spot_img
Homeສຸຂະພາບ ແລະ ສີ່ງແວດລ້ອມທ່າພັກຜ່ອນຄວາມເມື່ອຍຈາກການເຮັດງານ ໜ້າຄອມພິວເຕີ

ທ່າພັກຜ່ອນຄວາມເມື່ອຍຈາກການເຮັດງານ ໜ້າຄອມພິວເຕີ

Published on

600x439x602051.jpg.pagespeed.ic.eJBHTdUCK3

ນັ່ງເຮັດງານຈາກຄອມພິວເຕີດົນໆ ພັກຈັກນ້ອຍມາເຮັດທ່າງ່າຍໆ ຜ່ອນຄາຍຄວາມເມື່ອຍໃດ້ຜົນ

ປັດຈຸບັນສ່ວນໃຫຍ່ ໃຊ້ເວລາເກືອບໝົດມື້ນັ່ງຢູ່ໜ້າຄອມພິວເຕີ ບໍ່ວ່າຈະເປັນການຮຽນ ເຮັດງານ ຫຼືການຫຼິ້ນເກມ ເຊິ່ງການໃຊ້ຊີວິດຢູ່ໜ້າຄອມພິວເຕີເປັນເວລາດົນໆ ຍ່ອມກໍ່ໃຫ້ເກິດອາການເມື່ອລ້າ ໂດຍສະເພາະບໍລິເວນ ຄໍ ບ່າ ແລະຫຼັງ ອັນເນື່ອງມາຈາກການບໍ່ຄ່ອຍເຄື່ອນໂຕ ເລືອດຈຶ່ງໄຫຼວຽນບໍ່ດີ .

ທ່າທີ່ 1  ນັ່ງຫຼັງຕົງ ອຽງຄໍໄປດ້ານໃດດ້ານໜຶ່ງຊ້າໆ ຈົນກວ່າຈະຮູ້ສຶກຕຶງບໍລິເວນບ່າດ້ານຕົງກັນຂ້າມ ຈຶ່ງຢຸດຄ້າງໄວ້ 10 ວິນາທີ ກ້າມເນື້ອທີ່ຕຶງຈະຜ່ອນຄາຍລົງ ໃຫ້ອຽງເພິ່ມອີກຈັກນ້ອຍຈົນຮູ້ສຶກຕຶງຄືເກົ່າ ຈາກນັ້ນໃຫ້ຄ້າງໄວ້ອີກ 10 ວິນາທີ ກ່ອນຈະອຽງຄໍກັບ ສູ່ທ່າເລີ່ມຕົ້ນ .

ທ່າທີ່ 2  ນັ່ງຫຼັງຕົງ ຈາກນັ້ນໃຫ້ຫັນຫົວໄປດ້ານໃດດ້ານໜຶ່ງຊ້າໆ ເມື່ອຮູ້ສຶກຕຶງທີ່ບ່າ ຫຼືຄໍໃຫ້ຢຸດຄ້າງໄວ້ 10 ວິນາທີ ແລະເມື່ອຮູ້ສຶກວ່າ ກ້າມເນື້ອເຊົາຕຶງ ໃຫ້ຫັນຫົວໄປທາງເກົ່າເພິ່ມຂື້ນອີກຈົນຮູ້ສຶກຕຶງ ແລ້ວຄ້າງໄວ້ 10 ວິນາທີ ກ່ອນຫັນຫົວກັບມາໃນທ່າຕົງ ຫາກລະຫວ່າງເຮັດທ່າ ຮູ້ສຶກວິນຫົວໃຫ້ພັກ 5 ວິນາທີ ກ່ອນເຮັດທ່ານັ້ນອີກຄັ້ງ ຫາກມີອາການອີກ ແນະນຳໃຫ້ໄປປຶກສາແພດ .

ທ່າທີ່ 3  ນັ່ງຫຼັງຕົງ ຍົກບ່າຂື້ນດ້ານເທີງເຕັມທີ່ ຄ້າງໄວ້ 5 ວິນາທີ ແລ້ວປ່ອຍບ່າລົງ ຈະຮູ້ສຶກວ່າກ້າມເນື້ອບໍລິເວນບ່າ ຜ່ອນຄາຍ ໂດຍໃຫ້ເຮັດຊ້ຳກັນ 3-5 ເທື່ອ ສະຫຼັບໄປມາ .

ທ່າທີ່ 4  ຢຽດແຂນຂວາອອກໄປດ້ານໜ້າ ຫັນຝາມືອອກນອກລຳໂຕ ຈາກນັ້ນໃຊ້ມືຊ້າຍດັນຫຼື ດັດນິ້ວມືຂວາ ໃຫ້ໂຄ້ງເຂົ້າຫາລຳໂຕ ທ່ານີ້ຈະໃຫ້ຕຶງທີ່ຂໍ້ສອກຂວາດ້ານໃນ ໃຫ້ຄ້າງໄວ້ 10 ວິນາທີ ແລະສະລັບອີກຂ້າງ ແຕ່ຫາກເຮັດແລ້ວ ມີອາການຊາທີ່ມື້ ໃຫ້ຢຸດພັກ 5 ນາທີ ແລ້ວລອງເຮັດອີກ ຖ້າຍັງມີອາການອີກ ໃຫ້ໄປຫາແພດ .

ທ່າທີ່ 5  ເປັນການນວດຝາມືຊ້າຍດ້ວຍນິ້ວໂປຂວາ ໂດຍການກົດລົງໄປ ເທີງຝາມືແລ້ວໝຸນນິ້ວໂປເປັນວົງມົນ 3 ຮອບ ຈາກນັ້ນເລື່ອນນິ້ວໂປໄປຈຸດອື່ນໆ ເທີງຝາມືຈົນທົ່ວຝາມື ແລ້ວໃຫ້ສະລັບໄປເຮັດອີກຂ້າງ ດ້ວຍວິທີດຽວກັນ ແຕ່ຄວນລະວັງ ຢ່າໃຫ້ກາຍເປັນການຖູ .

ທ່າທີ່ 6  ໃຊ້ມືຂວາດຶງນິ້ວໂປຊ້າຍເຂົ້າຫາໂຕ ຈົນຮູ້ສຶກຕຶງບໍລິເວນອຸ້ງມື ແລະຂໍ້ນິ້ວໂປ ໃຫ້ຄ້າງໃນທ່ານັ້ນ 5 ວິນາທີ ກ່ອນຈະໄປເຮັດອີກຄ້າງ .

ທ່າທີ່ 7  ເປັນການບໍລິຫານທັ້ງ 2 ມືພ້ອມກັນ ໂດຍເລີ່ມຈາກການກຳໃຫ້ແນ່ນທີສຸດຄ້າງໄວ້ 5 ວິນາທີ ແລ້ວປ່ອຍອອກຊ້າໆ ພ້ອມກາງນິ້ວໃຫ້ຫຼາຍທີ່ສຸດຄ້າງໄວ້ 5 ວິນາທີ ແລ້ວກັບມາຢູ່ໃນທ່າປັກກະຕິ ຈາກນັ້ນໃຫ້ເຮັດຊ້ຳອີກ 2-3 ເທື່ອ ຈະຊ່ວຍໃຫ້ຜ່ອຍຄາຍບໍລິເວນຝາມື .

 

ກຸ້ງຄຳ ແສນມະນີ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...