spot_img
Homeຂ່າວຕ່າງປະເທດສປ ຈີນ ເລີ່ມປັບຂຶ້ນພາສີສິນຄ້ານຳເຂົ້າຈາກອາເມຣິກາ

ສປ ຈີນ ເລີ່ມປັບຂຶ້ນພາສີສິນຄ້ານຳເຂົ້າຈາກອາເມຣິກາ

Published on

ລັດຖະບານຈີນປະກາດຂຶ້ນອັດຕາພາສີສິນຄ້າທີ່ຈາກອາເມຣິກາຊຸດໃໝ່ລວມມູນຄ່າຫຼາຍໝື່ນລ້ານໂດລາ ຊຶ່ງຢູ່ໃນການກະກຽມຄວາມພ້ອມສຳລັບເປີດເຜີຍບັນຊີດຳບໍລິສັດຕ່າງຊາດທີ່ບໍ່ໜ້າເຊື່ອຖື ຂະນະທີ່ຈີນພ້ອມສູ້ສົງຄາມການຄ້າກັບອາເມຣິກາຢ່າງເຕັມທີ່ ທັງນີ້ ກໍຈະເປີດປະຕູເຈລະຈາກັບອາເມຣິກາໄດ້ທຸກເວລາ.

ຄວາມເຄື່ອນໄຫວຫຼ້າສຸດຂອງ ສປ ຈີນ ຊຶ່ງໄດ້ປັບຂຶ້ນອັດຕາພາສີສິນຄ້າຂອງອາເມຣິກາລວມ 5.410 ລາຍການ ມູນຄ່າ 60.000 ລ້ານໂດລາດ້ວຍອັດຕາພາສີລົງໂທດໃໝ່ລະຫວ່າງ 5-25% ເພື່ອຕອບໂຕ້ການຂຶ້ນພາສີລົງໂທດຂອງອາເມຣິກາ 25% ລວມມູນ ຄ່າ 200.000 ລ້ານໂດລາຕໍ່ສິນຄ້າຂອງຈີນເມື່ອເດືອນພຶດສະພາຜ່ານມາ.

ສຳລັບສິນຄ້າຂອງອາເມຣິກາທີ່ຈີນປະກາດຂຶ້ນພາສີຄັ້ງໃໝ່ນີ້ລວມເຖິງຜະລິດຕະພັນເສີມຄວາມງາມ ອຸປະກອນກີລາ ເຄື່ອງດົນຕີ ວາຍ ຖົງຢາງອະນາໄມ ອັນຍະມະນີ (ເພັດ) ໄມ້ ເສັ້ນໃຍ ແລະ ເຄື່ອງຫຼິ້ນເດັກນ້ອຍ ເນື່ອງຈາກການເຈລະຈາລະຫວ່າງສອງຊາດບໍ່ມີຂໍ້ສະຫຼຸບ ມາຮອດປັດຈຸບັນ ທັງ 2 ຝ່າຍຂຶ້ນພາສີຕອບໂຕ້ກັນລວມມູນຄ່າ 360.000 ລ້ານໂດລາ ແລະ ການຕອບໂຕ້ກໍທະວີຄວາມຮຸນແຮງຂຶ້ນໃນໄລຍະຫຼາຍອາທິດທີ່ຜ່ານມາພາຍຫຼັງທີ່ອາເມຣິກາຂຶ້ນບັນຊີດຳບໍລິສັດຮົວເຫວີຍຊຶ່ງສົ່ງຜົນກະທົບຢ່າງໜັກຕໍ່ບໍລິສັດຮົວເຫວີຍທີ່ມີສາຂາຢູ່ທົ່ວໂລກ.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: AP, AFP 

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...