spot_img
Homeຂ່າວພາຍ​ໃນນາຍົກລັດຖະມົນຕີ ໂອ້​ລົມຕໍ່ພະນັກງານ​ການ​ນຳ ພັກ-​ລັດ

ນາຍົກລັດຖະມົນຕີ ໂອ້​ລົມຕໍ່ພະນັກງານ​ການ​ນຳ ພັກ-​ລັດ

Published on

ພາຍຫຼັງທີ່​ດຳ​ເນີນ​ຊຸດ​ບຳລຸງ​ວຽກງານ ປກຊ-ປກສ ​ຊຸ​ດທີ XIII ໃຫ້​​ແກ່ພະນັກງານ​ການ​ນຳ ພັກ-​ລັດ ຈຳນວນ 28 ທ່ານ ມາ​ເປັນ​ເວລາ 2 ​ເດືອນ. ດັ່ງນັ້ນ, ມາ​ຮອດ​ຕອນ​ບ່າຍ​ຂອງ​ວັນ​ທີ 27 ມິຖຸນາ 2017 ທີ່​ວິທະຍາຄານ​ປ້ອງ​ກັນຊາ​ດ ​ໄກສອນ ພົມວິຫານ ກໍ່​ໄດ້​ຈັດ​ພິທີ​ປິດ​ຊຸດ​ບຳລຸງ​ດັ່ງກ່າວ​ຂຶ້ນ ​ໂດຍ​ເປັນກຽດ​ໂອ້​ລົມ​ໃນ​ພິທີ​ຂອງ ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ​ເຊິ່ງມີ​ບັນດາ​ຜູ້ຕາງໜ້າຈາກ ສູນ​ກາງ​ພັກ ​ແລະ ລັດຖະບານ, ຈາກ​ກອງ​ກຳລັງ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ ພ້ອມ​ດ້ວຍ​ບັນດາ​ຄະນະ​ພັກ-​ຄະນະ​ນຳ, ຄູ-​ອາຈານ ພາຍ​ໃນວິທະຍາຄານ​ປ້ອງ​ກັນຊາ​ດ ​ໄກສອນ ພົມວິຫານ ​ແລະ ນັກ​ສຶກສາ​ການ​ນຳ ພັກ-​ລັດ ​ເຂົ້າຮ່ວມ.
​ພາຍຫຼັງຜ່ານ​ການສະ​ເໜີບັນດາ​ເອກະສານ, ຮັບ​ຟັງ​ການ​ປາຖະກະຖາ, ການ​ສົນທະນາ, ຂຽນບົດ​ເກັບ​ກ່ຽວ ​ແລະ ຈັດຕັ້ງຖອດ​ຖອນ​ບົດຮຽນຮ່ວມ​ກັນ ລະຫວ່າງ ພະນັກງານ​ກາ​ນຳ ພັກ-​ລັດ ກັບ​ຄະນະ​ບັນຊາ​ວິທະຍາຄານ ​ແລະ ຄູ-​ອາຈານ ​ເຫັນ​ໄດ້​ວ່າ: ພະນັກງານ​ການ​ນຳ​ແຕ່ລະ​ທ່ານ ​ໄດ້​ຮັບ​ການ​ປະກອບ​ຄວາມ​ຮັບ​ຮູ້​ອັນ​ໃໝ່ ທາງ​ດ້ານຫຼັກມູນ​ພື້ນຖານ, ທິດ​ສະ​ດີ​ວິທະຍາສາດ ​ໃນ​ການ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ ​ໄລຍະ​ໃໝ່ ​ເພີ່ມ​ຂຶ້ນຕື່ມ​ອີກ​ບດາ​ກ້າວໜຶ່ງ ​ເປັນຕົ້ນ ດ້ານ​ຄວາມ​ຮູ້​ພື້ນຖານ ຕໍ່ກັບ​ວຽກງານ ປກຊ-ປກສ, ດ້ານ​ຄວາມ​ຮັບ​ຮູ້ ​ໃນ​ຂົງ​ເຂດ​ຍຸດ​ທະ​ສາດ​ປ້ອງ​ກັນຊາ​ດ, ດ້ານ​ຍຸດ​ທະ​ສາດ​ການ​ທະຫານ. ພ້ອມ​ນັ້ນ, ຍັງ​ໄດ້​ຮັບ​ຮູ້​ເຖິງ​ການ​ເສີມ​ຂະຫຍາຍ​ພາລະ​ບົດບາດ, ໜ້າທີ່​ເປັນ​ເສນາ​ທິການ ດ້ານ​ວຽກງານ ປກຊ-ປກສ ​ໃຫ້​ແກ່​ ພັກ-​ລັດຖະບານ ​ແລະ ທ້ອງ​ຖິ່ນ, ບັນຫາ​ລວມ ​ໃນ​ການ​ຊີ້ນຳ​ບັນຊາ​ກຳລັງ ປກຊ-ປກສ ​ໃນ​ຂົງ​ເຂດ​ຄວາມ​ຮັບຜິດຊອບ​ຂອງ​ຕົນ ​ແລະ ​ໄປ​ທັດສະນະ​ສຶກສາ​ຕົວ​ຈິງ ຢູ່​ບາງ​ກົມ​ກອງ​ກຳລັງຫຼວງຈຳນວນໜຶ່ງ.

​​ໂອກາດ​ນີ້, ທ່ານ​ນາຍົກລັດຖະມົນຕີ ກໍ່​ໄດ້ສະ​ແດງ​ຄວາມ​ຊົມ​ເຊີຍ​ ຕໍ່ຜົນສຳ​ເລັດຂອງ​ຊຸດ​ບຳລຸງ​ດັ່ງກ່າວ ​ເຊິ່ງ​ເປັນ​ການປະກອບ​ອົງ​ຄວາມ​ຮູ້​ອັນໜຶ່ງ ​ໃຫ້​ແກ່​ການ​ປະຕິບັດໜ້າທີ່​ວຽກງານ​ຂອງ​ຕົນ ດ້ວຍ​ຄວາມ​ມີ​ສະຕິ, ຄວາມ​ຮັບຜິດຊອບ ​ໃນ​ການ​ຊີ້ນຳ-ນຳພາ ຂົງ​ເຂດ​ວຽກງານ​ທີ່​ຕົນ​ຮັບຜິດຊອບ ​ແລະ ສິ່ງ​ທີ່​ຂາດ​ບໍ່​ໄດ້ ​ກໍ່​ແມ່ນຄວາມ​ຮູບ​ຮູ້​ທາງ​ດ້ານ​ແນວທາງ​ນະ​ໂຍບາຍ​ຂອງ​ພັກ, ດ້ານ​ທິດ​ສະ​ດີ​ປະຕິວັດ, ທິດ​ສະ​ດີ​ມາກ-​ເລ​ນິນ, ​ແນວ​ຄິດ ​ໄກສອນ ພົມວິຫານ ​ແລະ ທິດ​ສະ​ດີ​ກ່ຽວກັບ​ການ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະ ຫງົບ. ພ້ອມ​ນີ້, ທ່ານ​ຍັງ​ໄດ້​ຍົກ​ໃຫ້​ເຫັນ ທິດ​ທາງ​ລວມ​ໃນ​ການ​ເຮັດ​ວຽກງານ ປກຊ-ປກສ ຕິດ​ພັນ​ກັບ​ວຽກງານ​ພັດທະນາ​ເສດຖະ ກິດ-ສັງຄົມ ​ແລະ ວຽກງານ​ການ​ຕ່າງປະ​ເທດ ນັບ​ຕັ້ງ​ແຕ່​ອະດີດ ຈົນ​ເຖິງ​ປະຈຸ​ບັນ ​ແລະ ທິດ​ທາງ​ແນວ​ໂນ້ມ ​ໃນ​ອະນາຄົດ. ​ໃນ​ຕອນ​ທ້າຍ, ທ່ານ ທອງ​ລຸນ ສີ​ສຸ​ລິດ ຍັງ​ໄດ້​ເນັ້ນ​ໃຫ້​ພະນັກງານ ​ແລະ ກອງ​ກຳລັງ ປກຊ-ປກສ ທຸກ​ຄົນ ຕ້ອງ​ໄດ້​ເຮັດ​ວຽກຢ່າງ​ມີ​ສະຕິ, ມີ​ຈິດ​ໃຈ​ບຸກບືນ ​ແລະ ມີນ້ຳ​ໃຈ​-ມີ​ມາດ​ຕະການປະຢັດ​ສັດ​ທ່ຽງ. ຈະ​ເຮັດ​ໄດ້​ຄື​ແນວ​ນັ້ນ, ພວກ​ເຮົາ​ຕ້ອງ​ໄດ້​ສ້າງ​ຄວາມ​ໂປ່​ງ​ໃສ, ຄວາມ​ຊື່ສັດ, ຄວາມ​ບໍລິສຸດ ຂອງ​ພະນັກງານ-​ນັກຮົບ​ພວກ​ເຮົາ ​ແລະ ​ເປັນ​ແບບຢ່າງ​ໃຫ້​ແກ່​ປະຊາຊົນ.

 

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...