ສະຫະລັດໃຊ້ເຮືອບິນຖິ້ມອາວຸດ ແລະ ຢາໃສ່ຈ້ອງ ສົ່ງໃຫ້ທະຫານຊາວເຄີດ ໃນປະເທດຊີເຣຍ ເພື່ອຕໍ່ສູ້ກັບກຸ່ມ IS ແຕ່
ຊ້ຳພັດຖືກກຸ່ມ IS ຍຶດໄດ້ກ່ວາ 27 ຫີບ.
ສຳນັກຂ່າວຕ່າງປະເທດລາຍງານວ່າ ເມື່ອວັນທີ 22 ຕຸລາຜ່ານມານີ້ ກະຊວງປ້ອງກັນປະເທດສະຫະລັດອາເມຣິກາ ໄດ້
ສັ່ງໃຫ້ກວດສອບຄວາມຈິງ ເມື່ອພາຍຫລັງກຸ່ມລັດອິດສະລາມ ຫລື IS ໄດ້ເຜີຍແຜ່ຄລິບວີດີໂອໃນອິນເຕີເນັດ ໂດຍໄດ້
ອ່າງວ່າ 1 ໃນຫີບຫໍ່ອາວຸດເຄື່ອງກະສຸນ ແລະ ຢາ ຈຳນວນ 27 ຫີບຫໍ່ ທີ່ສະຫະລັດຖິ້ມລົງຈາກເຮືອບິນ ໄປໃຫ້ກຸ່ມນັກຮົບ
ຊາວເຄີດ ທີ່ກຳລັງຕໍ່ສູ້ກັບກຸ່ມ IS ໃນປະເທດຊີເຣຍ ໄດ້ຕົກມາຢູ່ໃນກຳມືຂອງກຸ່ມ IS.
ດ້ານເຈົ້າໜ້າທີ່ FBI ຂອງສະຫະລັດ ໄດ້ດຳເນີນການສົ່ງຕົວແທນໄວໜຸ່ມຍິງຊາວອາເມຣິກັນ 3 ຄົນ ອາຍຸ 15-17 ປີ ຈາກ
ສະໜາມບິນແຟັຣງເຟີດ ປະເທດເຢຍລະມັນ ກັບຄືນໄປຍັງເມືອງເດນເວີ ລັດໂຄໂລຣາໂດ ສະຫະລັດອາເມຣິກາ ໂດຍທັງ
3 ຄົນໄດ້ຫາຍຕົວໄປພ້ອມກັບເງິນຂອງຜູ້ປົກຄອງປະມານ 2,000 ໂດລາ ຕັ້ງແຕ່ວັນທີ 19 ຕຸລາ 2014 ທີ່ຜ່ານມາ ກ່ອນ
ທີ່ຈະຖືກກັກໂຕໄດ້ທີ່ສະໜາມບິນແຟັຣງເຟີດ ແລະ ທັງ 3 ຄົນໄດ້ລະບຸວ່າ ຕ້ອງການເດີນທາງໄປຊ່ວຍກຸ່ມ IS ສູ້ຮົບໃນ
ຕາເວັນອອກກາງ ໂດຍໃນຂະນະທີ່ຕຳຫລວດສະຫະລັດ ຍັງບໍ່ທັນໄດ້ຕັ້ງຂໍ້ຫາໃດໆໃຫ້ກັບພວກເຂົາ.