spot_img
Homeຂ່າວພາຍ​ໃນຜູ້ຊາຍມີໂອກາດເສຍຊີວິດຈາກໄວຣັສໂຄວິດ-19 ຫຼາຍກວ່າຜູ້ຍິງ

ຜູ້ຊາຍມີໂອກາດເສຍຊີວິດຈາກໄວຣັສໂຄວິດ-19 ຫຼາຍກວ່າຜູ້ຍິງ

Published on

ປະເທດອິຕາລີທີ່ມີຜູ້ຕິດເຊື້ອໂຄວິດ-19 ຫຼາຍທີ່ສຸດໃນໂລກນອກຈາກປະເທດຈີນ ໃນປະຈຸບັນນີ້, ມີຜູ້ເສຍຊີວິດຈາກໄວຣັສນີ້ເປັນຜູ້ຊາຍເກືອບ 60%; ໃນຂະນະທີເກົາຫຼີໃຕ້ ເຖິງແມ້ວ່າຜູ້ຕິດເຊື້ອສ່ວນຫຼາຍແມ່ນຜູ້ຍິງ ແຕ່ປະມານ 54% ຂອງຜູ້ເສຍຊິວິດ ແມ່ນຜູ້ຊາຍ. ຈາກການວິເຄາະຂໍ້ມູນໂດຍສຳນັກຂ່າວ CNN ຮູ້ໄດ້ວ່າ ສາເຫດຫຼັກໆທີ່ຍອດຜູ້ເສຍຊີວິດສ່ວນໃຫຍ່ເປັນຜູ້ຊາຍຍ້ອນວ່າ ການໃຊ້ຊີວິດປະຈຳວັນທີ່ບໍ່ດີຕໍ່ສຸຂະພາບ (ເຊັ່ນກິນເຫຼົ້າ, ສູບຢາ) ແລະ ພະຍາດປະຈຳຕົວ.

ຈາກຂໍ້ມູນສະຖິຕິທີ່ທາງສຳນັກຂ່າວ CNN ແລະ ອົງການ Global Health 50/50 ທີ່ໄດ້ຮວບຮວມມາຈາກ 6 ປະເທດທີ່ມີຜູ້ຕິດເຊື້ອຫຼາຍທີ່ສຸດກໍ່ໄດ້ຂໍ້ສະຫຼຸບວ່າ ຈາກຈຳນວນຜູ້ເສຍຊີວິດທີ່ເປັນເພດຍິງຄັ້ງລະ 10 ກໍລະນີ ຈະມີຜູ້ເສຍຊີວິດເປັນເພດຊາຍປະມານ 24 ກໍລະນີ (ສະຖິຕິນີ້ແມ່ນຂອງປະເທດອິຕາລີ).

ສາເຫດແມ່ນມາຈາກການການໃຊ້ຊີວິດປະຈຳວັນທີ່ບໍ່ດີຕໍ່ສຸຂະພາບ ຈາກສະຖິຕິທີ່ທາງ CNN ຮວບຮວມມາ ໂດຍໃຊ້ຂໍ້ມູນຈາກອົງການ ອະນາໄມໂລກ (WHO) ຍ້ອນຜູ້ຊາຍບໍລິໂພກຢາສູບ ແລະ ເຄື່ອງດື່ມທາດເຫຼົ້າຫຼາຍກວ່າຜູ້ຍິງປະມານ 5 ເທົ່າ.

ປະເທດຈີນເປັນປະເທດທີ່ມີຜູ້ບໍລິໂພກຢາສູບຫຼາຍທີ່ສຸດໃນໂລກ ເປັນຈຳນວນປະມານ 316 ລ້ານຄົນ, ໃນຈຳນວນນັ້ນ ຫຼາຍກວ່າ 50% ແມ່ນຜູ້ຊາຍ ໃນລະຫວ່າງທີ່ຜູ້ຍິງມີແຕ່ 3%. ໃນສ່ວນຂອງປະເທດ ອິຕາລີ, ຜູ້ບໍລິໂພກຢາສູບທີ່ເປັນຜູ້ຊາຍມີປະມານ 7 ລ້ານຄົນ, ຜູ້ຍິງ 4.5 ລ້ານຄົນ (ຂໍ້ມູນໂດຍສະຖາບັນສຸຂະພາບແຫ່ງຊາດ). ທາງສະຖາບັນກໍ່ໄດ້ລາຍງານວ່າໜຶ່ງໃນສາມຂອງຜູ້ທີ່ສູບຢາທີ່ຕິດເຊື້ອໂຄວິດ-19 ຈະມີອາການຮຸນແຮງກວ່າຜູ້ທີ່ບໍ່ສູບ.

ໃນສ່ວນຂອງຜູ້ທີ່ມີພະຍາດສ່ວນຕົວເຊັ່ນພະຍາດທີ່ກ່ຽວກັບຫົວໃຈແລະປອດ ທີ່ຈະມີອາການຮຸນແຮງກວ່າຜູ້ບໍ່ມິພະຍາດສ່ວນຕົວຫຼັງຕິດໄວຣັສໂຄວິດ-19 ຈຳນວນທົ່ວໂລກຈາກ 1 ແສນຄົນ ເປັນຜູ້ຊາຍ 4,915 ຄົນ ຜູ້ຍິງ 3,149 ຄົນ ສ່ວນພະຍາດປອດມີ 1,181 ຄົນ ຜູ້ຍິງ 906 ຄົນ.

ຂໍ້ມູນໂດຍສຳນັກຂ່າວ CNN

ຮຽບຮຽງໂດຍ ວະນິດາ

 

ບົດຄວາມຫຼ້າສຸດ

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...