spot_img
Homeຂ່າວພາຍ​ໃນລາວສູນເສຍລາຍຮັບຫລາຍສີບລ້ານໂດລາ ຍ້ອນລາຄາແຮ່ທາດຕົກຕໍ່າ!

ລາວສູນເສຍລາຍຮັບຫລາຍສີບລ້ານໂດລາ ຍ້ອນລາຄາແຮ່ທາດຕົກຕໍ່າ!

Published on

mining

ຫົວໜ້າກົມບໍ່ແຮ່, ກະຊວງພະລັງງານ ແລະ ບໍ່ແຮ່ໃຫ້ຮູ້ວ່າ: ການດຳເນີນທຸລະກິດແຮ່ທາດແມ່ນປະເພດທຸລະກິດທີ່ມີຄວາມສ່ຽງສູງເຊັ່ນ: ສ່ຽງໃນການສຳຫລວດຊອກຫາປະລິມານສະສົມ, ສ່ຽງຕໍ່ຕົ້ນທຶນການຜະລິດ ແລະ ສ່ຽງຕໍ່ການເໜັງຕີງຂອງລາຄາໂລຫະໃນຕະຫລາດໂລກ, ໂດຍສະເພາະ ປັດຈຸບັນລາຄາແຮ່ຄຳ, ທອງ,ເຫລັກ, ກົ່ວ ແລະ ໂປຕາສ ມີທ່າອ່ຽງຫລຸດລົງຫລາຍ ແລະ ຕໍ່ບັນຫາການເໜັງຕີງດ້ານລາຄາດັ່ງກ່າວນັ້ນ, ໄດ້ສົ່ງຜົນສະທ້ອນຕໍ່ການຜະລິດແຮ່ທາດຢູ່ລາວຫລຸດລົງ ແລະ ມີຜົນສະທ້ອນຕໍ່ການເກັບພັນທະຂອງລັດຖະບານເຊັ່ນ: ຄ່າຊັບພະຍາກອນ, ອາກອນກຳໄລ, ເງິນປັນຜົນ, ອາກອນເງິນເດືອນ, ອາກອນລາຍໄດ້ຂອງຜູ້ຮັບເໝົາອື່ນໆຫລຸດລົງຫລາຍ ດັ່ງກໍລະນີປີ 2013 ບໍລິສັດ ລ້ານຊ້າງມີເນໂຣນຈຳກັດ, ໄດ້ຕັດສິນໃຈຢຸດການຂຸດຄົ້ນ ແລະ ປຸງແຕ່ງແຮ່ຄຳຊົ່ວຄາວເພື່ອຮັກສາຕົ້ນທຶນການຜະລິດ ແລະ ປົດພະນັກງານອອກເກືອບ 500 ຄົນ, ສ່ວນກໍລະນີຢູ່ໂຄງການບໍ່ຄໍາ-ທອງເຊໂປນ ແມ່ນລາຍຮັບທາງກົງຂອງລັດຖະບານໃນປີ 2014 ໄດ້ແຕ່ 110 ລ້ານໂດລາສະຫະລັດ, ຖ້າທຽບໃສ່ປີ 2013 ໄດ້ 136 ລ້ານໂດລາສະ ຫະລັດ ແລະ ປີ 2012 ໄດ້ 189 ລ້ານໂດລາສະຫະລັດ, ສຳລັບປີ 2015 ຄາດຄະເນຈະໄດ້ຮັບພຽງ 90 ລ້ານໂດລາສະ ຫະລັດເທົ່ານັ້ນ.

ກົມດັ່ງກ່າວໃຫ້ຮູ້ວ່າ: ຜ່ານມາຂະແໜງແຮ່ທາດເຄີຍເປັນຂະແໜງໜຶ່ງທີ່ໄດ້ປະກອບສ່ວນໃຫ້ GDP ແຫ່ງຊາດຂະຫຍາຍໂຕບໍ່ຫລຸດ 8% ຕໍ່ປີ(ປີ 2012 ລາຍຮັບຂອງລັດຖະບານໄດ້ 293 ລ້ານໂດລາສະຫະລັດ, ປີ 2013 ໄດ້ 264 ລ້ານໂດລາສະຫະລັດ ແລະ ມາຮອດປີ 2014 ໄດ້ 192 ລ້ານໂດລາສະຫະລັດ. ສະນັ້ນ ລາຍຮັບຈາກຂະແໜງການບໍ່ແຮ່ຫລຸດລົງເຊັ່ນນີ້ເຮັດໃຫ້ການປະຕິບັດແຜນເສດຖະກິດ-ສັງຄົມຈະມີຜົນກະທົບຢ່າງແນ່ນອນ, ແຕ່ແນວໃດກໍຕາມ ຕໍ່ສະພາບດັ່ງກ່າວລັດຖະບານໄດ້ມີທິດທາງແກ້ໄຂຄື: ຕ້ອງປຸກລະດົມໃຫ້ຜູ້ລົງທຶນເອົາໃຈໃສ່ ຫລຸດຜ່ອນການຜະລິດ ດ້ວຍການຕັດລາຍຈ່າຍທີ່ບໍ່ຈຳເປັນ ພ້ອມທັງນຳໃຊ້ວັດຖຸດິບຢູ່ພາຍໃນໃຫ້ຫລາຍຂຶ້ນ, ສົ່ງເສີມຜູ້ລົງທຶນນຳໃຊ້ເຕັກໂນໂລຊີທີ່ກ້າວໜ້າທັນສະໄໝມີປະສິດທິຜົນ ແລະ ເປັນມິດກັບສິ່ງແວດລ້ອມ ໂດຍໃຊ້ຕົ້ນທຶນຕໍ່າເພື່ອປະຄອງໂຄງການບໍ່ແຮ່ຂອງຕົນໃຫ້ສາມາດສືບຕໍ່ດຳເນີນໄປໄດ້ ແລະ ຕ້ອງທົບທວນຄືນການປະຕິບັດພັນທະຂອງຜູ້ລົງທຶນຈຳນວນໜຶ່ງ, ໂດຍສະເພາະຜູ້ຂໍໂຈະກິດຈະການຍ້ອນລາຄາຕົກຕໍ່າ ແລະ ການປະຕິບັດພັນທະຊ້ຳຊ້ອນ ແລະ ສຳລັບໃນໄລຍະຍາວ ເພື່ອຮັບປະກັນໃຫ້ສະພາບການຜະລິດແຮ່ທາດມີການຕໍ່ເນື່ອງ ຈະໄດ້ເພີ່ມທະວີການເອົາໃຈໃສ່ສົ່ງເສີມ ໃຫ້ມີອຸດສາຫະກຳຕໍ່ເນື່ອງຂອງຂະແໜງແຮ່ທາດພາຍໃນປະເທດໃຫ້ຫລາຍຂຶ້ນ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...