ເຂົ້າໃຈວ່າຄູ່ຮັກສ່ວນຫຼາຍຕ້ອງການມີເພດສຳພັນເປັນປະຈຳ ແຕ່ມັນບໍ່ສາມາດກຳນົດເປັນຈຳນວນຕົວເລກຕາຍຕົວໄດ້ວ່າຄູ່ຂອງທ່ານຕ້ອງມີເຊັກສ໌ໃນອາທິດໜຶ່ງເທົ່ານັ້ນເທົ່ານີ້ຄັ້ງຈິ່ງຈະມີຄວາມສຸກ ເພາະແຕ່ລະຄູ່ແມ່ນອີງໃສ່ປັດໄຈບໍ່ຄືກັນ ໃນຄໍລຳ ຄວາມຮັກກັບເຊັກສ໌ ມື້ນີ້ ເຮົາຈະມາເວົ້າກ່ຽວກັບເລື່ອງນີ້ກັນ
ມີເຊັກສ໌ຫຼາຍ-ໜ້ອຍຊ່ຳໃດຊີວິດຄູ່ຈິ່ງຈະມີຄວາມສຸກ? ຄຳຕອບທີ່ດີທີສຸດແມ່ນທ່ານຄວນມີເພດສຳພັນເມື່ອມີໂອກາດ ຫຼື ຕາມຄວາມຕ້ອງການຂອງທັງສອງຝ່າຍ ຄູ່ຮັກທີ່ມີເຊັກສ໌ອາທິດລະ 4-5 ເທື່ອ ຫຼື ມີທຸກມື້ກໍ່ບໍ່ໝາຍວ່າຈະມີຄວາມສຸກ ຈະສາມາດຮັດແໜ້ນສາຍສຳພັນຄູ່ຮັກໄດ້ທຸກຄູ່ທຸກຄົນສະເໝີໄປ ເພາະມັນບໍ່ໄດ້ໝາຍຄວາມວ່າການຂຶ້ນສັງວຽນຮັກໃນແຕ່ລະເທື່ອແມ່ນເກີດຂຶ້ນດ້ວຍຄວາມເຕັມໃຈຈາກສອງຝ່າຍແທ້ໆ ບາງຄັ້ງອີກຝ່າຍອາດບໍ່ຕ້ອງການ ແຕ່ກໍ່ບໍ່ສາມາດປະຕິເສດອີກຝ່າຍໄດ້ ດັ່ງນັ້ນຢາກແນະນຳວ່າໃຫ້ຄູ່ຮັກພະຍາຍາມເປີດໃຈລົມກັນ ແລະ ມີເພດສຳພັນທີ່ເກີດຈາກຄວາມຕ້ອງການທີ່ແທ້ຈິງຂອງທັງສອງຝ່າຍແມ່ນດີທີ່ສຸດ