spot_img
Homeຂ່າວເຫດການຖະແຫລງຂ່າວເຫດໄຟໄຫມ້ສູນການຄ້າ ລາວ-ໄອເຕັກ

ຖະແຫລງຂ່າວເຫດໄຟໄຫມ້ສູນການຄ້າ ລາວ-ໄອເຕັກ

Published on

ເມື່ອເວລາປະມານ 16:30 ໂມງຂອງວັນທີ 10 ພຶດສະພາຜ່ານມາ ທີ່ສູນການຄ້າ ລາວ-ໄອເຕັກ ນະຄອນຫລວງວຽງຈັນ ໄດ້ຈັດພິທີຖະແຫລງຂ່າວເຫດການໄຟໄຫມ້ຊຶ່ງເກີດຂຶ້ນເມື່ອເວລາປະມານ 08:30 ນາທີຂອງມື້ດຽວກັນ ໂດຍການເປັນປະທານຂອງ ທ່ານ ບຸນທຳ ສີບຸນມີ ຜູ້ອຳນວຍການໃຫຍ່ ບໍລິສັດ ລາວເວິລ ແລະ ທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ມີບັນດາພໍ່ຄ້າແມ່ຄ້າທັງພາຍໃນ ແລະ ຕ່າງປະເທດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໂອກາດດັ່ງກ່າວ ທ່ານ ບຸນທຳ ໄດ້ກ່າວວ່າ ເຫດການໄຟໄຫມ້ທີ່ເກີດຂຶ້ນໃນຄັ້ງນີ້ໃນເບື້ອງຕົ້ນແມ່ນຍັງບໍ່ສາມາດລະບຸໄດ້ເຖິງສາເຫດທີ່ແທ້ຈິງ ຊຶ່ງຕ້ອງໄດ້ໃຫ້ເຈົ້າຫນ້າທີ່ກ່ຽວຂ້ອງເຂົ້າມາກວດສອບຢ່າງລະອຽດຈຶ່ງຈະສາມາດລະບຸໄດ້ວ່າຕົ້ນເຫດທີ່ເຮັດໃຫ້ເກີດໄຟໄຫມ້ໃນຄັ້ງນີ້ເກີດມາຈາກຫຍັງ?​ ຢ່າງໃດກໍຕາມ ສະພາບໍລິຫານສູນການຄ້າ ລາວ-ໄອເຕັກ ກໍໄດ້ຕົກລົງເຫັນດີແຕ່ງຕັ້ງຄະນະຮັບຜິດຊອບສະເພາະກິດ ໂດຍໄດ້ແບ່ງອອກເປັນ 3 ຫນ້າວຽກຄື 1. ລວບລວມຂໍ້ມູນ ແລະ ຫລັກຖານທັງຫມົດກັບພາກສ່ວນກ່ຽວຂ້ອງ 2. ຄິດໄລ່ ແລະ ປະເມີນຜົນເສຍຫາຍທຸກຂົງເຂດທີ່ໄດ້ຮັບຜົນກະທົບ ແລະ 3. ຟື້ນຟູຕຶກອາຄານທີ່ໄດ້ຮັບຄວາມເສຍຫາຍຢ່າງຮີບດ່ວນ ຊຶ່ງຄາດວ່າຈະໃຊ້ເວລາປະມານ 45 ວັນສຳລັບການບູລະນະບໍລິເວນທີ່ໄດ້ຮັບຄວາມເສຍຫາຍ ແລະ ຈະເປີດທຳການເປັນປົກກະຕິໃນຕົ້ນເດືອນກໍລະກົດນີ້.

ຂະນະທີ່ ທ່ານ ນາງ ຈັນທະຈອນ ກໍໄດ້ກ່າວວ່າ ມື້ນີ້ຖືເປັນມື້ເປີດງານ Made in Lao 2019 (ວັນທີ 10-19 ພຶດສະພາ 2019) ຊຶ່ງຄັ້ງນີ້ຖືເປັນຄັ້ງທີ 6 ລວມມີທັງຫມົດ 382 ບູ໊ດ ໃນນັ້ນ ມີ 24 ບູ໊ດໄດ້ຮັບຄວາມເສຍຫາຍຈາກເຫດໄຟໄຫມ້ໃນຄັ້ງນີ້ ສຳລັບການຊົດເຊີຍຄ່າເສຍຫາຍໃຫ້ແກ່ຜູ້ປະກອບການແມ່ນຈະມີການພິຈາລະນາໃນໄວໆນີ້ໂດຍຈະອີງຕາມການກວດສອບຂອງເຈົ້າຫນ້າທີ່ ແລະ ບໍລິສັດປະກັນໄພທີ່ເປັນຄູ່ຮ່ວມທຸລະກິດ ທັງນີ້ ງານ Made in Lao 2019 ຈະເລື່ອນໄປເປີດໃນວັນທີ 20-28 ພຶດສະພາທີ່ຈະເຖິງນີ້.​

 

 

 

 

 

ຂຽນໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...