spot_img
Homeຂ່າວທ້ອງຖິ່ນທະນາຄານລາວ-ຫວຽດນາມຮ່ວມກັນແລກປ່ຽນທາງວັດທະນະທຳ ແລະ ກິລາ

ທະນາຄານລາວ-ຫວຽດນາມຮ່ວມກັນແລກປ່ຽນທາງວັດທະນະທຳ ແລະ ກິລາ

Published on

00

ທະນາຄານແຫ່ງ ສປປ ລາວ ແລະ ທະນາຄານແຫ່ງລັດ ສສ ຫວຽດນາມ ໄດ້ຮ່ວມກັນແລກປ່ຽນທາງດ້ານ
ວັດທະນະທຳ ແລະ ກິລາ   ໂດຍຈັດໃຫ້ມີການແຂ່ງຂັນກິລາບານເຕະ,ປິ່ງປ່ອງ ແລະ ດອກປີກໄກ່,ເຊິ່ງປີນີ້ເປັນປີທີ່ສາມ ໂດ
ຍໄດ້ມາຈັດຢູ່ແຂວງຈຳປາສັກ.

ວັນທີ 21 ພຶດສະພາຜ່ານມານີ້,ທີ່ສະໜາມກິລາຫຼັກ 2 ແຂວງຈຳປາສັກ ໄດ້ຈັດໃຫ້ມີການແຂ່ງຂັນກິລາມິດຕະພາບ ລະຫວ່າງທະນາຄານແຫ່ງ ສປປ ລາວ ເຊິ່ງນຳໂດຍທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ ສປປ ລາວ
ພ້ອມຄະນະນັກກິລາ ແລະ ທະນາຄານແຫ່ງລັດ ສສ ຫວຽດນາມ ນຳໂດຍທ່ານ ດ້າວມິງຕຸ ຮອງຜູ້ວ່າການທະນາຄານແຫ່ງລັດ ສສ ຫວຽດນາມພ້ອມຄະນະນັກກິລາ.

ທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ ສປປ ລາວ ໃຫ້ສຳພາດວ່າ: ໂດຍປະຕິບັດຕາມບົດບັນທຶກການຮ່ວມມືກັນ ຂອງສອງທະນາຄານ ພວກເຮົາທີ່ໄດ້ມີການພົວພັນກັນມາຫຼາຍປີແລ້ວ ໂດຍໄດ້ມີການພົວພັນຮ່ວມມືກັນໃນຫຼາຍໆດ້ານເປັນຕົ້ນ ດ້ານວິຊາສະເພາະ,ດ້ານວັດທະນະທຳ-ສັງຄົມ ແລະ ດ້ານກິລາສິລະປະ, ເຊິ່ງໃນແຕ່ລະປີໄດ້ມີການພົບປະ ແລກປ່ຽນຢ້ຽມຢາມເຊິ່ງກັນ ແລະ ກັນ ໂດຍຜັດປ່ຽນກັນເປັນເຈົ້າພາບ,ສຳລັບໃນປີນີ້ແມ່ນເປັນປີທີສາມ ແລະ ທະນາຄານແຫ່ງ ສປປ ລາວ
ພວກເຮົາໄດ້ເປັນເຈົ້າພາບ ແລະ ໄດ້ເລືອກເອົາແຂວງຈຳປາສັກ ເຊິ່ງເປັນແຂວງທີ່ສວຍສົດງົດງາມ ແລະ
ມີຄວາມພ້ອມໃນຫຼາຍໆດ້ານ ເປັນສະຖານທີ່ຈັດງານໃນການແລກປ່ຽນຄັ້ງນີ້, ເຊິ່ງການຈັດງານຄັ້ງນີ້ ນອກຈາກຈະເປັນການແລກປ່ຽນທາງດ້ານວັດທະນະທຳ,ສິລະປະ ແລະ ກິລາ ຮ່ວມກັນຂອງສອງທະນາຄານແລ້ວ ຍັງເປັນການໂຄສະນາເຜີຍແຜ່ ສິລະປະວັດທະນະທຳອັນດີງາມຂອງລາວ ເວົ້າລວມ ເວົ້າສະເພາະກໍ່ແມ່ນແຂວງຈຳປາສັກ.

ໃນການແລກປ່ຽນຄັ້ງນີ້ແມ່ນໄດ້ກຳນົດເອົາ 3 ປະເພດກິລາຄື:ກິລາບານເຕະ,ປິ່ງປ່ອງ ແລະ ດອກປີກໄກ່, ນອກຈາກມີການແຂ່ງຂັນກິລາແລ້ວ ຍັງໄດ້ນຳພາບັນດານັກກິລາ ໄປທ່ຽວຊົມສະຖານທີ່ຕ່າງໆທາງດ້ານວັດທະນະທຳ ,ປະຫວັດສາດ, ທຳມະຊາດ ແລະ ພື້ນຖານການຜະລິດຂອງແຂວງຈຳປາສັກຕື່ມອີກ.

(ຂ່າວ-ພາບ:ຄຳເປ່ມ)

ທີ່ມາ www.facebook.com/champamai.newspaper

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...