spot_img
Homeຂ່າວ​ໄອ​ທີຕໍ່ໄປນີ້ ທຸກຄົນຈະມີກົດໝາຍຢູ່ໃນມື

ຕໍ່ໄປນີ້ ທຸກຄົນຈະມີກົດໝາຍຢູ່ໃນມື

Published on

ໃນທ້າຍປີ 2016 ທີ່ຜ່ານມາ ທາງກະຊວງຍຸຕິທໍາໄດ້ປະກາດຢ່າງເປັນທາງການໃນການເປີດໂຕແອັບ ກົດໝາຍລາວ (LaoLaw) ເຊິ່ງເປັນແອັບທີ່ບັນຈຸເນື້ອໃນລັດຖະທຳມະນູນແລະກົດໝາຍທຸກສະບັບລົງໄວ້ໃນນັ້ນ ສ້າງຄວາມສະດວກໃຫ້ແກ່ຜູ້ທີ່ສົນໃຈເລື່ອງກົດໝາຍສາມາດດາວໂຫຼດແອັບດັ່ງກ່າວມາໄວ້ໃນເຄື່ອງມືສື່ສານຂອງຕົນເອງໄດ້ ໂດຍບໍ່ຈຳເປັນຖືປຶ້ມກົດໝາຍຈຳນວນຫຼວງຫຼາຍ.

ວັນທີ 7 ພຶດສະພາ 2017 ນີ້ ທ້າວ ສຸລິໂຍ ວົງດາລາ ຜູ້ພັດທະນາແອັບດັ່ງກ່າວໄດ້ເປີດເຜີຍແອັບກົດໝາຍລາວ ເວີຊັ່ນທີ 2 (V2.0) ເຊິ່ງໄດ້ມີການປັບປຸງໃຫມ່ຫຼາຍຢ່າງເຊັ່ນ: ໄດ້ນໍາຂໍ້ມູນໄຟລ໌ເອກະສານກົດໝາຍຕ່າງໆເຂົ້າໃຫມ່ ເຊິ່ງກ່ອນໜ້ານີ້ຈະເປັນໄຟລ໌ Scan ແຕ່ປັດຈຸບັນໄດ້ເປັນໄຟລ໌ທີ່ export ອອກມາຈາກ Words ເຊິ່ງເຮັດໃຫ້ຄຸນນະພາບໄຟລ໌ແຈ້ງຂຶ້ນກວ່າເກົ່າຫຼາຍສິບເທົ່າ ໃນຂະນະດຽວກັນຂະຫນາດໄຟລ໌ກໍ່ນ້ອຍລົງຫລາຍ 10 ເທົ່າ ເຊິ່ງໝາຍຄວາມວ່າຜູ້ໃຊ້ຈະປະຢັດອິນເຕີເນັດໃນການອ່ານກົດໝາຍຕ່າງໆ ເພາະ ໂດຍສະເລ່ຍແລ້ວ 1 ໄຟລ໌ຈະມີຂະຫນາດພຽງແຕ່ 200KB ເທົ່ານັ້ນ ເຊິ່ງຈະເຮັດໃຫ້ການໂຫລດໄຟລ໌ 1 ເທື່ອໃຊ້ເວລາບໍ່ເຖິງ 5 ວິນາທີ ແລະ ທີ່ສໍາຄັນແມ່ນ ຫຼັງຈາກທີ່ທ່ານເປີດອ່ານແລ້ວ ໃນເທື່ອຕໍ່ໆໄປຖ້າທ່ານກັບມາອ່ານອີກ ທ່ານຈະບໍ່ເສຍອິນເຕີເນັດເພື່ອໂຫລດໄຟລ໌ສໍ້າອີກ ເນື່ອງຈາກມັນຖືກເກັບໄວ້ໃນບ່ອນຂໍ້ມູນສໍາຮອງໃນໂຕເຄື່ອງ.

ນອກຈາກຂໍ້ມູນກົດໝາຍໃຫມ່ທີ່ນໍາເຂົ້າມາໃນໂຕແອັບ ຜູ້ໃຊ້ຍັງສາມາດເບິ່ງກົດໝາຍສະບັບເກົ່າໄດ້ນໍາ ເພື່ອໃຫ້ນັກຮຽນ ຫຼື ນັກຄົ້ນຄວ້າໄດ້ໃຊ້ເປັນຂໍ້ມູນ ເພື່ອສຶກສາກົດໝາຍເກົ່າ ແລະ ກົດໝາຍໃຫມ່ໃນແຕ່ລະປະເພດກົດໝາຍ.

ນອກຈາກນັ້ນແລ້ວ ແອັບກົດໝາຍລາວ ຍັງໄດ້ມີການປັບເມນູການນໍາໃຊ້ແອັບໃຫ້ງ່າຍຂຶ້ນ ເຊິ່ງເປັນເມນູດ້ານຂ້າງເມນູດຽວ ແລະ ລວມໝວດຕ່າງໆ ແລະ ເມນູຕ່າງໆມາໄວ້ບ່ອນດຽວກັນ ເພື່ອໃຫ້ເຂົ້າເຖິງໄດ້ງ່າຍ ແລະ ໄວຂຶ້ນ.

ການນໍາໃຊ້ແອັບໃນອຸປະກອນແທັບເລັດຢ່າງເຊັ່ນ iPad ແລະ ແທັບເລັດແອນດຼອຍອື່ນໆຍັງມີຄວາມງ່າຍ ແລະ ສະດວກຂຶ້ນຍ້ອນໜ້າຈໍທີ່ໃຫຍ່ ແລະ ສາມາດອ່ານໄດ້ສະບາຍຕາອີກດ້ວຍ.

ສໍາລັບໃຜເຄີຍດາວໂຫລດໄປແລ້ວ ບໍ່ວ່າຈະເປັນ iOS ຫຼື Android ແມ່ນສາມາດກົດອັບເດດແອັບຂອງທ່ານໄດ້ໃນ AppStore ແລະ PlayStore ໄດ້. ສໍາລັບໃຜທີ່ຍັງບໍ່ເຄີຍດາວໂຫລດແອັບກົດໝາຍລາວ ແມ່ນສາມາດດາວໂຫລດໄດ້ທີ່ລິ້ງທາງດ້ານລຸ່ມນີ້ ຕາມລະບົບປະຕິບັດການທີ່ຕົນເອງໃຊ້ງານຢູ່.
Android: https://play.google.com/store/apps/details?id=com.laolaw.org
iOS: https://itunes.apple.com/la/app/laolaw-read-lao-law-documents/id1125660255?mt=8

ແຫຼ່ງຂ່າວ: souliyo.com

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...