ສຳລັບຄູ່ຮັກທີ່ມີແຜນຈະແຕ່ງງານກັນໃນປີ 2018 ໃນວັນນີ ຄໍລຳ ຊີວິດກັບຄວາມຮັກ ກໍ່ມີເທຣນຄູ່ສີມາແຮງໃນປີ 2018 ມາຝາກ ຮັບຮອງວ່າຕຣີມງານແຕ່ງປີນີ້ມີຫຼາກຫຼາຍອາລົມແນ່ນອນ ທັງໂຣແມນຕິກ, ອົບອຸ່ນເຢັນຕາ ໄປຈົນເຖິງຫຼູເລີດແຝງດ້ວຍກິ່ນອາຍເຊັກຊີ້ເລັກໜ້ອຍ ແຕ່ໂດຍລວມແລ້ວຕຣີມງານແຕ່ງ 2018 ຈະເນັ້ນການໃສ່ສີທຳມະຊາດ ເຊັ່ນ: ສີຂຽວໃບໄມ້ ແລະ ການໃຊ້ສີແບບລຽບງ່າຍແຕ່ເບິ່ງເກ໋ໄກ໋ສຸດໆ

1. ແບບຝຸ່ນ Rose ແລະ ສີຂຽວ

ສີບົວກີບດອກກຸຫຼາບ + ສີຂຽວຂີ້ມ້າ ຫຼື ຂຽວໃບໄມ້ ສອງສີນີ້ເປັນສີທີ່ຈະເນລະມິດໃຫ້ງານແຕ່ງງານຂອງທ່ານກາຍເປັນງານແຕ່ງທີ່ເບິ່ງໂຣແມນຕິກ ດ້ວຍຄວາມຫວານທີ່ມີກິ່ນອາຍແບບທຳມະຊາດ

2. ລາເວັນເດີ ແລະ Lilac

ສີມ່ວງລາເວນເດີ້ + ສີມ້ວງໄລແລດ ມ້ວງສອງໂທນສີທີ່ເສີມຄວາມສົມບູນແບບໃຫ້ແກ່ກັນເໝາະໃນການໃຊ້ໃນການແຕ່ງ ເພາະມັນຈະໃຫ້ງານແຕ່ງໄດ້ອາລົມຫວານແບບສຸຂຸມ ມີສະເໜ່ລ້ຳລຶກ

3. ຝຸ່ນສີຟ້າ ແລະ ສີແດງເຂັ້ມ

ສີນ້ຳເງິນອ່ອນ + ສີແດງເຂັ້ມ ສອງຄູ່ສີທີ່ແຕກຕ່າງກັນ ແຕ່ພໍຈັບມາລວມກັນກໍ່ເບິ່ງເກ໋ໄກ໋ໄປອີກແບບ ເບິ່ງສະຫງ່າງາມບໍ່ໜ້ອຍໜ້າໃຜ ແຕ່ຕ້ອງເປັນສີນ້ຳເງິນທີ່ປົນຂາວ ເມື່ອເອົາສີແດງມາຕັດ ຈະເຮັດໃຫ້ງານແຕ່ງງານໂທນສີນີ້ມີທັງກິ່ນອາຍຄວາມສະຫງ່າງາມ ແລະ ໂດດເດັ່ນ

4. ສີດຳ, ສີຂາວ ແລະ ສີທອງ

ສີດຳ + ສີຂາວ + ສີທອງ ເປັນໝວດສີສຸດຄລາດສິກຢ່າງແທ້ຈິງ ໂດຍສະເພາະບ່າວສາວທີ່ຮັກຄວາມລຽບງ່າຍ ຫຼື ຕ້ອງການງານແຕ່ງແບບຊິລໆ ແຕ່ເບິ່ງແລ້ວມີກິ່ນອາຍຂອງຄວາມໂມເດິ້ນແບບບໍ່ທຳມະດາ

5. Sha des of Blue

ສີຟ້າຕ່າງລະດັບ ຖ້າຢາກໃຫ້ງານແຕ່ງງານຂອງທ່ານມີກິ່ນອາຍໂຣແມນຕິກແບບສະບາຍບໍ່ຫວືຫວາ ທ່ານສາມາດໃຊ້ສີຟ້າຕ່າງລະດັບສີຊ່ວຍໄດ້ບໍ່ວ່າຈະເປັນຟ້າອ່ອນ, ຟ້າເຂັ້ມ ຫຼື ຈະອອກໄປທາງມ້ວງເລັກໜ້ອຍ ເພາະມັນຈະໃຫ້ຄວາມຮູ້ສຶກອົບອຸ່ນ ແລະ ສົດໃສໄປພ້ອມກັນ

6. ສີແດງວິນເທດ + ສີບົວພູພີຊ

ສີແດງອົມສົ້ມ ແລະ ສີແດງບານເຢັນ + ສີບົວພູພີຊ ທີມສີນີ້ເປັນໂທນສີຮ້ອນລ້ວນໆ ແຕ່ຈະຊ່ວຍເນລະມິດງານແຕ່ງງານຂອງທ່ານໃຫ້ມີບັນຍາກາດຄຶກຄັກ ສົດຊື່ນສົດໃສ

7.  ສີນ້ຳເງິນເຂັ້ມ ແລະ ສີມ້ວງ

ສີນ້ຳເງິນ+ສີມ້ວງ ສອງສີແຫ່ງຄວາມສຸຂຸມ ແລະ ນຸ້ມນວນມາເຈິກັນ ກາຍເປັນຕຣີມສີທີ່ຈະເຮັດໃຫ້ງານແຕ່ງເບິ່ງອົບອຸ່ນ ເຢັນສະບາຍ ເປັນກິ່ນອາຍແຫ່ງຄວາມຮັກທີ່ບໍ່ຫວືຫວາ ແຕ່ຈິງຈັງ ແລະ ມີຄວາມເປັນຜູ້ໃຫຍ່

8. ສີທອງປະກາຍ + ສີແດງໄວນ໌

ສີທອງປະກາຍ + ສີແດງໄວນ໌ ຄູ່ສີຫວານເບົາໆ ແຝງກິ່ນອາຍເຊັກຊີ ເນລະມິດງານແຕ່ງງານໃຫ້ມີບັນຍາກາດຫວານເຢັນ ມີມົນສະເໜ່ ແລະ ແອບມີຄວາມຫຼູຫຼາ