spot_img
Homeຂ່າວພາຍ​ໃນຕຳຫລວດເຜີຍ ການໄລ່ຍິງກັນຢູ່ເສັ້ນທາງ 450 ປີ ບໍ່ແມ່ນປຸ້ນຊັບ!

ຕຳຫລວດເຜີຍ ການໄລ່ຍິງກັນຢູ່ເສັ້ນທາງ 450 ປີ ບໍ່ແມ່ນປຸ້ນຊັບ!

Published on

shoot

ພາຍຫລັງເກີດເຫດການມີຄົນຮ້າຍບໍ່ຮູ້ຈຳນວນໃຊ້ອາວຸດປືນໄລ່ຍິງຄົນໃນລົດເກງຍີ່ ຫໍ້ຮຸນໄດ ອີແລນຕາ ສີຂາວ ບໍ່ມີໝາຍເລກທະບຽນຢ່າງໂຫດຫ້ຽມຢູ່ເສັ້ນທາງ 450 ປີເຂດບ້ານນາແຄ ເມືອງໄຊທານີ ນະຄອນຫລວງວຽງຈັນ ເມື່ອເວລາປະມານ 23 ໂມງ ຂອງວັນທີ 30 ມິຖຸນາຜ່ານມາຈົນເຮັດໃຫ້ມີຜູ້ເສຍຊີວິດສອງຄົນ, ໃນນັ້ນເປັນ ຍິງໜຶ່ງຄົນ ແລະ ຜ່ານການສັນນະສູດສະຖານທີ່ເກີດເຫດຂອງເຈົ້າໜ້າທີ່ພົບ ວ່າຜູ້ເສຍຊີວິດຊື່ ນາງ ວິໄລວັນ ອາຍຸ 26 ປີ ຢູ່ບ້ານນາແຄ ເມືອງໄຊທານີ ຖືກຍິງ ບໍລິເວນຫລັງຫລາຍກວ່າສີບນັດນອນເສຍຊີວິດຢູ່ເບາະນັ່ງດ້ານຫລັງລົດ ແລະ ຢູ່ນອກຫ່າງຈາກລົດບໍ່ເທົ່າໃດແມັດກໍພົບສົບຜູ້ເສຍຊີວິດຊື່ທ້າວ ຄຳຈັນ ອາຍຸ 26 ປີຢູ່ບ້ານສີບຸນເຮືອງ ເມືອງຈັນທະບູລີນະ ຄອນ ຫລວງວຽງຈັນ ຖືກຍິງບໍລິເວນຫລັງຫລາຍນັດເຊັ່ນກັນ ແລະ ໃນຈຸດເກີດເຫດເຈົ້າໜ້າທີ່ພົບສອບລູກປືນອາກາ ແລະ ປືນສັ້ນຫລາຍສີບສອບຕົກເຮ່ຍຢັງຢາຍ ແລະ ຕໍ່ຄະດີສະເທືອນຂວັນຄັ້ງນີ້ເຈົ້າໜ້າທີ່ສັນນິຖານວ່າບໍ່ແມ່ນການກໍ່ເຫດ ເພື່ອປຸ້ນເອົາຊັບ, ເພາະຢູ່ພາຍໃນລົດຖືກຍິງຄັນດັ່ງກ່າວແມ່ນບໍ່ພົບຮ່ອງຮອຍການຮື້ຄົ້ນ ແລະ ຍັງມີເງິນຈຳນວນໜຶ່ງທີ່ຄົນ ຮ້າຍບໍ່ໄດ້ເອົາໄປ. ແນວໃດກໍຕາມ, ເຈົ້າໜ້າທີ່ຈະເລັ່ງສືບສວນສອບສວນຫາສາເຫດຂອງການຄາດຕະກຳຄັ້ງນີ້ໂດຍໄວ ເພື່ອນຳຈັບຕົວຄົນຮ້າຍມາດຳເນີນຄະດີຕາມລະບຽບກົດໝາຍ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...