spot_img
Homeຂ່າວເຫດການສູນກາງແນວລາວສ້າງຊາດ ເປີດນຳໃຊ້ເວັບໄຊ

ສູນກາງແນວລາວສ້າງຊາດ ເປີດນຳໃຊ້ເວັບໄຊ

Published on

ໃນວັນທີ 10 ພະຈິກທີ່ຜ່ານມາ ສູນກາງແນວລາວສ້າງຊາດໄດ້ຈັດພິທີເປີດນຳໃຊ້ເວັບໄຊຢ່າງເປັນທາງການ ຢູ່ທີ່ສູນເຝິກອົບຮົມສູນກາງແນວລາວສ້າງຊາດໂດຍການເຂົ້າຮ່ວມຂອງທ່ານ ໄຊສົມພອນ ພົມວິຫານ ປະທານຄະນະກຳມະການສູນກາງແນວລາວສ້າງຊາດ, ທ່ານ ຄຳໃບ ດຳລັດ ຮອງປະທານສູນກາງແນວລາວສ້າງຊາດ, ພ້ອມດ້ວຍພະນັກງານ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ຈັນທະວົງ ແສງອາພາບມົນຕີ ຮອງປະທານສູນກາງແນວລາວສ້າງຊາດກ່າວວ່າ: ການເປີດນຳໃຊ້ເວັບໄຊນີ້ແມ່ນເພື່ອເປັນການເປີດປະຕູແຫ່ງການຕິດຕໍ່ພົວພັນ ແລະເຊື່ອມໂຍງດ້ານຂໍ້ມູນຂ່າວສານລະຫວ່າງສູນກາງແນວລາວສ້າງຊາດກັບແນວລາວສ້າງຊາດແຕ່ລະຂັ້ນ, ກັບປະຊາຊົນບັນດາເຜົ່າ, ຊັ້ນຄົນ, ສາສະໜາ, ເພດ-ໄວ, ຄົນລາວທີ່ດຳລົງຊີວິດຢູ່າຕ່າງປະເທດກໍຄືພາກສ່ວນທີ່ກ່ຽວຂ້ອງຂອງປະເທດເພື່ອມິດໃນພາກພື້ນ ແລະ ສາກົນ, ຊຶ່ງເວັບໄຊຂອງສູນກາງແນວລາວສ້າງຊາດນີ້ ມີຊື່ວ່າ: WWW. lfnc.gov.la ເປັນເວັບໄຊທີ່ມີ 2 ພາສາ (ລາວ-ອັງກິດ) ປະກອບມີໜ້າສໍາຄັນຕົ້ນຕໍຈໍານວນໜຶ່ງຄື: ໜ້າທຳອິດ, ໜ້າຂ່າວສານ, ໜ້າກອງປະຊຸມຕ່າງໆ, ໜ້າຕິດຕໍ່ພົວພັນ ແລະ ໜ້າກວດອີເມວ, ຊຶ່ງໃນນັ້ນຈະມີປະຫວັດຄວາມເປັນມາ, ມູນເຊື້ອຂອງອົງການແນວລາວສ້າງຊາດ, ທີ່ຕັ້ງ, ພາລະບົດບາດ, ສິດ ແລະໜ້າທີ່, ການເຄື່ອນໄຫວຕ່າງໆ, ໂຄງຮ່າງການຈັດຕັ້ງ, ວິໄສທັດ, ແຜນງານຍຸດທະສາດ, ນິຕິກຳ ແລະອື່ນໆທີ່ຕິດພັນກັບວຽກງານແນວໂຮມທັງຢູ່ສູນກາງ ແລະ ທ້ອງຖິ່ນ.

ທ່ານກ່າວຕື່ມວ່າ: ເວັບໄຊຂອງສູນກາງແນວລາວສ້າງຊາດແມ່ນໄດ້ສ້າງສຳເລັດ ໂດຍພື້ນ ຖານ ແລະ ພ້ອມແລ້ວທີ່ຈະເປີດນຳໃຊ້ຢ່າງເປັນທາງການເພື່ອເປັນຊ່ອງທາງແຫ່ງການຕິດຕໍ່, ພົວພັນ, ເປັນແຫຼ່ງການຊົມໃຊ້, ແລກປ່ຽນຂໍ້ມູນຂ່າວສານ ແລະ ເປັນສູນຮຽນຮູ້ມູນເຊື້ອປະຫວັດສາດຂອງແນວລາວສ້າງຊາດຕິດພັນກັບປະຫວັດມູນເຊື້ອຂອງຊາດ ແລະຂອງພັກປະຊາຊົນປະຕິວັດລາວ, ເປັນການເຜີຍແຜ່ສະໜອງຂໍ້ມູນຂ່າວສານກ່ຽວກັບການຈັດຕັ້ງປະຕິບັດວຽກງານແນວລາວສ້າງຊາດຂັ້ນຕ່າງໆໃຫ້ສັງຄົມໄດ້ຮັບຮູ້ ແລະ ເຂົ້າໃຈກ່ຽວກັບອົງການແນວລາວສ້າງຊາດແຕ່ລະຂັ້ນໃຫ້ນັບມື້ນັບຫຼາຍຂຶ້ນ.

ຈາກໜັງສືພິມເສດຖະກິດ-ສັງຄົມ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...