spot_img
Homeຂ່າວພາຍ​ໃນຊົວເຣຊ ກວາດ 3 ລາງວັນດີເດັ່ນຂອງ ລິເວີພູລ ສົ່ງທ້າຍລະດູການ

ຊົວເຣຊ ກວາດ 3 ລາງວັນດີເດັ່ນຂອງ ລິເວີພູລ ສົ່ງທ້າຍລະດູການ

Published on

AA
ຣ໊ອດເຈີ (ຊ້າຍ) ຮັບລາງວັນແຫ່ງຄວາມສຳເລັດ.
A
ຫຼຸຍ ຊົວເຣຊ (ຊ້າຍ) ຖ່າຍຮູບຮ່ວມກັບ ປະທານສະໂມສອນ ລິເວີພູລ.

ຫຼຸຍ ຊົວເຣຊ ກອງໜ້າຕົວເກັ່ງຂອງ ລິເວີພູລ ກວາດ 3 ລາງວັນໃນງານປະກາດລາງວັນສົ່ງທ້າຍລະດູການ 2013-2014 ຂອງລິເວີພູລ ສະໂມສອນຈາກອັງກິດ ເມື່ອວັນທີ 6 ພຶດສະພາທີ່ຜ່ານມາ.
ຫຼັງຈາກທີ່ໄດ້ລາງວັນນັກເຕະດີເດັ່ນແຫ່ງປີຂອງອັງກິດ ທັງສະມາຄົມບານເຕະອາຊີບອັງກິດ ແລະ ສະມາຄົມຜູ້ສື່ຂ່າວບານເຕະອັງກິດ ແລ້ວໃນງານປະກາດລາງວັນສົ່ງທ້າຍລະດູການ 2013-2014 ຂອງລິເວີພູລ ຜົນປະກົດວ່າ: ຫຼຸຍ ຊົວເຣຊ ກອງໜ້າທີມຊາດອູຣູກວາຍ ຍາດໄດ້ເຖິງ 3 ລາງວັນໄດ້ແກ່: ລາງວັນນັກເຕະດີເດັ່ນຂອງສະໂມສອນ (ຈາກການລົງຄະແນນຂອງເພື່ອນຮ່ວມທີມ), ລາງວັນນັກເຕະດີເດັ່ນແຫ່ງປີ (ຈາກການລົງຄະແນນຂອງແຟນບານລິເວີພູລ) ແລະ ລາງວັນປະຕູໂດດເດັ່ນແຫ່ງປີ (ຈາກຍິງໄລຍະ 40 ຫຼາໃນນັດທີ່ພົບກັບ ນໍຣິຊ ຊິຕີ ເມື່ອເດືອນທັນວາ ປີທີ່ຜ່ານມາ).
ໂດຍ ສະຕີເວນ ເຈີຣາດ ຫົວໜ້າທີມ ລິເວີພູລ ກ່າວວ່າ: “ຫຼຸຍ ຊົວເຣຊ ເໝາະສົມກັບລາງວັນນີ້ທຸກປະການ, ລາວຊະນະທຸກສິ່ງ ແລະ ພວກເຮົາກໍ່ໂຊກດີຫຼາຍທີ່ມີຜູ້ຫຼິ້ນເກັ່ງລະດັບໂລກຢູ່ໃນທີມ ແລະ ຊ່ວຍໃຫ້ ລິເວີພູລ ມີລະດູການທີ່ດີທີ່ສຸດ”.
ຂະນະທີ່ ເບຣນແດນ ຣ໊ອດເຈີ ຜູ້ຈັດການທີມຂອງລິເວີພູລໄດ້ຮັບລາງວັນແຫ່ງຄວາມສຳເລັດດີເດັ່ນ ຫຼັງສ້າງຜົນງານພາທີມ ລິເວີພູລ ໄດ້ສິດໄປແຂ່ງຂັນ ຢູຟາ ແຊັມປ້ຽນລີກ ໃນລະດູການໜ້າ ແລະ ໄດ້ລຸ້ນແຊັມພຣີເມຍລີກ ພາຍໃຕ້ການຄຸມທີມພຽງແຕ່ 2 ລະດູການ.
ສ່ວນຕໍາແໜ່ງນັກເຕະໜ້າໃໝ່ດີເດັ່ນແຫ່ງປີຕົກເປັນຂອງ ຣາຮິມ ສະເຕີລິງ ປີກຕົວເກັ່ງທີ່ສະແດງຟອມໄດ້ຢ່າງສະໝໍ່າສະເໝີ ແລະ ມີໂອກາດຫຼາຍທີ່ສຸດໃນການຕິດທີມຊາດອັງກິດ ທີ່ກຽມໄປການແຂ່ງຂັນບານໂລກ 2014 ທີ່ບຣາຊິນ ໃນເດືອນມິຖຸນານີ້.

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...