spot_img
Homeຂ່າວຕ່າງປະເທດນໍ້າຖ້ວມໄທສູງເຖິງ 26 ແຂວງ ຫຼັງມີພາຍຸມໍລະສຸມເຂົ້າປະເທດຕັ້ງແຕ່ວັນທີ 16 ກັນຍາ 2021

ນໍ້າຖ້ວມໄທສູງເຖິງ 26 ແຂວງ ຫຼັງມີພາຍຸມໍລະສຸມເຂົ້າປະເທດຕັ້ງແຕ່ວັນທີ 16 ກັນຍາ 2021

Published on

ວັນທີ 26 ກັນຍາ ສໍານັກຂ່າວ BBC ແລະ PRACHACHAT ລາຍງານ ກົມປ້ອງກັນ ແລະ ບັນເທົາສາທາລະນະໄພ ຢູ່ໄທໄດ້ລາຍງານວ່າ ຈາກໄພທໍາມະຊາດຈາກທາງພາກເໜືອຂອງໄທ ແລະ ພາກຕາເວັນອອກສ່ຽງເໜືອ ປະກອບກັບມໍລະສຸມຕະເວັນຕົກສ່ຽງໃຕ້ທີ່ພັດເຂົ້າມາປົກຄຸມທະເລອັນດາມັນ ພາກໃຕ້ ແລະ ອ່າວໄທ ເຮັດໃຫ້ມີຝົນຕົກໜັກໃນບາງພື້ນທີ່ຕັ້ງແຕ່ ວັນທີ 16 ກັນຍາ 2021 ເຮັດໃຫ້ປັດຈຸບັນ ສົ່ງຜົນໃຫ້ເກີດໄພນໍ້າຖ້ວມ ໃນພື້ນທີ່ 26 ແຂວງໃນປະເທດໄທ ໄດ້ແກ່ ຊຽງລາຍ, ຊຽງໃໝ່, ລໍາພູນ, ລໍາປາງ, ຕາກ, ສຸໂຂໄທ, ເພດຊະບູນ, ພິຈິດ, ກໍາແພງເພດ, ເລີຍ, ຂອນແກ່ນ, ໄຊຍະພູມ, ນະຄອນລາດຊະສີມາ, ສີສະເກດ, ອຸບົນລາດຈະທານີ, ປາຈີນບຸລີ, ສະແກ້ວ, ຈັນທະບູລີ, ນະຄອນສະຫວັນ, ພິດສະນຸໂລກ, ໄຊຍະນາດ, ສິງບຸລີ, ພຣະນະຄອນສີອະຍຸດທະຍາ, ປະທຸມທານີ, ລາດຊະບູລີ ແລະ ນະຄອນສີທໍາມະລາດ ເຮັດໃຫ້ປະຊາຊົນໄດ້ຮັບຜົນກະທົບຈໍານວນ 18,753 ຄົວເຮືອນ.


ທາງດ້ານ ພົນເອກ ປະຍຸດ ຈັນໂອຊາ ນາຍົກລັດຖະມົນຕີໄທ ໄດ້ລົງພື້ນທີ່ທີ່ມີເຂດນໍ້າຖ້ວມ ພ້ອມມີການໂອ້ລົມຜ່ານເຄື່ອງກະຈາຍສຽງ ແລະ ທັກທາຍປະຊາຊົນທີ່ຢູ່ຕາມບ້ານຕະຫຼອດເສັ້ນທາງ ໂດຍບອກວ່າ ນີ້ຄືໄພທໍາມະຊາດກໍຕ້ອງແກ້ໄຂກັນໄປ ຂໍໃຫ້ທຸກຄົນແຂງແຮງ, ປອດໄພ ແລະ ຈະແກ້ໄຂບັນຫາໃຫ້ປະຊາຊົນໄດ້ຮັບຜົນກະທົບໜ້ອຍທີ່ສຸດ.
ນາຍົກໄທ ຍັງໄດ້ກ່າວຕື່ມວ່າ ບັນຫາບ້ານເມືອງບໍ່ໄດ້ມີພຽງແຕ່ສິ່ງນີ້ ຈຶ່ງຂໍໃຫ້ຊ່ວຍກັນສວດມົນ ຢ່າໃຫ້ພະຍຸເຂົ້າມາອີກເລີຍ ພ້ອມຕ້ອງຊ່ວຍກັນຄິດໃໝ່ວ່າໃນວັນຂ້າງໜ້າຈະຢູ່ກັນແບບໃດ ຈະຕ້ອງປຸກເຮືອນ 2 ຊັ້ນ ຫຼື ຂະຫຍາຍໄປຢູ່ໃນຈຸດທີ່ສູງຂຶ້ນ.


ດ້ານສູນອໍານວຍການນໍ້າແຫ່ງຊາດໄທ ໄດ້ອອກປະກາດແຈ້ງເຕືອນພື້ນທີ່ຕໍ່າ ໃນຊ່ວງວັນທີ 27-30 ທີ່ຈະໄດ້ຮັບຜົນກະທົບຈາກລະດັບນໍ້າທີ່ລະບາຍຈາກເຂື່ອນເຈົ້າພະຍາ ເພີ່ມສູງຂຶ້ນຈາກປັດຈຸບັນປະມານ 0,30-1,00 ແມັດ.
ປະກາດດັ່ງກ່າວ ລະບຸ ວັນທີ 26-30 ກັນຍາ ນີ້ ຮ່ອງມໍລະສຸມຈະເລື່ອນລົງໄປຜ່ານພາກກາງ ແລະ ພາກໃຕ້ ເຮັດໃຫ້ປະຊາຊົນໄທທີ່ອາໄສຢູ່ບໍລິເວນດັ່ງກ່າວ ໂດຍສະເພາະທາງພາກເໜືອ ມີຝົນເພີ່ມຂຶ້ນເລັກໜ້ອຍສົ່ງຜົນໃຫ້ມີນໍ້າໄຫຼລົງເຂື່ອນເຈົ້າພະຍາ ໃນອັດຕາທີ່ເພີ່ມຂຶ້ນຢ່າງຕໍ່ເນື່ອງ.

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...