spot_img
Homeຂ່າວຕ່າງປະເທດແມ່ຊີຍອມແລກຊີວິດເພື່ອປົກປ້ອງປະຊາທິປະໄຕ

ແມ່ຊີຍອມແລກຊີວິດເພື່ອປົກປ້ອງປະຊາທິປະໄຕ

Published on

ພາບຂອງແ່ມ່ຊີທີ່ຄຸກເຂົ່າຂໍຮ້ອງເຈົ້າໜ້າທີ່ຕຳຫຼວດມຽນມາບໍ່ໃຫ້ໃຊ້ຄວາມຮຸນແຮງຕໍ່ກຸ່ມຜູ້ປະທ້ວງກຳລັງຖືກເຜີຍແພ່ໄປຢ່າງກວ້າງໃນໂລກອອນລາຍ.

ແມ່ນຊີຄາທໍລິກທ່ານນີ້ມີຊື່ວ່າ ຊິສເຕີແອນ ໂຣສ ນູ ຕອງ ອາຍຸ 45ປີ ອາໄສຢູ່ໃນເມືອງມະຍີຈີນາ ເມືອງຫຼວງຂຂອງລັດຄະສິ່ນ ປະເທດມຽນມາ ທ່ານກ່າວວ່າ “ເຖິງວ່າຂ້ອຍຈະເປັນແມ່ຊີຄາທໍລິກ ແຕ່ຂ້ອຍກໍ່ເປັນພົນລະເມືອງຂອງມຽນມາ ດັ່ງນັ້ນຂ້ອຍຈຶ່ງມີຄວາມຮູ້ສຶກເຊັ່ນດຽວກັບປະຊາຊົນມຽນມາທົ່ວປະເທດ ຂ້ອຍຄິດສະເໝີວ່າຈະຊ່ວຍຊາວມຽນມາໄດ້ແນວໃດ ຜູ້ຄົນຈາກທຸກສາຂາອາຊີບ, ສາດສະໜາ ແລະ ຊົນເຜົ່າຈຳເປັນຕ້ອງຮ່ວມມືກັນເພື່ອບັນລຸເປົ້າໝາຍປະຊາຕິປະໄຕ”.

ຈາກເຫດການຄັ້ງຫຼ້າສຸດນີ້, ຊິສເຕີແອນເປີດເຜີຍຕໍ່ສຳນັກຂ່າວ AFP ວ່າ “ຂ້ອຍຄຸກເຂົ່າລົງຂໍຮ້ອງໃຫ້ພວກເຂົາຢຸດຍິງ ແລະ ບໍ່ໃຊ້ຄວາມຮຸນແຮງຕໍ່ເດັກນ້ອຍ ແຕ່ໃຫ້ຍິງຂ້ອຍແທນຂ້ອຍບໍ່ຕ້ອງການເຫັນບັນຫາຫຍັງເກີດຂຶ້ນບ່ອນນີ້”.

ໃນຂະນະທີ່ມີການປະທ້ວງຮຽກຮ້ອງປະຊາທິປະໄຕກຳລັງດຳເນີນຕໍ່ໄປທ່າມກາງການປາບປາມຂອງເຈົ້າໜ້າທີ່ທີ່ທະວີຄວາມຮຸນແຮງຂຶ້ນເລື້ອຍໆ ໂດຍມີການໃຊ້ແກ໊ສນໍ້າຕາ ແລະ ລູກປືນ.

ເມື່ອເຈົ້າໜ້າທີ່ຕຳຫຼວດເລີ່ມປາບປາມກຸ່ມຜູ້ປະທ້ວງໃນເມືອງມະຍີຈີນາ ຊິສເຕີແອນ ແລະ ແມ່ຊີອີກ 2 ທ່ານໄດ້ອອກມາຂໍຮ້ອງໃຫ້ຕຳຫຼວດຖອຍໄປ.

ຕຳຫຼວດຢຸດການເຄື່ອນໄຫວບໍ່ດົນກ່ອນທີ່ຈະກັບມາກາດຍິງໃສ່ກຸ່ມຜູ້ປະທ້ວງອີກຄັ້ງ ແມ່ຊີໄດ້ກ່າວວ່າ “ເດັກນ້ອຍແຕກຕື່ນ ແລະ ຟ້າວພາກັນແລ່ນໜີ ຂ້ອຍເຮັດໄດ້ພຽງອະທິຖານຂໍໃຫ້ພະເຈົ້າຊ່ວຍຊີວິດພວກເຂົາ”.

ນີ້ບໍ່ແມ່ນຄັ້ງທຳອິດທີ່ຊິສເຕີແອນຍອມເສຍສະລະຊີວິດຂອງຊິສເຕີແອນເພື່ອແລກກັບປະຊາທິປະໄຕ ໂດຍກ່ອນໜ້ານີ້ເມື່ອວັນທີ 28 ກຸມພາ 2021 ທີ່ຜ່ານມາເວັບໄຊ ຄາທໍລິກນິວສ໌ ລາຍງານວ່າຊິສເຕີແອນຄຸກເຂົ່າຕໍ່ໜ້າເຈົ້າໜ້າທີ່ມຽນມາເພື່ອຂໍຮ້ອງບໍ່ໃຫ້ພວກເຂົາຍິງປະຊາຊົນດ້ວຍມືເປົ່າ.

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...