spot_img
Homeຂ່າວຕ່າງປະເທດເກົາຫຼີເໜືອ-ເກົາຫຼີໃຕ້ຍິງໃສ່ກັນໃນເຂດປອດທະຫານ ຫຼັງ ຄິມ ຈອງ ອຶນ ປະກົດຕົວແລ້ວ

ເກົາຫຼີເໜືອ-ເກົາຫຼີໃຕ້ຍິງໃສ່ກັນໃນເຂດປອດທະຫານ ຫຼັງ ຄິມ ຈອງ ອຶນ ປະກົດຕົວແລ້ວ

Published on

ສຳນັກຂ່າວຕ່າງປະເທດລາຍງານ ເມື່ອວັນທີ 4 ພຶດສະພານີ້ວ່າ ທ່ານ ຄິມ ຈອງ ອຶນ ຜູ້ນຳສູງສຸດຂອງເກົາຫຼີເໜືອໄດ້ສະແດງຄວາມຂອບໃຈ ແລະ ຊາບຊຶ້ງຕໍ່ການທຳງານຂອງບຸກຄະລາກອນທີ່ເປັນແບບຢ່າງໃນການປະຕິບັດໜ້າທີ່ດ້ວຍຄວາມຮັບຜິດຊອບ ເໝາະສົມຕາມບົດບາດຂອງຕົນເອງໃນຖານະ “ນັກໂຄສະນາຊວນເຊື່ອ” ຊ່ວຍໃຫ້ສະມາຊິກສາມາດດຳເນີນການໄປຕາມຈຸດປະສົງຂອງພັກໄດ້.

ຄວາມເຄື່ອນໄຫວດັ່ງກ່າວເກີດຂຶ້ນພາຍຫຼັງສຳນັກຂ່າວກາງເກົາຫຼີ (KCNA) ລາຍງານເມື່ອວັນເສົາທີ່ຜ່ານມາວ່າທ່ານ ຄິມ ຈອງ ອຶນ ເດີນທາງໄປທີ່ເມືອງ ຊັນຊັອນ ແຂວງ ພະຍອງອັນໃຕ້ ເມື່ອວັນສຸກເຊິ່ງກົງກັນກັບວັນກຳມະກອນສາກົນ ເພື່ອເປັນປະທານຕັດລິບບິ້ນເປີດໂຮງງານຜະລິດປຸ໋ຍແຫ່ງໃໝ່ຂອງເກົາຫຼີເໜືອ ຖືເປັນການປະກົດຕົວຢ່າງເປັນທາງການ ຄັ້ງທຳອິດໃນຮອບ 21 ວັນ ຫຼັງຫາຍໜ້າໄປຈາກສື່ຕັ້ງແຕ່ວັນທີ 11 ເມສາ ທີ່ຜ່ານມາ ທ່າມກາງກະແສຂ່າວດ້ານສຸຂະພາບ.

ນອກນັ້ນ, ເມື່ອຕອນເຊົ້າຂອງວັນທີ 3 ພຶດສະພາ ຕາມເວລາທ້ອງຖິ່ນທີ່ແຫຼມເກົາຫຼີ ເກີດເຫດການທະຫານຂອງເກົາຫຼີເໜືອຍິງປືນຫຼາຍນັດໄປທີ່ຈຸດສັງເກດການທາງທະຫານຂອງເກົາຫຼີໃຕ້ ພາຍໃນເຂດປອດທະຫານ (DMC) ບໍລິເວນເຂດຊໍວັອນ ໃນແຂວງຄັງວອນ ໃນຂະນະທີ່ກອງທັບເກົາຫຼີໃຕ້ປະກາດເຕືອນອີກຝ່າຍຫຼາຍຄັ້ງຜ່ານເຄື່ອງກະຈາຍສຽງ ແລະ ໄດ້ຍິງປືນກັບໄປ 2 ນັດ.

ຫຼັງເກີດເຫດການດັ່ງກ່າວເກົາຫຼີໃຕ້ຢືນຢັນວ່າບໍ່ມີຄວາມເສຍຫາຍເກີດຂຶ້ນກັບໂຄງສ້າງພື້ນຖານ ແລະ ບໍ່ມີເຈົ້າໜ້າທີ່ເສຍຊີວິດ ຫຼື ໄດ້ຮັບບາດເຈັບ ຕະຫຼອດຈົນຮອດປະຊາຊົນທີ່ອາໃສຢູ່ຕາມແນວຊາຍແດນຍັງປອດໄພດີ. ໂດຍການກວດສອບເບື້ອງຕົ້ນຈາກທາງຝ່າຍຄວາມໝັ້ນຄົງຂອງເກົາຫຼີໃຕ້ ເຊື່ອວ່າການທີ່ເກົາຫຼີເໜືອຍິງປືນຂ້າມຊາຍແດນມານັ້ນ “ບໍ່ມີເຈດຕະນາກະຕຸ້ນຄວາມຮຸນແຮງ”.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...