ໄລຍະນີ້ສາວໆຄົງໄດ້ຍິນຊື່ຂອງ”ແປ້ງດິນນ້ຳມັນ”ກັນຢູ່ເລື້ອຍໆໃຜໆກໍຕ້ອງເວົ້າເຖິງ ແທ້ທີ່ຈິງແລ້ວມັນແມ່ນຫຍັງ? ມື້ນີ້ລາວໂພສມີຄຳຕອບມາຕອບຂໍ້ສົງໄສໃຫ້ສາວໆກັນແລ້ວ ຊຶ່ງແປ້ງດິນນ້ຳມັນໃນທີ່ນີ້ແທ້ໆແລ້ວມັນກໍຄື”ແປ້ງພັບ” ນັ້ນເອງແຕ່ທັງນີ້ເປັນຫຍັງຫລາຍໆຄົນເຖິງເອີ້ນວ່າແປ້ງດິນນ້ຳມັນ ສຳລັບຄຳຕອບນີ້ກໍເພາະວ່າ ແປ້ງຕົວນີ້ຈະມີລັກສະນະພິເສດຢູ່ບ່ອນທີ່ເປັນແປ້ງເນື້ອນຸ່ມໆຍືດຫຍຸ່ນໄດ້ ຊຶ່ງເບິ່ງໄປແລ້ວກໍຈະຄ້າຍໆກັບດິນນ້ຳມັນ ແລະດ້ວຍເຫດຜົນນີ້ແຫລະຈຶ່ງເຮັດໃຫ້ຄົນໃນວົງການຄວາມງາມເອີ້ນຂານກັນວ່າ “ແປ້ງດິນນ້ຳມັນ” ນັ້ນເອງ
ໂດຍແປ້ງດິນນ້ຳມັນຕົວນີ້ ກຳລັງເປັນທີ່ນິຍົມໃນໝູ່ສາວໆເປັນຢ່າງຫລາຍ ເນື່ອງຈາກມີຄວາມແຕກຕ່າງຈາກແປ້ງພັຟທຳມະດາທົ່ວໄປທີ່ແຂງ ແຕ່ຕົວນີ້ກັບມີຄວາມນຽນນຸ່ມ ຊຶ່ງໃຊ້ແລ້ວຈະສາມາດຍືດຫຍຸ່ນກັບຜິວໜ້າໄດ້ດີ ນອກຈາກນີ້ຄຸນສົມບັດເດັ່ນຂອງແປ້ງດິນນ້ຳມັນທີ່ເຮັດໃຫ້ແຕກຕ່າງຈາກແປ້ງພັຟທຳມະດາທົ່ວໄປ ແປ້ງດິນນ້ຳມັນຈະສາມາດປົກປິດຮ່ອງຮອຍຕ່າງໆ ເທິງໃບໜ້າໄດ້ຢ່າງລຽບນຽນ ແລະຍັງຄວບຄຸມຄວາມມັນໄດ້ແບບຂັ້ນເທບ ເອີ້ນໄດ້ວ່າຕົບແປ້ງຕົວນີ້ຕົວດຽວກໍເອົາຢູ່ໂດຍທີ່ບໍ່ຕ້ອງໃຊ້ຮອງພື້ນເລີຍ ແຖມຍັງຈະຕິດໃບໜ້າທົນດົນຕະຫລອດທັງມື້ ເພາະສາມາດທົນເຫື່ອ,ທົນຄວາມຮ້ອນ ແລະຍັງກັນນ້ຳໄດ້ດີອີກດ້ວຍ ນີ້ແຫລະຈຶ່ງເປັນເຫດຜົນທີ່ວ່າເປັນຫຍັງສາວໆຈຶ່ງນິຍົມຫັນມາໃຊ້ແປ້ງດິນນ້ຳມັນກັນຢ່າງຫລວງຫລາຍໃນຕອນນີ້
ສາວໆກໍຄົງຫາຍສົງໄສເລື່ອງແປ້ງດິນນ້ຳມັນກັນແລ້ວແມ່ນບໍ່ ບອກເລີຍຄຸນສົມບັດຫລາຍຂະໜາດນີ້ ເຊື່ອວ່າສາວໆຫລາຍຄົນຄົງຈະຢາກລອງດ້ວຍຕົວເອງກັນແລ້ວ ຮີບໄປຫາແປ້ງດິນນ້ຳມາໃຊ້ເພື່ອໜ້ານຽນງາມແບບສາວເກົາຫລີກັນເລີຍດີກວ່າ