spot_img
HomePicpostໂຮງຮຽນວິຈິດສິນຈັດງານນິທັດສະການວາງສະແດງຮູບແຕ້ມ

ໂຮງຮຽນວິຈິດສິນຈັດງານນິທັດສະການວາງສະແດງຮູບແຕ້ມ

Published on

ໂຮງຮຽນວິຈິດສິນຊັ້ນກາງ ແຂວງຈຳປາສັກ ຈັດງານນິທັດສະການວາງສະແດງຮູບແຕ້ມທີ່ສູນການຄ້າແຟຣນຊິບມໍ ເມືອງປາກເຊ ແນໃສ່ເພື່ອສົ່ງເສີມສີລະປະພາບແຕ້ມຈາກການປະດິດຄິດແຕ່ງສີໄມ້ລາຍມືທີ່ສະທ້ອນໃຫ້ເຫັນເຖິງວິຖີການດຳລົງຊີວິດຂອງປະຊາຊົນລາວບັນດາເຜົ່າ ທີ່ເປັນຜົນງານມາຈາກບັນດາເຫຼົ່າຄູເມືອາຈານ ແລະ ນັກສຶກສາຂອງສະຖາບັນດັ່ງກ່າວ ໄດ້ອອກສູ່ສາຍຕາສັງຄົມໃຫ້ກວ້າງຂວາງຫຼາຍຂຶ້ນກວ່າເກົ່າ.

ທ່ານ ໄກສອນ ອະລຸນຍະເສນ ອຳນວຍການ ໂຮງຮຽນວິຈິດສິນຊັ້ນກາງແຂວງຈຳປາສັກ ເຊິ່ງຂຶ້ນກັບພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ ໃຫ້ຮູ້ວ່າ: ການຈັດງານນິທັດສະການວາງສະແດງຮູບພາບຄັ້ງນີ້ມີຮູບແຕ້ມຂະໜາດນ້ອຍໃຫຍ່ຫຼາຍປະເພດຈຳນວນ 50 ແຜ່ນມາວາງສະແດງ ເນື່ອງໃນໂອກາດການຈັດງານວາງສະແດງສິນຄ້າຂອງສູນການຄ້າແຟຣນຊິບມໍ. ຈຸດປະສົງກໍ່ເພື່ອໂຄສະນາປະຊາສຳພັນໃຫ້ແກ່ສັງຄົມຮັບຮູ້,ໃຫ້ຄວາມສົນໃຈແກ່ຜະລິດຕະພັນທີ່ເປັນສີລະປະຮູບແຕ້ມຂອງໂຮງຮຽນພວກເຮົາ.

ຖ້າຫາກວ່າທ່ານໃດສົນໃຈກໍ່ສາມາດເຂົ້າເບິ່ງເຂົ້າຊົມ ແລະ ເລືອກຊື້ໄດ້ທີ່ສູນການຄ້າແຟຣນຊິບມໍຊັ້ນ3 ຕັ້ງຢູ່ຫຼັກກິໂລແມັດ2 ເມືອງປາກເຊ ແຂວງຈຳປາສັກ ສ່ວນລາຄາເລີ່ມຕົ້ນທີ່ 200.000-800.000 ກີບ ຈັດວາງສະແດງເລີ່ມແຕ່ເວລາ 9:00ໂມງເຊົ້າ – 19:00ໂມງແລງ ແຕ່ວັນທີ 1-30 ພະຈິກ 2016. ພ້ອມນີ້ໃນທຸກໆວັນພະຫັດ ແລະ ວັນສຸກ ທາງຄູອາຈານຍັງໄດ້ຈັດສົ່ງນັກສຶກສາມາທົດສອບສີມືການແຕ້ມຕົວຈິງກັບທີ່ ເພື່ອໃຫ້ຜູ້ເຂົ້າເບິ່ງເຂົ້າຊົມສາມາດຮຽນຮູ້ ແລະ ສຳຜັດກັບບັນຍາກາດການແຕ້ມໃຫ້ເຫັນຕົວຈິງກັບທີ່ອີກດ້ວຍ

ທ່ານ ໄກສອນ ອະລຸນຍະເສນ ກ່າວຝາກຕອນທ້າຍຕື່ມອີກວ່າ: ເພື່ອອະນຸລັກຮັກສາສີລະການແຕ້ມ,ການປັ້ນ,ການຄວັດແກະສະຫຼັກໄດ້ຍືນຍົງນັ້ນ ແມ່ນຢາກຂໍຮຽກຮ້ອງມາຍັງການນຳ ແລະ ທຸກພາກສ່ວນສັງຄົມ ຈົ່ງໃຫ້ການອຸປະຖຳຄ້ຳຊູ,ຊ່ວຍສະໜັບສະໜູນໂຄສະນາສົ່ງເສີມສີໄມ້ລາຍມືສີລະປະທີ່ເປັນເອກະລັກຂອງຄົນລາວເຮົາ ເພື່ອສ້າງໃຫ້ຜະລິດຕະພັນດັ່ງກ່າວກາຍເປັນສິນຄ້າ ແລະ ຫາລ້ຽງຊີບໄດ້ ທັງເປັນການອະນຸລັກປົກປັກຮັກສາສີລະປະດ້ານວິຈິດຕະກຳລາວບໍ່ໃຫ້ສູນຫາຍຫຼືສິລະປະຊາດອື່ນເຂົ້າແຊກແຊງ.

ນອກຈາກວາງສະແດງຮູບແຕ້ມທີ່ສູນການຄ້າແຟຣນຊິບມໍແລ້ວ ທາງໂຮງຮຽນພວກເຮົາຍັງມີຜະລິດຕະພັນຮູບປັ້ນ,ຄວັດ,ແກະສະຫຼັກປະເພດຕ່າງໆທີ່ເໝາະສົມໃຫ້ແກ່ການຊື້ເປັນຂອງຕ້ອນຂອງຝາກໃຫ້ແກ່ບຸກຄົນຫຼືການຈັດຕັ້ງເນື່ອງໃນໂອກາດສຳຄັນຕ່າງໆເຊັ່ນ:ຂອງຂວັນປີໃໝ່,ງານຂຶ້ນເຮືອນໃໝ່ ຫຼື ມອບເປັນຂອງທີ່ລະນຶກລະຫວ່າງການພົບປະຢ້ຽມຢາມຂອງຄະນະຜູ້ແທນພາຍໃນຫຼືຕ່າງປະເທດກໍ່ໄດ້ ເຊິ່ງເໝາະສົມໃຫ້ແກ່ການຕົກແຕ່ງພາຍໃນຕາໂຮງແຮມ,ເຮືອນພັກ,ຮ້ານອາຫານ,ຕົກແຕ່ງພາຍໃນເຮືອນໃຫ້ມີຄວາມສວຍງາມ. ພິເສດທາງໂຮງຮຽນພວກເຮົາຍັງສາມາດຄວັດ,ແຕ້ມ,ແກະສະຫຼັກຕາມຄວາມຕ້ອງການຂອງລູກຄ້າໄດ້.

ຖ້າທ່ານໃດສົນໃຈກໍ່ສາມາດໂທໄປພົວພັນໄດ້ທີ່ໝາຍເລກໂທລະສັບ: 020 22001590.

ຕິດຕາມPictpost ຮູບພາບລາວໂພສຕ໌ ກົດໄລຄ໌ເລີຍ!

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...