ນ້ອງແຊນດີ້ ສຸກຈໍາປາ ອາຍຸ 10 ປີ ຫຼື ທີ່ຮູ້ຈັກກັນໃນຊື່ວ່າ “ແມ່ຄ້ານ້ອຍ ຮ້ອຍລີລາ” ໃຜຊິຄິດວ່າຈາກແມ່ຄ້າໂຕນ້ອຍໆ ຈະກ້າວມາສູ່ຜົນສໍາເລັດໃນມື້ນີ້ ຍ້ອນພອນສະຫວັນ ແລະ ຄວາມໜ້າຮັກຂອງນ້ອງແຊນດີ້.
ນ້ອງແຊນດີ້ເປັນແມ່ຄ້າທີ່ມີອາຍຸນ້ອຍພຽງແຕ່ 10 ປີ ໂດຍການເລີ່ມໄລສົດຂາຍເຄື່ອງຜ່ານທາງເຟສບຸກ ດ້ວຍທ່າທີການເວົ້າ ແລະ ທັກສະການຂາຍທີ່ເກັ່ງເຮັດໃຫ້ນ້ອງແຊນດີ້ໂດ່ງດັງທັງຢູ່ໃນປະເທດລາວ ແລະ ປະເທດເພື່ອນບ້ານນໍາອີກດ້ວຍ.
ຕອນນີ້, ຜູ້ອໍານວຍການ ເຈົ້າຂອງໂຮງຮຽນນານາຊາດ ປັນຍາທິບ ໄດ້ມອບທຶນການສຶກສາໃຫ້ແກ່ນ້ອງແຊນດີ້ ຕັ້ງແຕ່ ມ.1 ຈົນຈົບ ມ.7 ຮຽນຟຣີ ແລະ ກິນຟຣີ ແບບບໍ່ມີຄ່າໃຊ້ຈ່າຍ ໂດຍ ຜູ້ໃຊ້ເຟສບຸກຊື່: Leng Santisouk ໄດ້ໂພສຂໍ້ຄວາມໃນເຟສບຸກສ່ວນໂຕດັ່ງນີ້:
Congrats ແລະ ມື້ນີ້ກະເປັນມື້ທີ່ທາງຄອບຄົວໄດ້ເຂົ້າໄປເຊັນສັນຍາມອບທຶນການສຶກສາ ທາງຄອບຄົວເຮົາຕື້ນຕັນໃຈ ດີໃຈຈົນນໍ້າຕາອອກເລີຍ ບໍ່ຄິດວ່າຈະມີມື້ນີ້ ກ່ອນອື່ນຕ້ອງຂໍຂອບໃຈທາງເອື້ອຍເບ ຜູ້ອຳນວຍການ ເຈົ້າຂອງໂຮງຮຽນນານາຊາດ ປັນຍາທິບ ທີ່ໄດ້ມອບທຶນການສຶກສາໃຫ້ແກ່ ນ້ອງແຊນດີ້ ຕັ້ງແຕ່ ມໍ1 – ມໍ7 ຈົນຈົບ High School ເລີຍແມ່ນຮຽນຟີກິນຟີຈົນກວ່າຈະຮຽນຈົບເລີຍ ຂອບໃຈທີ່ເພິ່ນເຫັນເຖິງຄວາມສາມາດ ຄວາມຕັ້ງໃຈ ເຫັນພອນສະຫວັນຂອງນ້ອງແຊນດີ້ ແລະນີ້ກະຄືລາງວັນຂອງຄົນເກັ່ງ ລາງວັນຂອງຄົນກະຕັນຍູ ຂໍໃຫ້ຫລານແຊນດີ້ຕັ້ງໃຈຮຽນເຮັດໃຫ້ເຕັມທີ່ ເຮັດໃຫ້ທຸກຄົນພາກພູມໃຈ ສູ້ໆ
ປັດຈຸບັນ ນ້ອງ ແຊນດີ້ ຮັບງານແບບບໍ່ຫວັ່ນບໍ່ໄຫວ ຄິວຍາວຢຽດບຽດບໍ່ໄດ້ກັນເລີຍ ແລະ ຫຼ້າສຸດເປັນເລື່ອງດີໆຂອງນ້ອງອີກ.