spot_img
Homeຂ່າວທ້ອງຖິ່ນນໍ້າຖ້ວມບໍລິຄັນກະທົບ 666 ຄອບຄົວ

ນໍ້າຖ້ວມບໍລິຄັນກະທົບ 666 ຄອບຄົວ

Published on

ໜັງສືພິມເສດຖະກິດ-ການຄ້າ ລາຍງານວ່າ ຈາກເຫດການນໍ້າຖ້ວມຢູ່ເມືອງບໍລິຄັນ ແຂວງບໍລິຄໍາໄຊຊ່ວງຕົ້ນເດືອນສິງຫາທີ່ຜ່ານມາ ເຮັດໃຫ້ປະຊາຊົນຫຼາຍຄອບຄົວ ໄດ້ຮັບຄວາມເດືອດຮ້ອນ, ສູນເສຍຊັບສິນເງິນທອງ, ໄຮ່ນາຕາກ້າ ແລະ ຕອນນີ້ແມ່ນຂາດແຄນນໍ້າກິນ, ເຄື່ອງອຸປະໂພກບໍລິໂພກ.

ທ່ານ ວັນເລີນ ປຸ້ຍໄມນີ ເຈົ້າເມືອງບໍລິຄັນ ໄດ້ລາຍງານຕໍ່ກອງປະຊຸມອົງການປົກຄອງແຂວງ ປະຈຳເດືອນ 7-8 ທີ່ໄດ້ຈັດຂຶ້ນໃນວັນທີ 11 ສິງຫາ 2020 ໃຫ້ຮູ້ວ່າ: ໃນລະຫວ່າງວັນທີ 2-6 ສິງຫາ 2020 ໄດ້ເກີດນ້ຳຖ້ວມຢູ່ເມືອງບໍລິຄັນ ຍ້ອນວ່າຝົນຕົກໜັກເປັນເວລາຫຼາຍວັນຕິດຕໍ່ກັນ ເຊິ່ງຜົນເສຍຫາຍເບື້ອງຕົ້ນ ມີບ້ານທີ່ໄດ້ຮັບຜົນກະທົບທັງໝົດ 15 ບ້ານ, 666 ຄອບຄົວ, ເນື້ອທີ່ນາ 236 ເຮັກຕ່າ, ສວນມັນຕົ້ນ 145 ເຮັກຕາ, ງົວ ຄວາຍຕາຍ 2 ໂຕ, ຫມູ 33 ໂຕ, ແບ້ 4 ໂຕ, ສັດປີກ 75 ໂຕ, ນ້ຳຖ້ວມໜອງປາ 16 ໜອງ, ທາງເປ່ເພ 3 ເສັ້ນ, ນອກນັ້ນ ຢູ່ບ້ານປາກເຫືອງໃໝ່ ຍັງໄດ້ເກີດດິນເຈື່ອນເຂົ້າຫາເຮືອນປະຊາຊົນ ຈໍານວນ 9 ຫຼັງ, ມາຮອດວັນທີ 10 ສິງຫາ 2020 ເຫັນວ່າໃນລະດັບນ້ຳໄດ້ເລີ່ມຫຼຸດລົງ ໃນລະດັບ 4,44 ແມັດ, ຖືວ່າສະຖານະການນ້ຳຖ້ວມໄດ້ເລີ່ມເບົາບາງລົງ.

ແນວໃດກໍ່ຕາມ ຕໍ່ກັບເຫດການທີ່ເກີດຂຶ້ນ ເປັນສັນຍານເຕືອນໃຫ້ເມືອງຕ້ອງກຽມພ້ອມຮັບມືກັບໄພທໍາມະຊາດທີ່ອາດເກີດຂຶ້ນໃນຕໍໜ້າອີກ ໂດຍທາງເມືອງມີຈຸດເຕືອນໄພ, ເຮືອກູ້ໄພ ແລະ ໄດ້ແຕ່ງຄະນະຮັບຜິດຊອບຕິດຕາມ, ມີຄະນະໄພພິບັດ ຮັບຜິດຊອບປະຈໍາການໃນແຕ່ລະວັນ ແລະ ຈຸດທີ່ມີຄວາມສ່ຽງທາງຄະນະຮັບຜິດຊອບ ໄດ້ລົງສົມທົບກັບຄະນະພັກ, ອໍານາດການປົກຄອງບ້ານ ເຕືອນໃຫ້ພໍ່ແມ່ປະຊາຊົນມີສະຕິລະວັງຕົວສູງ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...