spot_img
Homeຂ່າວພາຍ​ໃນແກ້ໄຂບັນຫາການຂາຍເຂົ້າໃສ່ບາດໃຫ້ນັກທ່ອງທ່ຽວ

ແກ້ໄຂບັນຫາການຂາຍເຂົ້າໃສ່ບາດໃຫ້ນັກທ່ອງທ່ຽວ

Published on

ໃນວັນທີ 25 ກໍລະກົດ 2022 ຜ່ານມາ, ຢູ່ທີ່ຫ້ອງປະຊຸມຫ້ອງການທ່ອງທ່ຽວແຂວງຫຼວງພະບາງ ໄດ້ຈັດກອງປະຊຸມປຶກສາຫາລືກ່ຽວກັບການແກ້ໄຂບັນຫາການຂາຍເຂົ້າໃສ່ບາດໃຫ້ນັກທ່ອງທ່ຽວ, ໂດຍເປັນປະທານຂອງທ່ານວັນນະເດດ ພົງສຸດທິ ຫົວໜ້າຫ້ອງການບໍລິຫານພະແນກ ຖວທ, ມີຫົວໜ້າຫ້ອງການ ຖວທ ເມືອງຈອມເພັດ, ຮອງຫົວໜ້າຫ້ອງການ ຖວທ ນະຄອນຫຼວງພະບາງ, ບັນດາຫົວໜ້າຂະເເໜງການທີ່ກ່ຽວຂ້ອງ, ຕໍາຫຼວດທ່ອງທ່ຽວ, ປະທານກຸ່ມຜູ້ນຳທ່ຽວ, ອໍານາດການປົກຄອງບ້ານທີ່ກ່ຽວຂ້ອງພາຍໃນເທດສະບານນະຄອນ ຫຼວງພະບາງ ຕະຫຼອດຮອດພະນັກງານວິຊາການຈາກຂະເເໜງຄຸ້ມຄອງການທ່ອງທ່ຽວເຂົ້າຮ່ວມ.

ກອງປະຊຸມໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານຄຸ້ມຄອງການຂາຍເຂົ້າໃສ່ບາດໃຫ້ນັກທ່ອງທ່ຽວ ຂອງຫ້ອງການ ຖວທ ນະຄອນ ຫຼວງພະບາງ ແລະຫ້ອງການ ຖວທ ເມືອງຈອມເພັດ, ຈາກນັ້ນບັນດາທ່ານຜູ້ເຂົ້າຮ່ວມກໍໄດ້ພ້ອມກັນມີຄວາມຄິດຄວາມເຫັນແລກປ່ຽນກັນຫຼາຍບັນຫາ, ເພື່ອແນ່ໃສ່ຊອກຫາຊ່ອງທາງແກ້ໄຂບັນຫາຫາງສຽງສັງຄົມກໍຄືປະກົດການຫຍໍ້ທໍ້ກ່ຽວກັບຄວາມບໍ່ເປັນລະບຽບຮຽບຮ້ອຍໃນການຂາຍເຂົ້າໃສ່ບາດ ໃຫ້ນັກທ່ອງທ່ຽວໃຫ້ໝົດໄປ; ເຊິ່ງໄດ້ມີຄວາມເປັນເອກະພາບກັນ, ສະເໜີໃຫ້ຫ້ອງການ ຖວທ ນະຄອນຫຼວງພະບາງສືບຕໍ່ເກັບກຳ ແລະສະໜອງຂໍ້ມູນຈໍານວນຜູ້ຂາຍເຂົ້າທັງໝົດ, ຈໍານວນທີ່ໄດ້ອອກບັດອະນຸຍາດຂາຍເຂົ້າ, ຈໍານວນທີ່ຍັງບໍ່ໄດ້ອອກບັດອະນຸຍາດຂາຍເຂົ້າ, ປະກອບມີຈັກໜ່ວຍ, ຈໍານວນເດັກນ້ອຍທີ່ມາເຄື່ອນໄຫວເກັບເຂົ້າໃສ່ບາດ, ມາຈາກບ້ານໃດ, ເພື່ອເປັນຂໍ້ມູນໃນການວາງມາດຕະການແກ້ໄຂໃນໄລຍະຕໍ່ໄປ,

ກອງປະຊຸມເຫັນດີໃຫ້ຜູ້ຂາຍເຂົ້າໃຫ້ນັກທ່ອງທ່ຽວໃສ່ບາດ ນັ່ງຂາຍຢູ່ບ່ອນເກົ່າ, ເວລານັກທ່ອງທ່ຽວໃສ່ບາດໝົດກໍມາຊື້ໃໝ່ດ້ວຍຕົນເອງ, ຫ້າມບໍ່ໃຫ້ຜູ້ຂາຍເຂົ້າໃສ່ບາດ ເຄື່ອນໄຫວຍັດຍອກຊູຊີຂາຍໃຫ້ນັກທ່ອງທ່ຽວດ້ວຍຄວາມບໍ່ພໍໃຈ, ເຊິ່ງທັງໝົດນັ້ນ, ກໍເພື່ອສ້າງພາບພົດຄວາມສວຍງາມປະດັບເອ້ໃຫ້ແກ່ແຫຼ່ງທ່ອງທ່ຽວທີ່ຕິດພັນກັບວັດທະນະທຳທີ່ເປັນເອກະລັກສະເພາະຂອງຊາວຫຼວງພະບາງເມືອງມໍລະດົກໂລກໃຫ້ມີຄວາມຍືນຍົງຕະຫຼອດໄປ.

ສ່ວນມາດຕະການໃນການແກ້ໄຂບັນຫາຫາງສຽງຂອງສັງຄົມກໍຄືປະກົດການຫຍໍ້ທໍ້ນັ້ນ, ພາກສ່ວນກ່ຽວຂ້ອງຈະໄດ້ເອົາໃຈໃສ່ສຶກສາອົບຮົມຜົນໄດ້ຜົນເສຍຂອງຄວາມບໍ່ເປັນລະບຽບຮຽບຮ້ອຍ, ການຂາຍເຄື່ອງຊະຊາຍ, ການວາງລາຄາບໍ່ສົມເຫດສົມຜົນ ແລະອື່ນໆ, ໂດຍພື້ນຖານແມ່ນເຫັນດີເປັນເອກະພາບກັບກົດລະບຽບຂອງເຈົ້ານະຄອນວາງອອກຄືລະເມີດຄັ້ງທີ່ 1 ແມ່ນສຶກສາອົບຮົມປັບໃໝ 500,000 ກີບ (ຫ້າແສນກີບ) ແລະຢຸດບໍ່ໃຫ້ຂາຍ 6 ເດືອນ, ລະເມີດຄັ້ງທີ່ 2 ແມ່ນປັບໃໝ 1,000,000 ກີບ (ໜຶ່ງລ້ານກີບ) ແລະບໍ່ໃຫ້ຂາຍເລີຍ ແລະຖ້າຫາກລະເມີດຄັ້ງທີ່ 3 ແມ່ນດໍາເນີນຄະດີຕາມລະບຽບກົດໝາຍ.

ແຫຼ່ງຂ່າວ: ຂ່າວສານຫຼວງພະບາງ

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...