spot_img
Homeຂ່າວພາຍ​ໃນຈັບຄາດຕະກອນໃຈໂຫດ ຂ້າຍິງສາວ ອາຍຸ 15 ປີ ທີ່ຊຽງຂວາງ

ຈັບຄາດຕະກອນໃຈໂຫດ ຂ້າຍິງສາວ ອາຍຸ 15 ປີ ທີ່ຊຽງຂວາງ

Published on

1497576_692650500766625_1221448466_n

ຄະດີຄາດຕະກຳນາງ ປ່າໃຈ ວື່ ອາຍຸ 15 ປີ, ນັກຮຽນຢູ່ບ້ານ ຍວນ ເມືອງແປກ ແຂວງຊຽງ ຂວາງ ທີ່ເປັນຂ່າວຮືຮາໃນອິນເຕີ ເນັດ ( ເຟດບຸກ ) ໃນຕົ້ນເດືອນ ພະຈິກທີ່ຜ່ານມາ, ເຈົ້າໜ້າທີ່ພະ ແນກຕຳຫຼວດສືບສວນ-ສອບ ສວນ ກອງບັນຊາການ ປກສ ແຂວງຊຽງຂວາງ ສາມາດຈັບ ຄາດຕະກອນຂອງຄະດີລາຍນີ້ ໄດ້ແລ້ວ; ຊື່ທ້າວ ຢົວຊົງ ອາຍຸ 15 ປີ, ອາຊີບນັກຮຽນ ຢູ່ບ້ານ ໜອງຜື ເມືອງຄູນ ແຂວງຊຽງ ຂວາງ ໃນກາງເດືອນພະຈິກ. ປັດ ຈຸບັນ, ເຈົ້າໜ້າທີ່ໄດ້ປະກອບສຳ ນວນຄະດີສົ່ງໃຫ້ໄອຍະການປະ ຊາຊົນ ແຂວງຊຽງຂວາງ ສັ່ງຟ້ອງ ສານປະຊາຊົນ ຕັດສິນລົງໂທດ ຕາມລະບຽບກົດໝາຍ. ເຈົ້າໜ້າທີ່ພະແນກສືບສວນ- ສອບສວນ ປກສ ແຂວງຊຽງ ຂວາງ ໃຫ້ຮູ້ວ່າ: ພາຍຫຼັງທີ່ໄດ້ຮັບ ແຈ້ງຄວາມຈາກປະຊາຊົນບ້ານ ຍວນ ເມືອງແປກ ແຂວງຊຽງ ຂວາງ ໃນວັນທີ 4 ພະຈິກ 2013 ວ່າ: ໄດ້ມີຍິງສາວຖືກຄາດຕະກຳ ຢູ່ແຄມຫ້ວຍ ຕີນພູຫົວຊ້າງໃກ້ ກັບບ້ານຍວນ. ຜ່ານການຊັນນະ ສູດ ແລະ ເກັບກຳຂ້ໍມູນຢູ່ສະຖານ ທີ່ເກີດເຫດ, ພົບເຫັນຜູ້ຖືກເຄາະ ຮ້າຍຊື່ນາງ ປ່າໃຈວື່ ອາຍຸ 15 ປີ, ຖືກທຸບຕີທີ່ໜ້າຜາກ ແລະ ງ່ອນ ດ້ວຍຂອງແຂງ ໃນສະພາບນຸ່ງ ເຄື່ອງນັກຮຽນ. ຜ່ານການສືບສວນ- ສອບສວນ ແລະ ຂຶ້ນບັນຊີເປົ້າ ໝາຍຕິດຕາມ; ມາຮອດວັນທີ 12 ພະຈິກ 2013, ຈຶ່ງສາມາດ ຈັບຄາດຕະກອນໄດ້. ຄາດຕະກອນຄົນນີ້, ໄດ້ຮັບ ສາລະພາບວ່າ: ໄດ້ລົງມືຄາດຕະ ກຳນາງ ປ່າໃຈວື່ ແທ້; ກ່ອນໜ້າ ນີ້, ພວກກ່ຽວມີການພົວພັນກັນ ແບບບ່າວ-ສາວມາແຕ່ທ້າຍເດືອນ ກັນຍາ 2012. ໃນໄລຍະຜ່ານມາ, ພວກກ່ຽວໄດ້ນັດພົບກັນຢູ່ໂຮງ ຮຽນສີບຸນເຮືອງ ແລະ ລົມກັນ ທາງໂທລະສັບ. ນອກຈາກນັ້ນ, ຍັງໄດ້ເຄີຍຍ່າງໄປສົ່ງນາງ ປ່າໃຈ ວື່ ທີ່ບ້ານຍວນ ປະມານ 4-5 ຄັ້ງ; ພໍກັບມາເຮືອນ, ຜູ້ເປັນອ້າຍ ໄດ້ເວົ້າໃຫ້ວ່າ: ພໍ່-ແມ່ສົ່ງໄປຮຽນ ຕ້ອງຕັ້ງໃຈຮ່ຳຮຽນ ແລະ ອີກ ຢ່າງໜຶ່ງ, ນາງ ປ່າໃຈວື່ ກໍມີແຟນ ຫຼາຍຄົນ. ຫຼັງຈາກນັ້ນ, ຜູ້ກ່ຽວ ຈຶ່ງພະຍາຍາມຫ່າງເຫີນຈາກນາງ ປ່າໃຈວື່ ແລະ ຜູ້ກ່ຽວຍັງໄດ້ເວົ້າ ໃຫ້ນາງ ປ່າໃຈວື່ ວ່າ: ເຈົ້າມີແຟນ ຫຼາຍຄົນ, ເຮົາເຊົາເປັນແຟນກັນ ສາ. ຕົກມາຮອດວັນທີ 4 ພະຈິກ 2013, ເວລາປະມານ 12:00 ໂມງ ຫຼັງຈາກເລີກໂຮງຮຽນ, ທ້າວ ຢົວຊົ່ງ ໄດ້ກັບມາຮອດເຮືອນ ຂອງອ້າຍ ຢູ່ບ້ານໂພນງາມເໜືອ ແລະ ໃນມື້ນັ້ນ, ພວກກ່ຽວໄດ້ມີ ປາກສ່ຽງກັນ ແລະ ນາງ ປ່າໃຈວື່ ໄດ້ຖາມຜູ້ກ່ຽວວ່າ: ເປັນຫຍັງເຈົ້າ ຈຶ່ງເລີກເປັນແຟນກັບຂ້ອຍ? ຜູ້ ກ່ຽວຕອບວ່າ: ພໍ່-ແມ່, ອ້າຍ- ເອື້ອຍສົ່ງໄປຮຽນ ເພິ່ນຢາກໃຫ້ ຕັ້ງໃຈຮຽນ, ບໍ່ຢາກໃຫ້ລົມສາວ ຢ້ານຮຽນບໍ່ຈົບ. ນາງ ປ່າໃຈວື່ ເວົ້າວ່າ: ຖ້າຈະເລີກກັນແທ້ ຂໍ ໃຫ້ເຈົ້າໄປຫຼິ້ນນຳຂ້ອຍອີກເທື່ອ ໜຶ່ງໄດ້ບໍ່? ຈາກນັ້ນ, ທັງສອງກໍ ພາກັນມຸ່ງໜ້າໄປຫາປ່າແຄມຫ້ວຍ ແລ້ວພາກັນນັ່ງຫຼິ້ນຢູ່ໃນປ່າ, ມີ ການເວົ້າລົມກັນຫຼາຍເລື່ອງ. ຫຼັງ ຈາກນັ້ນ, ກໍໄດ້…! ໂດຍນາງບໍ່ ໄດ້ ຂັດໃຈ; ພາຍຫຼັງສຳເລັດແລ້ວ, ນາງ ປ່າໃຈວື່ ກໍຊວນໄປພູຫົວ ຊ້າງ, ຈົນຮອດເວລາ 16:00 ໂມງ, ພວກກ່ຽວກໍໄດ້…! ກັນ ເປັນເທື່ອທີ 2. ຈາກນັ້ນ, ໄດ້ ພ້ອມກັນຍ່າງລົງມາທາງຕັດໃໝ່; ເວລາຍ່າງລົງມາ, ໄດ້ມີຄົນໂທລະ ສັບຫານາງ ປ່າໃຈວື່ ແຕ່ຜູ້ກ່ຽວ ບໍ່ຍອມຮັບ. ພໍມາຮອດບ່ອນທີ່ ພວກກ່ຽວ…! ກັນທຳອິດ, ທ້າວ ຢົວຊົ່ງ ໄດ້ຄອບນາງ ປ່າໃຈວື່ ວ່າ: ຂ້ອຍຈະກັບເຮືອນແລ້ວ, ເຮົາແຍກ ທາງກັນເທາະ; ນາງ ປ່າໃຈວື່ ໄດ້ ມາຈັບເສື້ອເບື້ອງຫຼັງຂອງຜູ້ກ່ຽວ ພ້ອມທັງເວົ້າວ່າ: ເຈົ້າຕ້ອງເອົາ ຂ້ອຍເປັນເມຍ, ຜູ້ກ່ຽວໄດ້ຕອບ ວ່າ: ເອົາກໍໄດ້, ແຕ່ໃຫ້ຂ້ອຍສອບ ເສັງນັກຮຽນເກັ່ງແລ້ວສາກ່ອນ; ນາງ ປ່າໃຈວື່ ເວົ້າວ່າ: ຢ້ານເຈົ້າ ໜີ. ຜູ້ກ່ຽວເວົ້າວ່າ: ຂ້ອຍບໍ່ໜີ ດອກ, ບໍ່ເຊື່ອເອົາໂທລະສັບຂ້ອຍ ໄວ້ກໍໄດ້. ຫຼັງຈາກນັ້ນ, ຍິ່ງມີການ ຜິດຖຽງກັນ ແລະ ຜູ້ກ່ຽວໄດ້ ຄອບນາງວ່າ: ຂ້ອຍຈະກັບບ້ານ ແລ້ວ; ນາງ ປ່າໃຈວື່ ກໍຈັບຫຼັງ ເສື້ອເບື້ອງຊ້າຍ ແລ້ວດຶງຜູ້ກ່ຽວປິ່ນ ໜ້າກັບຄືນມາຫານາງ ແລະ ໄດ້ ໃຊ້ມືຕີໃບໜ້າຂອງຜູ້ກ່ຽວ 2-3 ບາດ. ຫຼັງຈາກນັ້ນ, ຜູ້ກ່ຽວ ຈຶ່ງ ໃຊ້ມືຊຸກໜ້າເອິກຂອງນາງ ປ່າໃຈ ວື່ ຈົນລົ້ມລົງ ແລ້ວໃຊ້ມືບີບຄໍ ນາງ, ແຕ່ ນາງ ປ່າໃຈວື່ ໄດ້ໃຊ້ ຕີນຖີບໜ້າຜູ້ກ່ຽວອອກ ແລ້ວ ຕ່າງຄົນຕ່າງກໍກິ້ງລົງໂນນພູ; ນາງ ປ່າໃຈວື່ ໄດ້ລຸກຂຶ້ນກ່ອນ ແລ້ວ ແລ່ນລົງໄປຫ້ວຍນ້ຳ ແລະ ຈັບ ເອົາກ້ອນຫີນ; ຜູ້ກ່ຽວໄດ້ແລ່ນ ຕາມຫຼັງໄປ, ນາງ ປ່າໃຈວື່ ຈະ ເອົາກ້ອນຫີນຕີໃສ່ຫົວຜູ້ກ່ຽວ, ແຕ່ຜູ້ກ່ຽວຈັບແຂນໄດ້ ແລ້ວຊຸກ ນາງ ປ່າໃຈວື່ ແນບໃສ່ແຄບ ຫ້ວຍນ້ຳ, ຜູ້ກ່ຽວໄດ້ຈັບເອົາກ້ອນ ຫີນຕີໃສ່ໜ້າຜາກຂອງນາງ ປ່າ ໃຈວື່ 2-3 ບາດ; ນາງ ປ່າໃຈວື່ ໝົດສະຕິ, ລົ້ມນອນຂວ້ຳລົງ ບວກນ້ຳ ຜູ້ກ່ຽວກໍຖິ້ມກ້ອນຫີນ ນ້ອຍ, ແນມເຫັນກ້ອນຫີນໃຫຍ່ ແລ້ວກໍຈັບເອົາກ້ອນຫີນມາຕີໃສ່ ງ່ອນດ້ານຫຼັງນາງ ປ່າໃຈວື່ ທີ່ ນອນໝົດສະຕິຢູ່ບວກນ້ຳຕື່ມອີກ 2-3 ບາດ. ຫຼັງຈາກນັ້ນ, ກໍໂຍນ ກ້ອນຫີນດັ່ງກ່າວໃສ່ນາງ ປ່າໃຈ ວື່ ແລ້ວກໍກັບມາຊອກເອົາໂທລະ ສັບມືຖືຂອງຕົນເອງທີ່ນາງ ປ່າໃຈ ວື່ ໄດ້ໂຍນຖິ້ນຢູ່ບໍລິເວນທີ່ຕໍ່ສູ້ ກັນເບື້ອງຕົ້ນ; ເມື່ອໄດ້ໂທລະສັບ ແລ້ວ, ກໍຍ່າງໄປຈັບເອົາຖົງປຶ້ມ ແລະ ຍ່າງກັບເຮືອນຢູ່ບ້ານໂພນ ງາມເໜືອ. ທີ່ມາ: ໜັງສືພີມຄວາມສະຫງົບ ວັນທີ 20 ທັນວາ 2013

ຂໍ້ມູນຈາກ:  ໂທລະໂຄ່ງ THOLAKHONG

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...