spot_img
Homeສຸຂະພາບ ແລະ ສີ່ງແວດລ້ອມຍຸງລາຍຮ້າຍກວ່າເສືອ! ມີຜູ້ເສຍຊີວິດແລ້ວ 7 ຄົນ ແລະ ຕິດເຊື້ອ 900 ຄົນຍ້ອນພະຍາດຍຸງລາຍ

ຍຸງລາຍຮ້າຍກວ່າເສືອ! ມີຜູ້ເສຍຊີວິດແລ້ວ 7 ຄົນ ແລະ ຕິດເຊື້ອ 900 ຄົນຍ້ອນພະຍາດຍຸງລາຍ

Published on

ກະຊວງສາທາລະນະສຸກ ສປປ ລາວລາຍງານຫລ້າສຸດໃນວັນທີ 14 ມິຖຸນາ 2016 ນີ້ວ່າ: ມີຜູ້ເສຍຊີວິດແລ້ວ 7 ຄົນ ຈາກເຊື້ອພະຍາດໄຂ້ຍຸງລາຍ ແລະ ຕິດເຊື້ອປະມານ 900 ກວ່າຄົນທົ່ວປະເທດ ຂະນະທີ່ ການລະບາດຂອງພະຍາດໄຂ້ຍຸງລາຍມີທ່າອ່ຽງຈະສືບຕໍ່ເພີ່ມຂຶ້ນ.

ທ່ານ ດຣ ແພງຕາ ວົງພະຈັນ ຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກໄດ້ເປີດເຜີຍຕໍ່ສໍານັກຂ່າວສານປະເທດໃນມື້ດຽວກັນນີ້ວ່າ: ລະດູນີ້ເປັນລະດູຝົນພ້ອມມີແດດອອກເປັນໄລຍະໆ ເຊິ່ງໄດ້ເງື່ອນໄຂສ້າງສິ່ງອໍານວຍໃຫ້ແກ່ຂະຫຍາຍພັນຂອງຍຸງລາຍໄວກວ່າເວລາປົກກະຕິ ຂະນະທີ່ ຕົວເລກສະສົມຂອງການລະບາດພະຍາດໄຂ້ຍຸງລາຍໃນປັດຈຸບັນນີ້ພົບວ່າທົ່ວປະເທດມີຜູ້ຕິດເຊື້ອພະຍາດໄຂ້ຍຸງລາຍແລ້ວປະມານ 900 ຄົນ ແລະ ເສຍຊີວິດ 7 ຄົນ ໃນນັ້ນອັນດັບທີ 1 ແມ່ນແຂວງຈໍາປາສັກ, ທີ 2 ແມ່ນນະຄອນຫລວງວຽງຈັນ ແລະ ທີ 3 ແມ່ນ ແຂວງບໍລິຄໍາໄຊ ສ່ວນຜູ້ເສຍຊີວິດຫລາຍກວ່າໝູ່ແມ່ນແຂວງຈໍາປາສັກມີ 6 ຄົນ ແລະ 1 ຄົນແມ່ນຢູ່ແຂວງສາລະວັນ.

ທ່ານ ຫົວໜ້າສູນວິເຄາະ ແລະ ລະບາດວິທະຍາຍັງຊີ້ແຈງວ່າ: ທຸກໆປີ, ກະຊວງສາທາລະນະສຸກຂອງຕົນເອງກໍໄດ້ມີມາດຕະການ ແລະ ກະກຽມຕ້ານ-ສະກັດກັ້ນການລະບາດຂອງພະຍາດໄຂ້ຍຸງລາຍຢ່າງເປັນລະບົບກັບອໍານາດການປົກຄອງແຂວງ, ທ້ອງຖິ່ນ ແລະ ໜ່ວຍງານກ່ຽວຂ້ອງໂດຍສະເພາະແມ່ນແນະນໍາໃຫ້ປະຊາຊົນທໍາລາຍແຫລ່ງເພາະພັນຂອງຍຸງລາຍເປັນຕົ້ນແມ່ນຖາງຫຍ້າອອ້ມເຮືອນ, ຂວ້າມ ແລະ ຫ້າມກັກເກັບນໍ້າໄວ້ຢູ່ພາຊະນະທີ່ມີຄວາມສ່ຽງ, ປ່ອຍປາຫາງນົກຍຸງທໍາລາຍໄຂ່ຍຸງໃນນໍ້າ, ຕ້ອງນອນໃນມຸ້ງ, ພົ່ນຢາທໍາລາຍແຫລ່ງເພາະພັນຍຸງ ແລະ ອື່ນໆ.

ແນວໃດກໍດີ ປັດຈຸບັນນີ້ ທາງກະຊວງສາທາລະນະສຸກຂອງຕົນຍັງໄດ້ອະນຸມັດເງິນຈໍານວນ 800 ລ້ານກີບ ຊ່ວຍ ເຫລືອສຸກສາລາໃຫ້ແກ່ແຂວງທີ່ມີການເກີດລະບາດ.

ໃນປີ 2013 ຜ່ານມາ, ສປປ ລາວມີການເກີດລະບາດພະຍາດດັ່ງກ່າວເຮັດໃຫ້ມີຜູ້ເສຍຊີວິດ 70 ຄົນ ແລະ ຕິດເຊື້ອຫລາຍພັນຄົນ.

ຂ່າວຈາກ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...