ໝາຍ​ອາກອນ​ມູນ​ຄ່າ​ເພີ່ມ​ສຳ­ລັບ​ຜູ້​ສົ່ງ​ອອກ​ໃນ​ຂະ­ແໜງ​ອຸດ​ສາ​ຫະກຳ​ຕັດ­ຫຍິບ​ທີ່​ຍັງ​ມີ​ບັນ­ຫາ​ຢູ່, ກວດ­ກາ​ຄືນ​ການ​ນຳ​ໃຊ້​ກົນ​ໄກ ແລະ ລະ­ບຽບ​ການ​ຄຸ້ມ​ຄອງ​ດ້ານ​ການ​ບັນ­ຊີ​ຂອງ​ບັນ­ດາ​ຜູ້​ປະກອບ​ການ​ທີ່​ຍັງ​ບໍ່​ທັນ​ເຂັ້ມ​ງວດ​ບໍ່​ທັນ​ເຂົ້າ​ລະ­ບົບ ແລະ ເຮັດໃຫ້­ການ​ໄລ່​ລຽງ​ການ​ມອບ​ພັນ­ທະ​ໃຫ້​ລັດ​ມີ​ການ​ຮົ່ວ​ໄຫຼ; ທົບ​ທວນ­ຄືນ​ການ​ກຳ­ນົດ​ລາ­ຄາ​ຕ່ຳ​ສຸດ ເພື່ອ​ເປັນ​ບ່ອນ​ອີງ​ໃນການ​ແຈ້ງ​ພາ­ສີ​ນຳ​ເຂົ້າ​ພາ­ຫະ­ນະປະ­ຈຸ​ບັນ​ຍັງ​ນຳ​ໃຊ້​ແຈ້ງການ​ຂອງ​ກະ­ຊວງ​ການ​ເງິນສະ­ບັບ​ເລກ​ທີ 2320/ກງ ລົງ​ວັນທີ 22 ທັນ­ວາ 2003 ຢູ່ ຊຶ່ງ​ເຫັນ​ວ່າ​ບໍ່​ສອດ­ຄ່ອງ​ກັບ​ເງື່ອນໄຂ ແລະ ສະ­ພາບ​ຄວາມ​ເປັນ​ຈິງ​ໃນ​ປະ­ຈຸ​ບັນ.

ທ່ານ​ຕາງ­ໜ້າ​ອຸດ­ສາ­ຫະ­ກຳ​ປຸງ​ແຕ່ງ​ຍັງ​ສະ­ເໜີ​ຕື່ມ​ວ່າ: ໃຫ້​ລັດ­ຖະ­ບານ​ພິ­ຈາ­ລະ­ນາ​ການ​ອະ­ນຸ­ຍາດ​ນຳ​ເຂົ້າ​ພາ­ຫະ­ນະ​ທີ່​ຍົກ­ເວັ້ນ​ພາ­ສີ 100% ເສຍ​ພາ­ສີ 1% ລົດ​ໃຊ້​ທະ­ບຽນ​ຊົ່ວຄາວ​ລົດ​ຮັບ​ໃຊ້​ໂຄງ­ການ​ຕ່າງໆ​ຍັງ​ບໍ່​ທັນ​ຮັດ­ກຸມ​ເຮັດ​ໃຫ້​ມີ​ຜົນກະ­ທົບ​ໂດຍ​ກົງ​ຕໍ່​ຜູ້​ປະ­ກອບ​ການ​ພາຍ​ໃນ; ກວດ­ກາ​ຄືນ​ການອະ­ນຸ­ມັດ​ສົ່ງ​ອອກ​ວັດ­ຖຸ​ດິບ​ໄມ້​ທີ່​ບໍ່​ຖືກ­ຕ້ອງ​ໂດຍ​ໄວ ເນື່ອງຈາ​ກວ່າ​ມີ​ຜົນ​ກະ­ທົບ​ຕໍ່​ຜູ້​ຜະ­ລິດ​ພາຍ​ໃນ​ບໍ່​ດັ່ງ­ນັ້ນ​ໃນ​ອະ­ນາ­ຄົດໃກ້ໆ​ນີ້​ຈະ​ໄດ້​ນຳ​ເຂົ້າ​ວັດ­ຖຸ​ດິບ​ໄມ້​ຈາກ​ຕ່າງ­ປະ­ເທດ​ມາ​ຜະ­ລິດ ແລະ ປຸງ​ແຕ່ງພ້ອມ​ກັນ​ນີ້ຂໍ​ໃຫ້​ລັດ­ຖະບານ​ກວດ­ກາ​ຄືນ​ການຈັດ​ສັນ​ຊັບ­ພະ­ຍາ­ກອນ​ໄມ້​ທຳ​ມະ​ຊາດ ແລະ ໄມ້​ປູກ​ໃຫ້​ຮັດ­ກຸມ ເພື່ອ​ສະ­ໜອງ​ແກ່​ຜູ້​ຜະ­ລິດ​ພາຍ​ໃນ​ເຊັ່ນ: ໂຮງງານ​ເຟີ​ນິ​ເຈີຖ່ານ​ຂາວ ແລະ ແກະ­ສະ­ຫຼັກສຳ­ລັບ​ການ​ສົ່ງ​ອອກ.

ທັງ​ນີ້ ລັດ­ຖະ­ບານ​ຄວນ​ພິ­ຈາ­ລະ­ນາ​ການ­ຈັດ­ຕັ້ງ​ປະ­ຕິ­ບັດກົດ­ໝາຍ​ແຮງ​ງານ, ກົດ­ໝາຍ​ການ​ສືກ​ສາ ແລະ ລະ­ບຽບ​ການທີ່​ກ່ຽວຂ້ອງ​ກັບ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ​ໃຫ້ສອດ­ຄ່ອງ​ກັບ​ຄວາມ​ຕ້ອງ­ການ​ຂອງ​ຕະ­ຫຼາດ​ແຮງ​ງານ​ພາຍໃນ ແລະ ຕ່າງ­ປະ­ເທດ​ທີ່​ມີ​ແນວ​ໂນ້ມ​ເພີ່ມ​ຂຶ້ນ​ແຕ່​ລະ​ປີ ແລະ ເພີ່ມ​ທະ­ວີ​ການ​ນຳ​ໃຊ້​ລະ­ບົບ​ມາດ­ຕະ­ຖານ​ແຫ່ງ​ຊາດ, ລະ­ບົບການ​ຄຸ້ມ​ຄອງ​ລິ​ຂະ​ສິດ​ທາງ​ປັນ­ຍາ, ລະ­ບົບ​ຄວບ​ຄຸມ​ຄຸນ​ນະພາບ​ຕາມ​ມາດ­ຕະ­ຖານ​ສາ­ກົນ​ໃຫ້​ເຂົ້າ​ລະ­ບົບ ເນື່ອງ​ຈາ​ກວ່າບັນ­ດາ​ສິນ­ຄ້າ​ທີ່​ນຳ​ເຂົ້າ​ມາ​ຈາກ​ຕ່າງ­ປະ­ເທດອາດ​ຈະ​ມີ​ຜົນກະ­ທົບ​ທາງ​ລົບ​ຕໍ່​ຜູ້​ຊົມ­ໃຊ້ ແລະ ອາດ​ຈະ​ລະ­ເມີດ​ລິ​ຂະ​ສິດຂອງ​ຜູ້​ປະ­ກອບ​ການ​ພາຍ​ໃນ.

ແນວ­ໃດ​ກໍ​ດີບັນ­ຫາ​ທີ່​ສະ­ເໜີ​ທັງ​ໝົດ​ນັ້ນ​ບາງ​ປະ­ເດັນ​ກໍ​ໄດ້ຮັບ​ຄຳ​ຊີ້​ແຈ້ງ​ຈາກ​ບັນ­ດາ​ລັດ­ຖະ­ມົນ­ຕີ​ທີ່​ກ່ຽວ­ຂ້ອງ​ເຖິງ​ແນວທາງ​ໃນ​ການ​ແກ້​ໄຂ ແລະ ປັບ­ປຸງ ຊຶ່ງ​ຝ່າຍ​ລັດ​ຢືນ­ຢັນ​ແມ່ນ​ຈະສືບ­ຕໍ່​ພັດ­ທະ­ນາ ແລະ ສ້າງ​ສິ່ງ​ເອື້ອ​ອຳ­ນວຍ​ໃຫ້​ແກ່​ບັນ­ດາ​ຫົວໜ່ວຍ​ທຸ­ລະ​ກິດ ເພື່ອ​ພ້ອມ​ກັນ​ເສີມ​ຂະ­ຫຍາຍ ແລະ ສ້າງ​ໃຫ້​ທຸລະ​ກິດ​ພາຍ​ໃນ​ມີ​ຄວາມ​ເຂັ້ມ­ແຂງ​ສາ­ມາດ​ແຂ່ງ­ຂັນ​ໄດ້​ກັບພາກ​ພື້ນ ແລະ ໃນ​ໂລກ.

ທີ່ມາ http://www.sedthakid.la/khao/18638.spc

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...