spot_img
Homeຄົມຄິດຄົມຄົນວາເລນໄທນ໌ ຮັກແບບໃດບໍ່ໃຫ້ເປັນທຸກ

ວາເລນໄທນ໌ ຮັກແບບໃດບໍ່ໃຫ້ເປັນທຸກ

Published on

ຕ້ອນຮັບເດືອນແຫ່ງຄວາມຮັກ ເພາະອີກບໍ່ພໍເທົ່າໃດມື້ກໍ່ຈະຮອດວັນວາເລນໄທນ໌ ເຊື່ອວ່າຍິງ-ຊາຍ ຫຼາຍຄົນໃນໂລກນີ້ຕ່າງພາກັນໃຫ້ຄວາມສຳຄັນກັບວັນນີ້ (14 ກຸມພາ) ເພາະຖືເປັນຫວັງທີ່ຈະໄດ້ສະແດງຄວາມຮັກຕໍ່ອີກຝ່າຍໜຶ່ງໄດ້ຢ່າງເປີດເຜີຍ ຫຼາຍຄົນມີຄວາມສຸກກັບວັນນີ້ ແຕ່ກໍ່ມີຫຼາຍຄົນທີ່ມີເຫງົາ, ເສົ້າ ກັບວັນນີ້ເຊັ່ນດຽວກັນ ໂດຍສະເພາະຄົນໂສດ ແລະ ຄົນອົກຫັກໃໝ່ໆ ດັ່ງນັ້ນ ເພື່ອໃຫ້ເຂົ້າກັບບັນຍາກາດຂອງເດືອນແຫ່ງຄວາມຮັກ ແອັດມິນເລີຍມີບົດຄວາມສັ້ນໆ ກ່ຽວກັບຄວາມຮັກມາໃຫ້ທຸກຄົນໄດ້ອ່ານ

ວາເລນໄທນ໌ ຮັກແບບໃດບໍ່ໃຫ້ເປັນທຸກ

ສິ່ງສຳຄັນທີ່ເຮັດໃຫ້ເຮົາຮັກແບບບໍ່ເກີດຄວາມທຸກ ຄືການຕັ້ງທັດສະນະຄະຕິ ແລະ ຄ່ານິຍົມຂອງຄວາມຮັກໃຫ້ຖືກຕ້ອງເໝາະສົມ ແລະ ການນຳເອົາຫຼັກຄຸນນະທຳມາໃຊ້ໃນວັນແຫ່ງຄວາມຮັກ ເພາະການຮັກ…ໂດຍບໍ່ມີຫຼັກຄຸນນະທຳ ບໍ່ມີຈາລິຍະທຳ ຫຼື ສະຕິຄອຍບັງຄັບຕົວເຮົາໄວ້ນັ້ນກໍ່ຄື: ຄວາມຮັກແບບຫຼົງທິດທາງ ຈົນເຮັດໃຫ້ເຮົາຕົກເປັນທາດຂອງຄວາມຫຼົງຜິດ ການເປັນຍຶດຕິດວ່າຕົນເຈົ້າຂອງ ຈົນເຮັດໃຫ້ລົງມືເຮັດໃນສິ່ງທີ່ຜິດ ເຊິ່ງຈະນຳພາຄວາມທຸກມາໃສ່ຕົນ ມື້ນີ້ແອັດມິນຈະຂໍຍົກຕົວຢ່າງ ການມີຄວາມຮັກແບບຫຼົງທາງມາໃຫ້ທຸກຄົນໄດ້ລອງອ່ານ ແລະ ພິຈາລະນາໄປພ້ອມກັນ

ຄວາມຮັກແບບຫຼົງທາງ ກໍ່ຄືການທີ່ຄູ່ຮັກຫຼາຍຄູ່ຄິດວ່າການເສຍສະຫຼະຮ່າງກາຍ ພົມມະຈັນຕົນເອງໃຫ້ກັບຄົນຮັກ ໃນວັນວາເລນໄທນ໌ ໂດຍສະເພາະແມ່ຍິງມັກຕັດສິນໃຈເລືອກໃຊ້ວັນແຫ່ງຄວາມຮັກເພື່ອພິສູດຄວາມຮັກກັບຄົນຮັກ ແລະ ຄິດວ່າການມອບຄວາມສຸກຜ່ານຮ່າງກາຍໃຫ້ແກ່ຄົນຮັກເພື່ອແລກຄວາມສຳພັນພິເສດຂຶ້ນອີກຂັ້ນ ແລະ ຫວັງໃຫ້ຄົນຮັກນັ້ນຮັກຕົນເອງຫຼາຍຂຶ້ນກວ່າເກົ່ານັ້ນ ເຊິ່ງການເຮັດແບບນີ້ບາງຄົນກໍ່ອາດຈະໃຊ້ໄດ້ຜົນ ແຕ່ບາງຄົນກໍ່ອາດຈະໃຊ້ບໍ່ໄດ້ຜົນ ເພາະກໍ່ຕ້ອງຂຶ້ນກັບຄົນຮັກຂອງທ່ານເຊັ່ນດຽວກັນ ທຸກຢ່າງມັນບໍ່ໄດ້ເປັນດັ່ງທີ່ເຮົາຄິດສະເໝີ ເພາະການຕັດສິນໃຈແບບນີ້ ບາງຄົນອາດກາຍເປັນສິ່ງທີ່ຜິດພາດ ເຊັ່ນ: ເກີດການຖືພາກ່ອນເວລາສົມຄວນ ແລະ ບາງຄົນເມື່ອມອບກາຍໃຫ້ແຟນໜຸ່ມແລ້ວເຂົາກໍ່ບໍ່ເຫັນຄຸນຄ່າໃຫ້ໂຕເອງ ເມື່ອໄດ້ສົມໃຈຊາຍແລ້ວເຂົາກໍ່ເຫີນຫ່າງຈາງໄປກໍ່ມີ  ສິ່ງເຫຼົ່ານີ້ມັນຄືບາດແຜໃນໃຈເຮັດໃຫ້ຕົກຢູ່ຫ້ວງຂອງຄວາມທຸກໄປຕະຫລອດຊີວິດ ອາດມີບາງເວລາທີ່ລືມ ແຕ່ເມື່ອໃດທີ່ພາບຄວາມຊົງຈຳເຫຼົ່ານັ້ນຍ້ອນກັບມາທີ່ຫົວ ພຽງຄິດອອກແຕ່ແວັບດຽວກໍ່ເຮັດໃຫ້ຮູ້ສຶກປວດໃຈໄດ້.

ຄວາມຈິງແລ້ວຍາກໃຫ້ທຸກຄົນເຂົ້າໃຈວ່າ ວັນແຫ່ງຄວາມຮັກ ມັນບໍ່ແມ່ນມື້ທີ່ພິສູດຮັກແທ້, ມື້ເສຍຕົວ ຫຼື ມື້ແຫ່ງໄຊຊະນະເໜືອຄົນທີ່ຕົນຮັກ ແຕ່ມັນເປັນມື້ທີ່ທ່ານໃຊ້ຄວາມຮັກໃນການສ້າງຄວາມສຸກທາງໃຈໃຫ້ກັບຄົນທີ່ທ່ານຮັກ,​ ໃຫ້ກັບພໍ່-ແມ່ ພີ່ນ້ອງ, ເພື່ອນມິດສະຫາຍ ແລະ ຄົນຢູ່ອ້ອມຂ້າງຕົວທ່ານໃຫ້ມີຄວາມ ບໍ່ໄດ້ເຈາະຈົງສະເພາະເປັນວັນທີ່ຄູ່ຮັກບ່າວສາວສະແດງຄວາມຮັກຕໍ່ກັນເທົ່ານັ້ນ

ຄວາມຮັກທີ່ຄວນມີຄື “ຄວາມຫ່ວງໃຍ, ຄວາມໃສ່ໃຈ, ການໃຫ້, ຄວາມເຂົ້າໃຈໃນສິນທຳ ແລະ ມີສະຕິໃນເລື່ອງຄວາມຮັກ” ນັ້ນຄືຄວາມຮັກທີ່ມີຄ່າໃນການແບ່ງປັນ, ມີຄຸນຄ່າໃນການຮັກ ແລະ ການເປັນທີ່ຮັກ ຫາກໃຜສາມາດເຂົ້າໃຈໃນເລື່ອງຄວາມຮັກໄດ້ແບບນີ້ ທ່ານກໍ່ຈະມີຄວາມທຸກ ແລະ ມີວັນວາເລນໄທນຕະຫຼອດ 365 ມື້.
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...